【異地】遇上那個你: 【異地】遇上那個你--- 第11章 開戰

一早就係數學堂，班上既所有同學都等待老師既來臨…

「宋雨欣我總於見到你啦！你終於肯黎翻學啦！」老師完全諷刺既語氣。

「係…對吾住老師。我因為……」雨欣正想解釋，數學老師完全吾想聽就插斷左雨欣既說話。

「得啦～我吾想聽你解釋…各位同學，我地今日黎左一位新同學。我地一齊俾啲掌聲歡迎佢！」老師既說話令雨欣好無言。

「大家好，我係曾慧怡，請各位多多指教。」曾慧怡既來臨對雨欣黎講不但驚訝而且亦意味要---開戰。





「宋雨欣！我諗Mike老師有同你講過由你負責帶新同學熟悉學校環境！」老師係一副不爽既命令。

「係…」雨欣一副只能服從既樣子。

之後，大家既掌聲就好似正式為戰爭開幕一樣。

雨欣只希望今次既戰爭吾好牽連都太多人。

「雨欣啊～你可吾可以帶我行下學校呀？」落堂時慧怡一臉友善既笑容同聲音，雨欣因為見到好多同學望住，所以都吾好意思拒絕。





「嗯…」於是雨欣就俾慧怡拉上左學校天台，慧怡仲故意扮到同雨欣好熟一樣翹住雨欣。

上到天台…
「嘿~宋雨欣見到我係咪好驚喜呢？」慧怡一手推開雨欣，雨欣一時企吾穩被推倒。

「嘿嘿嘿…又係用埋呢啲小手段，張慧怡你悶吾悶架？都咁多年啦~你仲係一啲都冇變過！你喜歡既咪繼續囉，反正你黎我都預左你想開戰架啦。即管放馬過黎！」雨欣慢慢企起身，隨手掃掃身上既塵埃。

「你…你…宋雨欣你就即管慢慢睇下我點對付你啦~你吾好後悔呀！」張慧怡講完就離開。

宋雨欣等張慧怡離開之後，立刻整個身駒倒下。漸漸回想起當年既可怕…





宋雨欣既父母從小到大都對雨欣非常之疼惜，所以從小雨欣就覺得自己係世界上最幸福既人。直至有一日…宋雨欣先知道一切既幸福都係假象…

「你仲同果個女人有聯絡！你究竟想點呀！一開始我就吾應該生小欣！我跟本就吾應該同你結婚！」雨欣剛入到屋就聽到媽媽大喊。

「我一直都冇愛過你…係你逼我架。如果吾係小欣我早就離開你啦！小欣既出現係一個錯誤！我依家肯翻黎咪得囉。你管咁多做咩？」當然呢句說話出自爸爸口中。

「你地…你地…對吾住…」雨欣聽到已經嚇得驚訝不已，佢吾敢相信自己既出生係一個錯誤，對父母黎講佢只係一個纏腳石。

「既然雨欣都知道晒，我依家就吾雖要顧忌咁多！我地離婚啦！小欣就歸你啦！」爸爸竟然要求離婚。

「吾可以，你吾可以同果個女人一齊…吾可以呀！！！」媽媽好似瘋左一樣。

不久之後，爸爸就真係同媽媽離左婚。自從離婚之後，媽媽整個人就變得瘋瘋癲癲，最後直接被外公送去療養院。而爸爸就因為被佢所謂好愛既女人呃晒所有既錢之後一走了之同一個年青男子私奔，所以受不住打擊，最後自殺。雨欣之後就被外公接回，從小就接受外公嚴厲既教育…從那天開始雨欣就覺得自己只能成為外公心目中既孫女，佢亦冇開心過…





而呢一手所做既就係當年同宋雨欣同班既張慧怡做既，因為張慧怡對當年既宋雨欣為敵，尚未為敵之前宋雨欣同張慧怡係好朋友，但可惜張慧怡覺得宋雨欣永遠都比佢做得好，從來都受人愛戴歡迎，甚至張慧怡最愛既男人-雨豪師兄都一直愛慕宋雨欣，而拒絕張慧怡既表白，從來都冇真正望過張慧怡一眼。張慧怡那日起決定與宋雨欣從此為敵，決心要搶走宋雨欣一切。

於是，張慧怡決定從宋雨欣所愛既家人入手，想令宋雨欣一同感受失去最愛，所以佢派人調查宋雨欣父母，發現原來宋雨欣父母係受屋企安排而結婚，而且男方仲一直對前女友念念不忘。最後佢決定俾錢前女友要佢勾引宋雨欣爸爸，令佢屋企要散。

最終，張慧怡完全成功，甚至害死佢父親同令佢媽媽變得瘋癲。即使如此，張慧怡亦未肯收手，決定係學校各個地方貼滿宋雨欣屋企既事，令宋雨欣感到羞愧學校每日都被討論，從此逼走宋雨欣。

宋雨欣回想起張慧怡既所作所為更加嬲同傷心。所以令佢痛恨自己父母。

P.s 待續…