你永遠不知道你的最後一天是何時,所以,請好好珍惜昨天

我"大家好,我叫盧爾夫,叫我英文名frankie就可以了,希望喺嚟緊呢兩年可以同大家好好咁相處."

老師"自我介紹完就好返埋位坐啦,你就坐喺右上角窗口嗰個位啦"

我慢慢咁行去我既座位坐低,坐低之後我發現我嘅隔離位竟然冇返,我心諗"開學嘅日子都唔返,呢個位一定係嗰啲成日唔返學嘅壞學生坐㗎啦",此時,坐喺我前面嘅人突然間擰轉頭望過來

"喂,我叫阿南,今年係第五年喺度讀,有咩唔清楚嘅嘢都可以問我."  我"咁我想問下你呢,其實坐喺我隔離嘅係咩人"

南"唔知喎"  我"吓,真係唔該曬你解答我嘅問題" 南"唔使唔該,大家朋友嚟㗎嘛" 





 仆你個街我幾時同咗個癲佬做朋友,我心甘不妙,不過都希望可以識到啲正常嘅朋友既

話咁快上堂嘅鐘聲又響起~

第一堂就係我最憎嘅英文堂,點解? 因為我由細到大都係英國讀書,冇理由會唔識英文掛

不過hea下hea下時間就好快過.如果唔係點捱得過喺英國嗰十幾年

諗返起都真係想死,唉





不過往事都過咗去,希望都可以享受下係香港嘅生活.

終於都放Lunchtime了,第一時間梗係睇下間學校有咩正嘢食啦~

(A.豆腐火腩飯)
(B.叉雞雙拼飯)
(C.鹹魚肉餅飯)

我諗咗一諗最後都係揀咗男人嘅浪漫,豆腐火腩飯,價錢28蚊嚟講簡直係超值啦,不過味道係點又係另一回事,都係食咗先知





其實一個人食飯都真係幾lonely,第一日嚟係咁㗎啦,遲啲就會習慣㗎啦 

我左望右望都搵唔到位     南"喂,呢度有位呀" 係喎,我返學第一日就係識咗呢條契弟 於是我行咗過去坐低

我"唔該曬喎,對我咁好"   南"都係嗰句啦,朋友嚟㗎嘛" 雖然條友傻傻地,不過我諗做朋友都唔差嘅.

咁我就好快手食完個飯,味道黎講唔差嘅,總結嚟講係抵食嘅. 

之後我同阿南一齊上班房

南"喂,依一班啲女唔差喎,有冇睇啱邊個"   我"其實我睇啱你"  講完呢句佢即刻彈後咗幾步 南"唔好搞我啦大佬,我鍾意女人㗎"

我"你小心啲啊.我有個外號叫微笑老虎,只要我對住你笑,你個心都會驚一驚"  南"頂你呀,其實你都幾幽默呀,點解成日好似咁cool咁嘅"

我心諗我個樣生成咁我想㗎咩,有好多人都係天生黑面㗎啦  





我"天生㗎囉"  南"你個衰仔cool得黎又幾靚仔囉喎"  我"得啦唔使擦鞋啦"

喺我哋行入去班房嘅途中有一個女仔企咗喺我面前......

(一) 待續