我係喜達,撈麵界既亞視續集,一個屬於黑林頓兒子既故事: 作者來信

信入面只有一張卡片

『建成出版社』

卡片背面寫著

『歡迎你』

地址是中山市石岐區...





『不如就過去闖下..』黑邦打開地圖,尋找往中山市的路線

『我買了點餅乾,麵包,你要吃點嗎』楚玲買完糧食返回車內

『好..』黑邦接過麵包

『想到要去那裡?』

『想到了..去中山』





『我是中山人呀』

『真的?』

『真的,我是石岐人呀』

『我想去這裡』黑邦拿出卡片給楚玲看

『我知道是那裡呀..但我沒看過這間書店』





『先出發再算』黑邦駕車離開油站


『他走了?』李克勤在病房托著頭看窗外的風景

『剛走了』羅波坐在李克勤旁邊

『...』李克勤不發一言

『不要怪組長了』

『...』

『其實工場都還可以,麻黃素都仲夠用,但係你地掃低左幾件,出面實打鑼咁搵你地』





『麻煩到你..唔好意思』

『唔好諗咁多啦,等醫生安排埋隻手比你出院,係工場休息下,無人搵到你既』

『唔該晒..』

『咁我返去先啦,要出貨』羅波拍一拍李克勤膊頭

『波..佢..去左邊』

『佢又無講,不過我架車有gps,要搵都搵到佢..』

『哦..咁得啦』

『副組長,我問過醫生啦,佢話呢家果D假手好先進架,用真既無分別..』羅波安慰李克勤





『得喇,我明白,有心』

『李先生你好,我是這間醫院的物理醫治療師,我叫何琪』一名年輕女醫拿著一堆資料走進李克勤的病房

『何醫生你好』李克勤向何琪微笑點頭

何琪有點驚訝,她平常見到被折肢的年輕人,都哭得呼天搶地,這李克勤這麼冷靜的她還是第一次見到

『李先生,你比我想像中樂觀』

『嘿,既然事情都發生了,哭又哭過了,都沒甚麼好激動了』

何琪覺得他冷靜得像個大男人





『李先生這一次我會跟你介紹一下義肢』何琪拿出文件夾裡面的資料

『這幾個牌子就是病人最常用的,分別最是價錢不同,這個最貴..這個最平易』

此時羅波突然打開房門

『要最貴的!』羅波一直躲在門外偷聽

『呀波..你真係』李克勤搖搖頭

『哈..你朋友很關心你呀』何琪笑了

『醫生,給他選最貴的,價錢不是問題』

『波,返去啦』李克勤哭笑不得





『哦..咁我走喇』羅波低著頭,裝著很失望的樣子

『哈哈,你朋友真的很好笑』何琪坐在病床旁的椅子上

『哈..』一講起朋友,李克勤就想起黑邦,笑面就變得僵硬

『李先生你先選好牌子』

『就這個吧』李克勤聽從羅波意思,指著最貴那個

『好吧,義肢送到之後,我會教你怎用,你出院之後也必須回來覆診,做物理治療』

『每次都是你幫我治療』

『對呀』

『真好』

何琪聽到馬上就面紅

『有甚麼好?』

『沒有啦,就是覺得你對病人很細心,你幫我治療我很放心的意思』

『哦..那李先生你先休息吧,差不多吃飯了』何琪收拾好資料

『哦..』

何琪離開時看著李克勤,她覺得這個有殘缺的男人,比正堂男人更加男子漢


天黑了

黑,楚仍然在往中山途中

黑邦身邊的楚玲已經挨著車窗笑著了

大陸公路街燈不多,全都是靠車燈來看路

黑邦點了支煙,拿出了手提電話

想打給羅波問一下李克勤的情況,但始終沒勇氣撥打電話

看著身邊的楚玲,百感交集

