我喺酒店搶左人地女朋友: 第一次Whatsapp

拿了Christies的電話一個多月,我始終沒有主動聯絡她,而她也沒有找我。

直到最近,Christies工作時跟我說:「喂…我下個星期就去台灣旅行啦。」

我回應:「下…咁好去旅行,我都想去喎。」

她笑着說:「嘻嘻…我都係同fd去炸嗎,你約fd去咪有得去囉。」

我心裏不禁歎息:「唉…我有朋友,但全部都有另一半,搵鬼陪我去咩。」





當然我沒有把心中想法告訴她,只是笑一笑地說:「係囉…不過你記得買手信比我啵。」

「好阿,你想要咩手信阿?」Christies說。

我想了想便對她道:「Er…是但啦,你話事,你覺得岩我既就買啦。」其實你買甚麼手信我都喜歡,只要是你買的。

「咁阿,我真係是但買嫁啦…通常我唔知買咩都會買野食,買完你唔好唔中意就得啦。」Christies說。

在Christies旅行期間,我繼續在酒店內炒散,但她不在的時候,我才發現原來不知不覺間,我每天上班前都會想今天她有沒有上班,期待和她做同一單event,期待放工時相遇,然後一起搭地鐵回家。





腦海裏浮現出一句歌詞

「 我們之間的距離好像忽遠又忽近
你明明不在我身邊我卻覺得很親」

原來她已經在我心裏佔有一席位,在我不留神的時候,走進了我生命當中,不斷出現在我生活裏。

十多日後,我上班時從和Christies比較熟的炒散口中得知,原來Christies已經回港一、二天了。

原來Christies已經回來了,上次忘記問她會去多久,於是我便借意whatsapp Christies :「我份手信呢?」





「你幾時番工阿?」Christies很快就回覆。

「我近期都唔得閒番工喎,因為我9月1日開學啦,無乜時間番工。」我回應。

明明是一個以炒散為全職的人,為甚麼要上學? 因為這一年炒散,讓我感到工作的苦悶,我開始有點懷念上學,於是便報讀了一個自己感興趣的高級文憑。

「係阿,但我黎緊日日都番工喎」Christies回覆。

「番工還番工,要小心身體,咁你幾時放假阿?」我問。

「知道啦…下星期一,開學個日」Christies加了一個笑喊emoji回應。

「我想約你開學個日食飯喎,may i?」我大膽地發出這句。





「聽晚呢？我聽晚收8點喎」Christies很快地回覆。

我有點擔心地答覆:「聽晚我得阿,但你會唔會收工覺得攰,之後又話唔同我食嫁?我會喊嫁喎。(加了一個流淚的emoji)」

「唔會啦…咁聽晚見啦,我訓教先,早抖。」Christies覆完就下線了。

我們第一次whatsapp對話就完結了,而我心裏亦暗暗期待明天與Christies的約會。