從今天開始，妳住在我心底最深處

「點解！點解佢要咁對我？」我哭著對兄弟說。「算啦！人地話晒都係一個女神，當你係兵都係正常嘅！」阿豪同情地說道。
「為咗咁嘅人值得咁咩？佢根本唔張我地放上心，人地當你傻仔，當你兵咋！」另一位兄弟阿杰講。
「夠啦！我自己知自己事，我淨係想靜一靜。」我說罷便繼續飲酒。
======================================

大家好，我係曾樹仁，因為我自小係公屋長大，所以有好多朋友同我一齊玩，當中亦都有佢---葉梓蕎。

我地唔係同一間小學所以我當時以為佢係一個男仔，再加上佢當時同我講佢叫葉梓浩所以一切就順理成章咁我地成為好朋友。但係，佢係我小五嗰年就搬走咗，我當其時失落了一排後就放下了。因為我知道有緣的話一定會再見面的。

一切都好好，直到我上到中學......





係中一開學初期，一次我同阿豪幾個一齊去買嘢食，就係我等佢地地買嘢食途中，突然有一個男仔頭嘅女仔上前同我打招呼，當下我反應唔切，只說了聲hi。到佢走咗果下，我先發現我地應該係唔認識。之後係學校旅行，我先發現原來佢叫葉梓蕎，仲要係同我同一班。我當其時的腦海中立即浮現「葉梓
浩」三個字，我衝向梓喬問她：「你認不認識葉梓浩？」問完當下只見梓蕎面有難色然後徐徐地說了一句：「梓浩係我已過身的哥哥。」「梓浩已經死咗！無可能！一定無可能！我地仲約定過第時會一齊環遊世界！」這時的我已經涙流滿面，但我仍追問她梓浩是發生了什麼，梓蕎只說了梓浩是因車禍而死卻不肯說是何時。這使我直到回家也久久不能釋懷。