我喺酒店搶左人地女朋友: 前奏(終)
聊着聊着,Christies突然又罵我衰人,更發送了7個信息給我,順着看是「你 搞 到 我 而 家 好」。
「可唔可以打埋落去唔好吊我引?」
Christies說不打,我問她想怎樣,她又說不知道。
我說:「我真係企係到,咁你可以快d約下次食飯,咁樣會開心d。」
「點解企係到?仲有點解要我約你喎,你約我唔得嫁咩？」Christies回覆。
「因為你話唔知道,搞到我好懊惱。」我隱若感覺Christies有點生氣,續回覆:「唔好生氣,我錯,大人有大量原諒我,請問靚女幾時得閒賞面食飯?(我想同你食飯)」。
Christies繼續問:「點解我講唔知道會令你好懊惱?」
我說:「因為你講唔知道,咁我又唔知你諗咩喎,點氹你開心,等你高興呢…所以咪懊惱囉。」
Christies問:「咁你覺得我諗緊咩？」
其實我很清楚Christies在想甚麼,她在想她撓着我的手,或我搭着她肩膀時的畫面。
我怕講得太清楚 終於我會失望
也怕時間盡流光 方知道沉默錯
我知我其實很傻 遐想中找快樂
你提過一句情歌 都可以觸動我
祈求什麼 錯亂中闖了禍
我臂彎也為你 會永遠一直留座
來憑藉友情的資格守護著 難在靠近未能夠觸摸
有一刻相望 突然有些感覺 太震撼 才會想閃躲
我怕講得太清楚,Christies會再一次不理會我,所以我便裝傻,回覆:「頭先傾計既畫面(出去食飯個時)。」
接着Christies說算吧,沒事了。我說不可以沒事,叫Christies告訴我。Christies叫我自己猜。
於是我便說:「諗緊頭先行到葵涌邨個時?」
Christies彷彿生氣地回覆:「唔知道,唔知你真係咁唔敏感定扮唔知。」
此刻我按捺不住覆:「其實我feel到…」
「跟住你又扮無知。」
我說:「我無扮無知,只係一直壓抑住。」
「所以呢?」Christies問。
「我壓抑住係因為我唔想再令你唔理我,好辛苦,想搵你又驚你討厭我,唔搵你個心又七上八落,成日都諗住你,我唔想再一次咁既感覺。」
Christies說:「我對你有好感但我唔知應該點,我個心好羅羅攣,但我有男朋友,我唔應該咁唔應該唔應該,但係我制止唔到自己既情感。」
「所以我岩先一開始先咁答你...並唔係我真係feel唔到,而係我唔想好似而家咁令你難受,唔知點咁,我寧願自己一個人忍住都唔想你為難,我淨係想你開心。」我回覆。
Christies:「唔知點,我覺得自己一直在玩火,但係我真係想話比你知我心情,由番到屋企個刻開始,一直到攤落床,我個腦一直係到重播頭先你攬住我行既畫面,個時其實我可以強硬制止你,但我無咁做到。」
我:「我個刻真係控制唔到自己...望住隔離既你好想攬住你,明明一直提醒自己,唔可以超越朋友既界線,但我真係控制唔到...其實我同你一樣,我都不斷諗起你撓住我隻手行既時候。」
Christies:「再咁落去會出事嫁,但係我而家真係好掛住你,但係真係會出事。」
我:「我知...但我都諗唔到最好既辦法,我知會出事,理智話我知咁樣係唔得,但我實在無辦法控制我既感情,你真係好重要。」
Christies:「只不過係因為呢一刻你鍾意我,所以你先會覺得我重要,其實我可能無你想像中咁好。」
我:「唔係,我早幾日會即刻落去搵你,係因為你係我心入面不知不覺間佔左好大的位置,你搵我傾計我其實好開心,我唔知我想像中既你同現實中既你有無分別,我淨係知我個心有你既存在。」
Christies:「我好痴身,分分鐘痴過你之前女朋友,所以我一聽到你話因為痴身而分手,我就知我地唔岩。」
因為Christies有詢問我上一個女朋友是在何時分手,分手的原因等等,而我亦詳細地告訴她。
我:「你還你,佢還佢,1+1唔等於2。何況呢d都係好耐之前,呢刻既我同當時既我亦有出入。」
Christies:「1+1唔等於2會等於咩?」
其實我只是作個比喻,沒想到Christies會這樣問,於是搞盡腦汁說了一個荒謬的解釋:「可以等於11,1+1可以代表兩個既人連埋一齊,變成11。」
Christies開始想推開我,覆:「咁都比你諗到,但就算我而家心入面有你,但我心入面都有我男朋友,某部分黎講,佢已經係我半個屋企人,就算佢錯過乜野點對我都好,我對佢都仲有感情,其實我地唔好再做朋友先係對我對你都最好,但係係我自己有私心,我唔想無左你。」
直到後來,我終於明白Christies所說的,從她口中得知她會再次找我的原因,她當晚傷心的原因,難道真的是男人不壞,女人不愛嗎?
看着Christies的每一個信息,我終於忍不住哭了:「而家既情況就係我唔想見到既...我一開始唔直接咁講出黎(係我寧願扮唔知),都唔想好似而家咁,你一步步將我推開,可唔可以唔好再講,唔好再做朋友呢句,我唔介意你自私,我寧願你自私d都唔好一字一句趕走我。」
Christies:「對唔住,個晚我唔應該搵番你,就唔會搞到而家咁,係一個月前,我可以狠下心唔理你,但而家我真係做唔到。」
我自私地說:「做唔到咪唔好勉強自己去做。」
Christies問:「照而家咁?」
我:「嗯...順其自然好嗎?」 Christies說好。
由於已經接近凌晨3時,而且哭了一會兒,我真的感到很累很累,而且為免Christies改變主意說以後不聯絡,我便說:「我訓先...真係好攰,你都早d訓。」
Christies回覆了一句晚安後,我便關數據睡了。
第二天早上醒來,發現有一個未讀信息來自Christies,時間是我睡了後約一小時三十分鐘,內容是:「我訓唔着...一直係到諗住你。」