我喺酒店搶左人地女朋友: 被飛機
這天又是一個上課天,正確來說是我和Christies的上課天。
正在專心上堂的我,突然收到Christies的whatsapp:「好緊張一陣就考,勁驚撈埋哂一堆,唔知咩病食咩藥。」
她要考的內容就是那天凌晨跟我說的故事。
我正準備回覆時,她又發送了一個whatsapp給我:「最智障係會比個簡寫你,要你寫番全名,勁多abbrev.勁易炒埋一碟啦！」
我說:「加油!考完找我吧…」
過了約3小時,終於收到Christies的whatsapp「問左好多野notes無講,兩題10分都係尻吹,又問左好多以為唔係重點既野。」
我說,尻吹是你強項阿!
她無奈地覆:「尻吹唔到阿,問化療點解會做成好多副作用、問吸煙點引致癌症。」
我說:「第二題好似易d喎,我好好奇你答左咩？」
「咁易你黎答啦…我答左呢頁powerpoint 同埋tars、nicotine係carcinogenic。」她緊隨發了powerpoint的相片給我。
我說,我不知道這些英文是甚麼。
她說:「中學有無學過IS嫁?咪焦油、尼古丁,致癌的。跟我好好學下英文啦。」
我心想,我中學是讀文科的,怎會記得這些。況且要是你教我的話,我跟你學一輩子也願意。
我順應她意覆:「我都唔介意學英文既。」
她苦口婆心說:「你應該要自己查字典,咁先記得。」
我說:「唔識咪查(當我想查既時候),然後加上幾個笑喊emoji.」。
她說,88。
88是我們之間的暗號,當有點不爽或者不知說甚麼的時候,就會打88。
我說:「又88,你聽晚得唔得閒食飯?」
她說:「食飯就真係食飯嫁炸喎,因為聽晚有份deadline要趕。」
她答應和我吃晚飯,就算只有短短2-3小時的見面時間,對我來也是十分珍貴。
我問:「想吃甚麼?肯定又係我諗嫁啦…」
她問我有甚麼提議。 我在openrice 截了一間餐廳的圖發送給她。
她說,貌似很貴的樣子。 我反問她有甚麼提議。
她說想想先。
「蛇頭成日叫人番工,但我問佢星期三番幾點又唔理我。」我不爽地說。
她說:「咁佢忙嗎…咁唔好番。」
「有諗過佢唔理我,我咪唔理佢…」
「咁唔好番囉…還掂你都唔想。」
我知道她在講悔氣說話。因為星期三那天Christies也會上班,之前我考慮上不上班時都會問她意見,她總喜歡說我上班你不會不上班吧？一起上班來陪我嗎。
我發送了一個舉高雙手投降的emoji說:「投降…唔想同你爭論。」
她問:「咁你姐係搵定唔搵?」
我說,搵搵搵。
過了一會兒,我找了蛇頭後,他跟我說可能不用我上班。於是我便告訴Christies,換來她的一句「sosad」。
「本來番唔番都無所謂,但而家又想番。」
「咁我唔番比你番囉！」
有時不喜歡跟別人whatsapp,比較喜歡聊電話,因為whatsapp只是純文字,而且發送的emoji並不能代表對方這刻的表情。
反之,聊電話卻能第一時間知道對方的反應,能從語氣對話中,得知對方是開心與否,還是真的生氣。
所以當我看到Christies這句回覆時,我不知她是真的不高興,還是在假裝。
最有腦袋的做法便是,三十六計走為上計,《孫子兵法.計篇》上亦說「強則避之」。
因此基於走不了只能避的情況下,我回覆:「我決定ignore你呢句。」
「又ignore我呢句,我話我唔番比你番,既然你想番。」
又一次窮追猛打,這樣的情況下只能用大招,
氹!
對着女生,無論下至3歲上至80歲,氹這招都是好使好用!
於是我便回覆:「我知你呢句既意思。我本身諗住話,你個位唔係個個都頂到嫁嗎…小弟不才點敢攞你個位黎番,但我唔想比你暗爽喎,所以咪話ignore你呢句。」
「我做到既野男人都做到。」
「No,呢句都唔係100%岩哂。」我說。
她問為甚麼?
我說:「我唔想比機會你暗爽喎又,所以唔好問點解啦。」
她說:「哈哈！你講啦。」
「你打哈哈唔係已經估到我想講咩啦咩？」
「估唔到,快d講。」她說。
我說:「扮估唔到。」
「唔講聽日唔食飯啦！」
天阿!又出大絕,為甚麼女生都喜愛威脅人?
我說:「我講,不過我未打完之前你唔可以打字嫁喎,ok?」
她說好。
我便開始輸入:「我本身諗住講,可能要入女廁幫個客手,咁男人咪做唔到。」
「你一定會話,呢d咁簡單既野,就算唔係我,是但搵一個女仔都做得到,洗鬼一定我。」
「咁我之後諗住講,但你既美貌就一定係男人無嫁囉,咁男人又點可以取代到你既位置呢！好,講完啦！」
Christies看過後便說:「你口甜舌滑啦。」
收到這個回覆後,我就知道我方獲得勝利。通常女生被稱讚時,高興得不知該說甚麼,便會順口說「口花花啦你」、「你口甜舌滑啦」等等等等……
我說:「又係你自己叫人講既,因間淨係講去廁所幫手,你實話我講廢話。」
「哈哈…咁的確係廢話嗎。」
之後我們又聊聊對方sem. break的長短,我只有短短2-3星期,Christies說少得可憐。聊着聊着已經接近凌晨1時了,因為有8半堂,所以我便去睡了。
第二天醒來時,Christies告訴我給她幾個選項吃甚麼,然後我給了4個選擇,她卻說出了第五個。天阿!早知這樣我就不用想得這麽辛苦。
豈料隔了兩小時後,收到Christies的whatsapp說:「喂！我今日都係唔食啦…我做唔切份功課。」
看過後我感到既失望又憤怒,明明約好了卻放我鴿子。所以我只回覆了一個字,哦！
「Sorry阿,下次先同你食啦…唔好嬲啦,唔好唔開心啦。」
之後我再沒有回覆她,她也沒有找我。