『唉..』

『李先生,你的義肢送到了』何琪抱著一個大紙盒

『這麼快?』李克勤接過紙盒,馬上用剪刀拆開紙盒,就像個小孩子收到禮物一樣

『慢點啦,小心手呀』何琪看著這個男人,覺得很想了解一下這個人

『咦,摸落去都幾真喎』李克勤拿起義肢放在面上摩擦

『傻瓜,給我,我幫你裝上去』何琪每次走進這個病房都笑逐顏開

『這個電動義肢,義肢能夠感應你手臂的神經,從而做出你想做的動作』何琪在幫李克勤安裝

『嘩高科技..』李克勤低著頭看自己的義肢

『只要你勤點練習,都能夠處理日常事情,緊記不能夠做操勞的工作』何琪抬高頭看著李克勤,兩人靠得很近

『副組長你好!』山野組全員突然出現在門外

『嘩!』何琪被叫聲嚇了一跳

『不..不..沒事的..他們是我朋友..他們是..工廠的員工..我是一個小部門的副組長』哦,無野既,佢地係我班o靚,做制毒既,我係制毒頭子

『哦..裝好了』何琪安裝好了,慢慢幫李克勤扶起左手

『動一動手指看看』

義肢的隻指微微動了一下

『耶,動了,動了一下呀!』呀福指著李克勤,興奮的大叫

『太好了』『副組長天生異稟,假的手都能夠控制,太強了』『副組長再練習一下,打手槍都可以啦』『你嘴巴乾淨點好不好,醫生在這裡你不要失禮我們好不好』

『你班友仔..』李克勤被這群兄弟逗得眉開眼笑

何琪亦都感受到病房裡的溫馨氣氛,站著傻笑

『醫生,就拜托你了』羅波遞出右手想跟何琪握手

『喔..我會...』何琪跟羅波握手

『那我現在先去繳費,你們都出去了,不要阻礙醫生做事』羅波與手下們離開了

『你的..兄弟都很有趣』

『嗯..佢地真係..好好』

『其實我有個問題..但又怕不好意思』

『問吧』

『你的手..是刀傷..你是為甚麼..』何琪好奇的望著李克勤,期望得到答案

『這是..幫我兄弟的女朋友擋的』李克勤在動義肢的手指

『下?!人家的女朋友又不是你的女朋友,值得嗎?』何琪不太相信

『嘿..你知道甚麼是兄弟嗎?』

『我不知道呀,男人的事我怎會懂』

『對呀...』


『到你知道的時候,你就會明白』

『我地到架喇..』

『喔..去那邊,那邊有酒店』

黑邦駛至酒店停車場

『麻煩你我想要一間雙人房』黑邦拿著假身份證登記

『請問是要兩張單人床還是雙人床』

『..兩張單人床』身旁的楚玲馬上盯著黑邦

『玲..我背面有傷,我要扒著睡』

『我知道』楚玲微笑

『你要先洗澡嗎?』進房後楚玲問黑邦

『你先洗吧』黑邦倒在床上,駕駛了一整天很疲倦

『到你了..』楚玲用毛巾包著身體從浴室出來,但黑邦早已睡著了

『太累了吧..』楚玲為黑邦蓋好被,然後坐在地上看著黑邦睡容

楚玲抹走黑邦眼角的淚珠,想起李克勤的左手

楚玲伏在黑邦手臂上痛哭

『對不起..』


『小心落車』羅波扶著李克勤落車

『得啦..隻手假既姐,隻腳唔係假既』李克勤自嘲

『咩假呀?唔好咁講呀,你呢家隻手,十足十果個Iron man咁,你睇勁過頭走火添呀』羅波用手指彈了李克勤的義肢一下

『副組長,你回來了?』手下們放下手頭上的工作向李克勤問候

『有心,有心,我無事』然後李克勤向手下展示如何操控義肢

『太強了,不說真的不知道是假的』『真的,可以打槍了嗎?』『你腦子不要一直想打手槍好不好』

