香港保衛戰之檸檬茶異聞錄: 國防會議前夕

自從收到來自保安局防衛司嘅信後,啊袓感到好疑惑.....並唔清楚聯邦政府搵佢做咩,對呢次嘅會議感到疑惑同時又覺得好奇.
因為佢知道呢次嘅會議應該唔簡單,由於係密函嘅關係啊袓並無同老婆講會議單嘢,淨係話聽日有啲事返唔到嚟食飯.
之後老婆問:「點解嘅？你係咪有啲咩事啊,唔怕同我講喎」
啊袓雖然想講畀老婆知咩事,但封信講過話唔可以同人講有呢個會議.之後佢就求其講咗個理由出嚟.
「無咩嘢,有個舊同學o係北美聯邦番嚟話想同我食餐飯喎」啊袓低調說道

穎彤「咁你可以嗌佢嚟食飯啊,我可以煮啲好餸畀佢食呀」

啊袓「唔好喇,我想單獨同佢食餐飯大家聚下舊咁」
穎彤「咁好喇,你早啲番喎,你唔番嚟我瞓唔著㗎」




啊袓 「當然會喇,我又點會捨得見唔到妳啊,最多我聽晚番嚟買妳最鍾意嘅車仔麵做宵夜喇」

潁彤「嗱,你講㗎！咪講過唔算數吖！」

啊袓「妳同我拍拖之前都知我講咗就算數㗎喇,幾時有呃過妳先？我又點會咁衰呃自己老婆啊」

啊袓講完呢句之後,就行咗入房一路上住連登一路睇下youtube咁渡過每一日,然之後就瞓教了.

到咗第二朝嘅清晨時份,呢日就係開祕密會議嘅日子.啊袓如常好似平日咁出門口繼續佢工作,正當佢準備撘車番工嘅時候就收到老闆嘅電話,同啊袓講佢以後唔使番工,由於事出突然啊袓佢同老闆傾咗好耐,想問下點解會咁嘅時候,最後老闆淨係講咗句...............

「你自己知自己事............」講完呢句之後就收咗線

啊袓聽完個電話當然一頭霧水,因為o係間公司做咗咁多年,一直都規規矩矩無遲到早退,佢諗唔明白點解咁都畀人炒.跟住啊袓就坐o係尖沙咀海旁飲酒,望住個海o係道問個天,然之後大嗌「我到底做錯啲咩嘢!!!!!!!!!!!!」當然咁樣大嗌一定會受到旁人嘅注視,但當刻啊袓並無理咁多.

突然之間天上面有陣強風,又有機械轉動嘅聲音,於是啊袓就望上天見到原來係一架直升機.而呢架直升機降落o係海旁隔離,跟住就有兩個著到好似英雄本色裏面個mark哥咁嘅男人落咗嚟,話自己係政治部探員,展示咗個委任證.

然之後啊袓就跟咗佢哋上直升機,好快佢哋就抵達赤柱安全屋.隨即就有好多便衣警察o係安全屋嘅外面嚟護送啊袓入去.當啊袓入到去之後就首先見到保安局局長,防衛司,以及其他政府官員.

保安局局長 「相信文先生應該仲未知道我哋嚟搵你係召開一個咩嘢嘅會議,但相信假如你有睇新聞都應該知道香港將會面臨一場好大嘅危機.o係我哋以北嘅南粵國一直都想侵略香港,由過去中國殖民時代開始呢個地方嘅人民一直無放過香港呢個地方,除咗咁其他國家都好想侵略我哋嘅國家,原因係香港有一樣全世界政府都好需要嘅嘢,就係----------檸....檬....茶.」






註解
保安局(全稱香港國家保安局)
防衛司(保安局附屬部門 防衛科首長)
北美聯邦(第三次世界大戰其間美國,加拿大,格陵蘭合併嘅新國家)
聯邦政府(香港政府又或稱香港聯邦政府)
 中國殖民時代(香港特別行政區)