【異地】遇上那個你: 【異地】遇上那個你--- 第13章 受傷

聽到收銀員咁講，雨欣只係微微一笑而伊夫斯內心都非常開心。之後佢地去到一個公園揾左個位坐低。

雨欣將急救包打開，然後開始幫伊夫斯消毒傷口。

「撕…」伊夫斯被消毒既時間先感覺到傷口既刺痛。

「好痛呀？忍一忍…」雨欣用口吹風落伊夫斯傷口度，希望可以減少消毒所帶來既痛楚。

「嗯」伊夫斯見到雨欣對佢既細心更架心動而且暖心。





「多謝你伊夫斯…不過下次救人之前就應該小心啲先。不過點解你會出現係果度既？你屋企好似吾係呢邊架？」雨欣越諗越疑惑。

「因為你琴晚同我講話記住永遠係你身邊，所以今日一早我就已經係你屋企門口等你啦～不過你掛住噤電話留意吾到我，諗翻起都差啲俾你嚇親。」伊夫斯真係難以想像如果佢吾係度既情景。

「原來係咁，總之就好多謝你啦。」雨欣真係感恩伊夫斯救左佢，不過亦都內疚令佢受傷。

「想多謝我就每日都幫我消毒傷口呀。」伊夫斯享受雨欣親自為佢所做既所有野。

「好呀。冇問題呀～」雨欣爽快答應因為雨欣覺得始終係自己令伊夫斯受傷。





「嗯…不過我地依家有一件好重要既事要做…」伊夫斯邊講邊把臉靠近雨欣既臉。

「咩事…」伊夫斯越靠得近，雨欣既臉就越紅。

「你覺得呢？」伊夫斯越覺得雨欣可愛，好中意作弄雨欣。

於是係差啲就錫到雨欣既時候，伊夫斯一下了另翻轉頭。

「雨欣你真係好吾中意翻學咁喎。我地好似就快遲到啦…」伊夫斯當然真係好想不顧一切將雨欣拉埋黎，但佢吾想令雨欣有被逼既感覺。





「係喎…今次慘…啊…」雨欣知道自己會錯意臉變得更紅，但經伊夫斯提醒佢先突然記得要翻學。

伊夫斯係雨欣都未講完說話既時候，就一手拉起雨欣既手不停向學校既方向奔跑。

「叮叮叮叮…」係校門關上既最後一刻雨欣同伊夫斯剛好跑到，雨欣同伊夫斯都不約而同面對對方露出一個燦爛既笑容。

「雨欣、伊夫斯，你地兩個都咁遲既？你地…」愛爾見到佢地兩個再次拖住手有點驚訝，不禁猜測佢地已經拍拖。

「今日差啲出意外，幸好伊夫斯係度…」雨欣同伊夫斯鬆開手。

「哦～」愛爾依然用一個曖昧既眼神望住雨欣。

「好啦…好啦…唔好用呢個眼神望住我啦…」愛爾既眼神望到雨欣完全面紅。

呢一切完全落入承文，承天，艾莉同曾慧怡既眼中…佢地各懷住吾同既心情看待…一場大陰謀亦在計劃當中…





P.s 待續…