『唔好嘈喇,搞緊咩呀你地』李克勤走近工作枱

『我們在包裝』

李克勤帶上手套,拿起其中一顆在燈光下看

『還可以,但還是太多雜質了,給我口罩,我教你們一次』

『副組長你還剛出院..怕不怕..』

『我最怕就是你們把我的貨全都弄壞,快點,工作!』

『你死了,副幫主怪你啦』

『怪你呀』

『怎會是我呢..哈哈』

眾人在歡樂的氣氛下工作,沖淡一下李克勤的傷痛

『起床了寶貝』楚玲躺在黑邦旁邊

『嗯..早安』黑邦戴上眼鏡

『快點去刷牙,我帶你去吃早餐』

二人梳洗好之後,楚玲將黑邦帶到一間喝豆漿的地方

『這裡的豆漿不錯的』楚玲為黑邦介紹

『哦..那我要一杯豆漿,一碟腸粉』

『我要豆漿可以了』

『吃那麼少夠了嗎?』黑邦擁著楚玲腰

『我打電話回家了,告訴媽媽我回來了,她就叫我回家吃飯呀,每次都煮很多,所以我要留著肚子』

『哦..』

『到了,她有問我是不是帶男朋友回來,我沒告訴她,但是她說有男朋友的話就帶去吃飯,但是我又怕你不喜歡..』

『嗯..這幾天我還有點事情辨,事情辨好有時間就會找你媽媽吃飯』

『嗯,好呀』自從連累李克勤失去一臂,他們兄弟反目之後,因為楚玲的內疚,楚玲對黑邦千依百順,就算明明楚玲很想帶黑邦回家,都沒有強迫黑邦

『自己小心點,吃完飯打電話給你』吃完早餐之後,楚玲登上的士

『嗯,我來接你』黑邦為楚玲關上車門

『好呀』楚玲露出甜絲絲的笑容

目送楚玲離開之後

黑邦就照著卡片上的地址尋找出版社



『張開手..試試握拳』李克勤在醫院做物理治療

『不錯呀..你都開始適應了』何琪拿著李克勤的病歷在上面寫著甚麼的

『就是反應有點慢』李克勤摸摸義肢

『不能急的,一步一步來』何琪用溫暖的笑容望著李克勤

『你要快點醫好我啦,我的朋友天天找我猜枚,手反應又慢,飲到我仆晒街呀』

『甚麼是仆晒街呀?..你還喝酒!你不知道才剛做完手術不能喝酒嗎』何琪皺著眉

『就是開玩笑啦,太緊張了吧』李克勤用右手拿起水杯,想了一下,然後用義肢拿起水杯

何琪也看著,心裡面為李克勤加油

水杯差不多碰到嘴邊

『呀..』李克勤感覺到手一鬆,整杯水就跌在地上

『哈..連喝水都做不到』李克勤彎低身想將紙水杯拾起,但他鬥氣的一定要用義肢

『呀!!!』李克勤無論怎用力,都控制不到義肢拾起水杯

『讓我來..』何琪拾起水杯

李克勤仍然彎著腰,眼淚滴在地上

何琪站在李克勤前面

『我一直要安慰自己..每天花十多個小時練習這根假手..原來到最後,假始終是假的..無論我怎練習,它都不會變成真的手』

一直抑壓著情緒的李克勤崩潰了

『不是這樣的..』何琪摸著李克勤的頭安慰他

『以前我很少會主動想起左手,右手總比它強,我寫字用右手,我打架用右手,我吃飯都是用右手,左手好像是沒作用,但我失去它以後,我才知道我是很需要它的』

何琪受不住哭了

『醫生..可以給我一隻真的左手嗎』李克勤抬起頭看著何琪

『四十號..係呢到架喎』

黑邦依照著卡片上的地址,來到一棟七層高的舊式樓宇

但找不到出版社

『不好意思..請問』黑邦問在門口擺檔的小販

『不不不..不知道』小販知道黑邦只是問路,沒聽清楚就話不知道

『屌..點架』黑邦四圍張望都看不到出版社的招牌

