【少少甜】扑野扑得你心碎: 六

自果次之後，我連續發左兩個禮拜春夢，每晚都夢到同一個人：阿輝老母。

她年輕時的嬌美，產後的奔放，邁入中年時的饑渴全部縈繞在腦中揮之不去。
 
儘管呢一切都十分誘惑美好，但晚晚發春夢，朝朝夢遺，搞到我成個人殘曬，睇上去好似十日無訓過覺咁。
 
不過比起我，阿輝個情況仲嚴重，佢老豆趕走左佢老母，仲話搵左律師搞離婚。面對屋企支離破粹，佢晚晚擔心到訓唔著，個樣好似老左十年咁款。
 
阿輝求我幫佢諗下辦法黎修補佢老豆同老母既關係。
 




當時我諗都唔諗下亂嗡咁話：「你請一男一女扮夫妻，仲要係搵條後生樣靚大波既女，然後主動向你老豆提出換妻要求，佢老豆見到有靚女送上門肯定叫返你阿媽返黎一齊玩。」
 
萬萬無諗到我口中既戲言變左阿輝腦中個修補雙親關係既可行方案，佢真係上網請左一男一女，男既普普通通，女既24歲瘦底大波，據說有36E。
 
又萬萬估唔到，佢老豆真係搵翻佢老婆，而佢老婆竟然又應承。
 
更估唔到既係四人後尾變左長期交換伴侶既對象。
 
更更更估唔撚到既係阿輝老母隔無幾耐突然大左肚，成為四十歲高齡產婦，bb個老豆係邊個就不得而知了，但佢地兩公婆既感情由此之後越黎越好。阿輝亦成功挽回瀕臨破滅既家庭。
 




而佢為左多謝我，送左成個幪面超人龍騎系列既模型俾我，仲同我講：「立生，你有無諗過你呢個能力其實可以拯救地球？」
 
佢呢句野，雖然都係鳩嗡，卻困擾左我好多年。
 
有無諗過你呢個能力其實可以拯救地球？
 
拯救地球？究竟我呢個能力可以點樣拯救世界、拯救人類呢？
 
呢個問題我從高中諗到大學，再諗到我大學畢業，有日返返下工終於俾我諗通左。
 




拯救地球根本係不切世界，世界太大根本救唔曬，既然如此不如將個範圍縮細，改為拯救香港。
 
具體d講應該係拯救香港人！我要用我既能力去拯救困在苦難中既香港男人同女人。
 
呢個諗法迅速地成為左我人生頭號目標，促使我開左我人生第一間公司——立生偵探社。

一個專幫廣大香港男士同女士解決任何煩惱任何問題既偵探公司。
 
而我一齊夾份開公司既拍檔就係Lucy，無錯係Lucy，係果個中學同阿輝一齊一個月就話有左既Lucy。
 
點解係Lucy？
 
原因好簡單，因為Lucy擁有看穿男人性史既能力。我同佢一個睇女人一個睇男人，雙劍合璧，互補長短，天下無敵。
 
但又講返轉頭，到底中四果陣佢同阿輝發生左d咩事呢？