我喺酒店搶左人地女朋友: 香蕉裙

數數手指我和Christies差不多一個月沒有約會了，除了上班時偶爾碰面和下班時幸運地一起離開，其餘時間都仍然是靠手機溝通，這天亦不例外。

Christies突然在whatsapp問我：「你覺唔覺得我係一個好自負既人？」附加兩個笑喊emoji。

「陷阱黎啦⋯⋯要小心d答，我唔覺阿。」

她又是發兩個笑喊emoji說：「我成日講野好咩喎。」

「拿！呢句就真係唔明你咩意思啦，廢時又話我曲解你意思，老屈你。」





女生就是這樣，說話總是不清不楚，但偏偏心裏又會覺得對方一定會明白自己的意思。

「我諗唔到形容詞，mean？」她回覆。

「串串貢？懶係野？」我嘗試作出提議。

豈料她說：「唔知，好似唔係咁，唔係懶係野囉，你就懶係野。」

最後說著說著，她說想不到形容詞，同時又發送了一張instagram的截圖給我，內容是一個男生說她讚好了fired condom的page，因此想和她交流一下關於condom。





她說：「痴線我都唔識佢，又無讚好過fired condom 個page。」

「咁唔好理佢啦！」

「話說我呢生人遇過好多變態佬，你有時間既先慢慢同你講。」

我回覆有阿。

她問我在電話聊好嗎？ 我說沒有問題。





Christies說了幾個關於自己遇上變態佬的事件，然而到了現在我只記得其中一個。

Christies說：「咁話說有一次，我照平時咁放學搭地鐵番屋企，成程地鐵都好地地無事既，係由地鐵行番屋企個段路出事。

出左閘之後我一路行行行，行左一陣好似feel到有人跟住我咁，初時我以爲係因為咁岩同路，咁細細個邊會諗咁多野。

但行左5分鐘佢依然跟住我，咁我就緊係驚啦，咪開始急急腳咁衝衝衝番自己大廈，係大廈大堂等緊𨋢個時，個條友又係到喎，咁我咪諗可能真係自己多心，人地真係住係到。

跟住我就入𨋢啦，佢居然同我同一部𨋢，咁我就禁自己個層，佢又唔禁𨋢啵，我諗住佢可能高層數過我，所以等我出𨋢之後再禁𨋢。

我出𨋢之後佢尾隨我出𨋢，驚到我死咪即刻沖番去係咁禁門鐘，個時仲有工人姐姐既，工人姐姐開門比我入去之後，我即刻關門。

諗住完啦，點知佢禁我屋企門鐘，我開門隔住個鐵閘望住條友，佢問我可唔可以比佢影下我套校服，我居然又傻更更咁叫工人姐姐拎套校服黎比佢，點知佢話要影著係我身個套校服。

我緊係唔肯，佢都傻傻地既，之後我咪叫工人姐姐趕佢走。個日之後，放學既時候都會搵d friend陪我一齊番屋企，好彩之後佢都無再出現。」





聽完後我也覺得有點恐怖續問：「咁你明知條友跟蹤你番去，你都仲會拎套校服出黎諗住比佢影既？」

她說：「咁⋯⋯咁個時咁細個，得中一、二係咁白痴嫁啦！」

我真心覺得很好笑便大聲哈哈了幾聲。

「笑你個頭，你細個唔通好成熟既。不過你知唔知我中學套校服有個花名叫——香蕉裙。」

我想了想說：「um⋯⋯你咁講又真係有d似既。」

她說：「喂⋯你知唔知套校服咩樣嫁？唔好唔知扮知啵。」

我說我知道。最後因爲聊著聊著，原來已經到了晚飯時間，所以便掛線了。





沒想到這次是我們最後一次聊電話，直到現在我在街上看到她中學的校服，我心裏都會不期然浮起這個花名——香蕉裙。