黑邦點起香煙蹲在路邊

突然有個蛇頭鼠眼的人向黑邦打眼色

『甚麼事?』黑邦抬頭看著他

『係咪賣碟呀』廣州人都是說廣東話

『咩話?』

『問你係咪有四仔賣呀』

黑邦看到身邊有塊破爛的黃布,馬上將它踢開

『唔係我架』

『哦..聽你口音唔似係廣東人喎,香港上黎架?』此人打量著黑邦

『係咪都好啦..』黑邦沒有心情理會他

『唔洗愁喎兄弟,洗唔洗唱d錢旁下身呀』

『唔洗啦..』

『你睇下先啦』此人遞上五張一百元

『咩料呀』黑邦接過來

『做咩呀..比我架?』

『九十蚊換五百蚊』

『下?假架?唔要喇』

『老友你自己都唔知果張係假銀紙啦,呢批好高質素架』

『嘿..唔洗喇』

『咦老友你渣住D咩呀』此人指著黑邦手中的卡片

『哦..屌..搵左好耐都搵唔到』黑邦遞上卡片

『嘿..哈哈..你去呢到做咩呀?』此人奸笑

『我搵人』

『搵邊個呀?』

『搵作者』

『邊本書呀』

『時光倒流』

此人不發一言望著黑邦

『嗯..我都識路既』

『唔該晒呀,咁係邊到呀?』黑邦馬上彈起身

『咁..你同唔同我唱錢先』

黑邦馬上從褲袋拔出一張一百元

『唔洗找』

『睇下先..嘿嘿堅架喎..好我帶你去』此人搭住黑邦膊頭

『唔好搭膊頭啦..』黑邦一手撥開他

『呀..你條港燦..岩岩仲以為你賣咸碟既添』此人有點煩

『我洗唔洗賣咸碟呀』黑邦對此人毫無好感

『嘩你鋪話法,大陸憤青最憎架仔,暴發戶又媚外,d架妹同鬼妹碟勁好賣........』

『最近班撈家都係同我地拎貨,收錢收到手都軟埋』羅波將貨車停在路邊,數著旅行袋裡面的錢

『波呀..不如搵夠就收手』李克勤剛陪他完成一宗交易

『嗯?你有諗法?』

『哦..唔係,即係不如用晒D麻黃毒就算,唔好再做落去』

『你有野顧慮?』

『始終都係犯法,做埋呢幾次,你地都夠錢去做下小生意』

『嗯..你話點就點』羅波忠於李克勤

『D錢我放入銀行先,勤哥你係咪跟我返工場呀?』

『哦..我唔返去住,我約左人食飯』

『嘿..醫生都比你搞得掂』羅波淫笑

『咩搞得掂呀,人地醫我,我請人食飯都好合理姐』

『合理..合理..我都要多謝下佢,一齊食囉』

『喂你係咪咁呀』李克勤哭笑不得

『唉..唔食勒唔食勒,咁我車你過去啦』

『前面放低我得喇』

停車之後羅波為李克勤打開車門

『袋住』羅波向李克勤遞上手槍

『唔洗啦,食餐飯姐』李克勤拒絕

『以防萬一呀,有咩事睇住個醫生都要架』

『..好啦』李克勤將手槍放在腰間


『係咪呢到架』黑邦被帶到五樓

『呢到咪係囉』蛇頭鼠眼男拍門

『喂..開門啦,我呀』

門開了

『咩料呀..』黑邦提高警覺性

步入出版社,發現裡面另有乾坤

兩部印刷機器正在運作中,裡面還有數個職員在工作

『點解出版社要收得咁埋既..』黑邦問

『哦..你睇下咪知囉』

男人遞上數本書給黑邦

『九評共產黨』『來生不做中國人』『第二次握手』『法輪功』『趙紫陽軟禁中的談話』

『全部禁書黎喎』黑邦嘩然

『係呀..所以咪要收得咁埋囉』男人帶黑邦進房

『坐吧』男人為黑邦沖咖啡

『你..就係個作者?』黑邦有點懷疑

『不,我只係一個小社長』

『咁個作者呢?』

『佢呢幾日唔係到,你等等佢啦』

