簡介
人海茫茫，莊清源在中學遇上陳泳彤。 第一次感受愛情，酸甜苦辣在彼此關係之中反覆出現。
【新手／愛情／少糖】我隔離女同學係我女神
| 作者 | 莊清源 |
|---|---|
| 類型 | 愛情 |
| 狀態 | 未完結 |
| 更新日期 | 07-08-2017 21:05 |
| 文章字數 | 1009 |
| 點擊次數 | 1539 |
「早晨，我叫莊清源。」我心入面係到諗，就咁介紹自己個名會唔會太簡單？
「你好呀，我叫陳泳彤。」佢露出嗰個笑容真係世界級，簡單啲講就係好親切。
我地相識發生係八秒之內，而我地既關係斷斷續續維持左八年。
「你讀書好叻架？」佢咁樣問我有啲反應唔切。
「其實都係負負碌碌先升到上黎架咋！」係佢面前我又唔想認叻，唯有答個係人都用過既答案。
「你都唔差呀，唔係我都冇機會同你一班！」突然靈機一觸就講左呢句。
「哈哈！」雖然佢只係笑左一笑，但我都已經好滿足。
點解佢會問我呢個問題？因為我係由Ｃ班升上黎Ａ班。
正因為我係Ｃ班升上黎，我英文堂係要去同第二班上，類似係特別班咁。
經過第一堂英文堂既洗禮後，我即刻同呀彤訴苦！
「英文堂，兩個字，好悶！」我望住佢講左呢八個字。
「拿，我就講左八個字，不如你比番八個號碼我啦！」我真係單刀直入問佢拎電話！
「下？」
「你想要我電話號碼做咩呀？」佢充滿疑惑咁問我。
「有左你電話號碼，我地咪可以ＳＭＳ囉！」
「你每上一堂英文堂我就比一個數字你，咁你上堂會唔會開心啲呀？」
為左得到佢既電話號碼，我諗都唔諗就答：「好，一言為定！」我心諗，一星期四堂英文堂，兩個禮拜就拎到，完全冇難度。
為左得到佢既電話號碼，我每日都好期待英文堂，我呢一刻最想就係一日上八堂英文堂！