我係喜達,撈麵界既亞視續集,一個屬於黑林頓兒子既故事: 黑邦與李克勤逃亡篇3

『嘩,春光滿臉,執左幾多劑呀』

李克勤猥猥瑣瑣咁搭黑邦膊頭

『關你撚事』

李克勤一手掃開李克勤

『嘩洗唔洗咁燥底呀』





『去邊呀呢家』

『我係石龍鎮果邊有間屋,過去曬下先啦』


『咁撚大既你間屋』一入屋黑邦就嘩一聲

『邦仔你真係港燦黎架喎,大陸d屋間間都大間架啦,你訓果間房啦,我訓二樓,有咩事就叫我啦,扑左成晚腳都軟埋』

黑邦大字型咁撻落床





『咁大個仔都未訓過咁大間房,張床仲要咁大..』

黑邦拿起手提電話,打開左一個叫whatsup既app

楚玲上線中

黑邦想搵佢,但係又有好多顧慮

『屌..人地會唔會當我係客咋..屌唔撚理喇』





『hi,我係黑邦』

不消一分鐘,楚玲就回覆佢

『小孩子,想念我了?』

『對呀』

都發展成咁,都無謂掩飾

『哈,但我現在要工作喔』

『工作?你唔係收工喇咩?』





『喔..沒..剛下班的時候有個熟客喝醉了,指定一定要我,所以就要加班了..他現在睡著了』

黑邦心口好似比一舊大石壓住咁,佢自己都知道楚玲從事既工作,但係佢唔想接受呢個事實

黑邦無回應佢

『邦,你清楚我的工作,我希望你明白我』

楚玲見黑邦無回應,大概清楚黑邦既想法

『我明白,沒事,你下班再找我』

『好了,再見』

再見後面有一個紅唇的表情符號





『再見』

黑邦回夠兩個紅唇

黑邦放低手提電話,望住天花

慢慢就睡著了

黑邦就連發夢都是想著楚玲

睡了足足十個小時

黑邦起身第一件事睇下電話有咩短訊





五個未看訊息

『小邦邦我下班了』

『我肚子好餓喔』

『你在那裡了..』

『你不理我啦?』

『我忘了你要睡覺哈哈,睡醒記得找我,我先睡囉』

『玲玲姐我睡醒了,你醒了找我吧』

黑邦笑到發晒姣咁





『邦仔,出黎食早餐喇』

李克勤係廳到大叫

『哦..』

『天都黑先黎話食早餐..』

黑邦行到出廳,見到有一個大鍋放左係爐上面

『刷牙先啦,滾起就食得架喇』

『乜野黎架?咁大鍋既』

『狗肉囉』

『下?!』

『狗肉呀,下』

『你係咪癡撚線架李克勤,仲話食早餐,唔好講食唔食狗呢樣野先,全世界就算係食狗既人,我都唔相信會係早餐果陣食狗囉』

『下..咁食咩呀?』

『無公仔麵咩?』

『有呀』

『咁你自己慢慢食狗肉,我食麵得喇』

黑邦煮左個麵,坐左係到睇新聞

『日前係土瓜灣破獲既毒品工場,警方有關發言人表示,已經有兩名疑犯已經自首,並聲稱係集團主腦』

『自首?!邊個自首呀?』我問李克勤

『哦..頭先馬老闆打過比我呀,佢話比錢搵左兩個大圈仔去認左佢』

『咁都得?』

『係呀,但係我地都要避多一段時間架喇,過多排差佬問唔到野,自然完左呢件事』

『哦..』

黑邦當然開心,一來有機會甩身,二來一日唔走,一日都仲可以見到楚玲

黑邦來到一個墳場,周圍一個人都無

黑邦係到跑,係到搵墳場既出口

黑邦跑左好耐都搵唔到出口

『有無人呀!!』

黑邦大叫

一個人被困墳場,黑邦感覺好唔舒服

黑邦突然望到墳場既另一邊有個人

『有救星喇』

黑邦跑過去,差唔多跑到過去既時候,忽然雙腳無力,跪左係地下到

果個人背住黑邦企左到

呢個背影黑邦覺得好熟識

『你係邊個』

果個人聽到之後,慢慢轉身

身上有數個刀孔

『爸爸!!!!!!!!!!!!!』

『做乜呀邦仔』

點解把聲係李克勤黎既?

黑邦張開眼,見到李克勤企係床邊

『屌..發夢..』

黑邦見到李克勤著住件圍裙,渣住個鑊鏟

『喂..早晨呀勤』

『刷牙啦,差唔多有得食架喇』

『你..又煮咩呀?』

『果子狸』

『...呀勤』

『下?』

『煮個麵比我得唔得』

『嘩識食呀下,果子狸送麵,留返隻脾比你』

『我唔要..唔要果子狸,麵就得喇』

『哦..』

黑邦仍然諗起岩岩發既夢

其實從小到大,黑邦偶然都會發呢個夢

但每次都望唔清爸爸個樣

『我岩岩發夢』

黑邦發短訊比楚玲

『作甚麼夢呀?夢到我?』

『夢到我爸爸,但看不清楚他的樣子』

『..可惜呀,我在上班,晚一點找你』

『嗯,拜拜』

黑邦已經習慣左同楚玲既相處方式,當然難受既感覺仍然有,但係慢慢開始減少

黑邦想拎起床邊既香煙

但係佢一轉身就摸到本『時光倒流』

黑邦一開就係最尾果版

『..出版商..地址』


『咦,我寫封信問下個作者都好喎』

致作者陳玉芬

你好我叫黑邦

我讀書唔多,但係對你本書好有興趣

我好想了解一下你時光倒流既方法

我相信好多睇過你本書既人都有問你方法

但係我唔係為左返去買六合彩,賭錢

我係好想求證一件事

我現在係大陸居住

回郵地址同郵票我已經寄埋比你

希望你可以回信交流一下


黑邦好簡單咁寫左一封信

『喂黑仔呀..我地d錢..好似差唔多用晒』

『好似仲有幾千蚊..屌你明知無錢仲食乜野果子狸呀』

『唔好屌住先啦..咁點呀?返香港呀?』

下?返香港..咁楚玲點呀

『我覺得呢家返去都仲係好危險』

『喂不如打電話比馬老闆同佢拎住d先』

『好,打比佢』

『do....喂馬老闆呀?』

『..你邊位搵佢呀?』

『我係邦仔呀,你係良哥呀?』

良哥係馬老闆既貼身保鑣

『..係呀,點呀你地係邊呀』

『哦..你等等呀..我地係大陸呀仲未返香港..想同馬老闆借d錢用下』

『......哦..無問題呀,講你地址比我聽,我叫人送過去比你』

『哦我地係.....』

『ok,係屋企等,唔好周圍去』

『收到,唔該晒良哥』


『借到喇』

『掂啦邦仔..出去唱個K劈返轉先啦』

『但係良哥叫我地等佢喎』

『屌佢d人到左會打比你架啦,行啦』

『..好啦..飲一陣咋下』