『哦..咁我等佢啦』黑邦拿了一張放在枱面的卡片

此人叫文學揚

『你出版呢種書,好大件事架喎』

『你係記者呀?』文社長打量著黑邦

『唔係』

『睇你都唔似』

『出呢種書好賺錢架?』

『哈..賺鬼咩,都無書局敢賣』

『咁你仲做?』

『嘿..唔好講我啦,講下你啦,你搵個作者做咩呀?』

『我..我有野想請教下佢』

『請教咩呀?』

『下..無咩既其實』

『你又想試下返去以前呀?』

黑邦不語

『細路,唔試好過試啦..』文社長語重心長

『點解呀?』

『你想返去以前做乜野先』

『...』

『為女呀?定係細個無讀書想重新行過條路呀?』

『..我想見下我爸爸』

『全世界既人都想見下離開左自己既親人,唔通個個都要時光倒流?』

『我爸爸死得慘..我想救佢』

『細路,你即係想改變歷史?』

『我只係想救我爸爸』

『你實救到架喇?』

『我要試下』

『哈..細路你真係,岩岩你咪問我,點解要出版呢種書既』

『係呀』

『我認為做文化事業,我出版既書既內容一定要係真實,咁真係呀,我既書無屈佢架』文社長喝一口咖啡接著說

『但係國家要將發生過既事美化成無發生過,你認真咁你妥當咩?』

『來到我地呢一代,六四事件?有人會知道咩?艾未未?李旺陽?無人會識,你地個香港,仲係香港咩?』

『你話喇,中國有十三億人,但係就連一個藝術家都容唔落,你認為一個咁既國家,會有希望咩?』

『無奈既係事情都已經發生左..你都改變唔到咩野』黑邦將煙頭壓熄

『係囉,都發生左咯,為咩仲要改變呢?』

離開出版社之後,黑邦漫無目的咁係街上流連

『係囉,都發生左咯,為咩仲要改變呢?』

黑邦仍然想著剛才與文社長的對話

黑邦隨便找了一間酒吧

酒吧裡面很嘈吵,有一班大漢在喝酒跳舞

『老大,祝你年年有今日』『老大,我祝你財源廣進』

『哈哈哈』這個叫老大的人笑到瞇起雙眼

黑邦走左吧枱位坐下

『給我一支啤酒』

『好』

『嘩哈哈..你輸了,快點喝!!』他們玩得越來越大聲

『哈..不好意思..平常這個時間沒這麼多人,今天他們在辨生日派對,會比較吵』職員向黑邦解釋

『不要緊』黑邦拿起啤酒,一口就喝了半支

黑邦用衣袖抹走嘴角流出來的啤酒,轉身看著那班玩得很高興的大漢

黑邦想起了馬來

黑邦向酒保搖著空瓶,示意再來一支

『大佬..』黑邦將啤酒倒進口中

『來哥,我想跟你』

『黑邦..做黑社會,隨時比人斬架喎』

『我唔怕』

黑邦一口氣喝光整支啤酒,淚一滴一滴的流下來

『人地呢家落柯打要你同呀勤死呀!』

『邦,聽我講,話比我知你係邊到,我地三兄弟一齊走』

『邦,信我』

因為楚玲一直在身旁,黑邦一直壓抑著情緒,但終於忍受不了

『點解我會唔信你..』黑邦托著頭哭,眼淚流滿吧枱

酒保沒理會他,只是換一支新的啤酒給他

『佢當我係親生仔..點解我會唔信佢呀..』

『對唔住呀大..』


『我做埋少少野就會黎陪你..』

『你看一下想吃甚麼』李克勤將餐牌交給何琪

『我沒所謂呀,你點吧』何琪化了個淡妝,身穿白色碎花裙赴會

『麻煩你一個法式焗露筍』李克勤向服務員說

『不可以,剛做完手術不能吃筍』何琪制止

『哦..咁呀..一客血鴨』

『不要啦,鴨很毒的』

『嗯..我要一份牛排』

『牛也不行』

『呀..我都不知道能吃甚麼..』李克勤很苦腦

『埋單』何琪跟服務員說

『走吧,帶你去別的地方吃』何琪把錢放在枱上就拉李克勤離開

『去那裡啦?』

『帶你去吃好東西』

『嘩..好多人』他們來到市集,路邊很多熟食檔

『過來,坐』何琪找到一張枱

『這裡好吃嗎?』

『當然好吃了』『呀姨,我要兩碗肉片粥』

『試試呀,這裡的粥很好吃的』

『嗯,果然不錯,你經常來這裡吃飯嗎?』

『對呀,這條街每一檔我都吃過了』

『厲害』

『剛才那間餐廳,又貴又份量少,在這裡吃舒服多了』

『我第一次跟你約會,所以我..』

『你下次約我我這裡吃就好了』

『我還以為你們女孩子都喜歡吃那種餐廳』

『為甚麼?』何琪放下碗看著李克勤

『...』

『其實以前也試過跟男同學約會,他都約我去那種餐廳,但我一點都不喜歡』

『喔..不好意思』

『沒事,只是有點感觸,讀大學的時候,很多女同學都一定要找個富二代男朋友,要不再找個乾爹,但我不需要,我有自己的能力,我有自己的生活方式』

『嗯..』李克勤只有聆聽的份兒

『其實我覺得,你們男人也很拜金,只是方式不同』

『下?說來聽聽』

『女孩子找個富二代就叫拜金,你們男人就不想認識有錢的朋友嗎?我問你呀,你現在如果認識到一個沒錢的人,你會跟他做朋友嗎?』

『唔..我都不知道』

『如果你同時喜歡兩個女孩子,一個可以令到你事業平步青雲,而另一個只是一個窮家女,你會如何選擇』

『...』

『就是啦,就是因為其實我們所有人都拜金,只是每個人的價值不同』

吃完飯後,李克勤跟何琪在公園散步

『你記得每天最少要練一小時』

『知道了..』

『對了你在工廠是做甚麼的..』

『唔..我們做..批發的』

『甚麼批發?』

『..我們做衣服批發』李克勤隨口編了一個大話

『嘩不錯呀,我跟你買有批發價嗎?』

『我們做男裝..』

『只做男裝那麼奇怪?也可以呀,我買給我爸穿也可以』

『我們做內褲的..』

『也可以呀,我爸也要穿內褲呀』

『你爸穿T-back嗎?』

『當然不穿啦!』

『那沒辨法了』

『耶..你賣的東西太變態了吧』

『有甚麼變態』

『開玩笑了,我就覺得你很厲害呀,年紀少少就做組長』

『..』李克勤不知道怎回應

『你談過戀愛嗎?』何琪突然問

『談過呀..』

『多少次?』

『兩,三次..』李克勤中二初戀,畢業的時候全校有二份一女同學都跟他拍過拖

『我在大一的時候有個男朋友,我當時就認定這個男人是結婚對像,但是最後都要分手』

『為甚麼?』

『我發現他吸毒』

李克勤像觸電一樣全身震了一下

『怎..怎發現的』

『畢業後他到了一間股票行工作,每天都天光才回來,有次我發現他褲袋有包粉末,我讀醫的,我一看就知道是毒品』

『那..你就馬上跟他分手?』

『當然沒有,他說這包東西是他的朋友的,我信他,之後我再發現家裡有吸毒工具,他又再說是他朋友的,然後有次我撞到他在廁所吸毒,我就馬上跟他分手』

『不能給他一個機會嗎?』

『我可以陪他戒毒,時間要多久我都等你,都但他一而再,再而三的欺騙我就不可以』

『如果他有苦衷呢?』

『跟我坦白呀』

『有時候...事情知道得太清楚,你會被嚇怕的』