[愛情浪漫］［懸疑] 求婚。求分: 第六回 - 認識
我跟著宏回到他的住宅。
正攤在沙發上看電視的凱見狀，立時彈了起來叫道：「雪瑩，你又話要走先既？唔係有野做咩...」
「Em...」我不知該如何解釋。
幸好宏此時走上前，拍了一下凱的膊頭，然後跟他說：「咪多事啦，可唔可以返房先，我同雪瑩有d野傾。 」
「哦~ 有d野傾下話。得，識做既~」凱語帶嘲諷，然後對我單一下眼後回去自己的房間。
「雪瑩，請坐，我去洗個面，疏下個頭先。」宏打發凱後對我說。
他還是如此著重自己的儀容。
我坐到剛才的沙發上，環顧四週，發現沙發旁的矮櫃面上放著一本名為【滿願】 的小說，隨手就拿起來看。
過了一會，宏從洗手間出來，換上整齊的便服，頭也疏得整潔非常。
「宏，你仲係咁鐘意睇米澤瑞信喎！嘿，我最近都買左佢本新書，不過未得閒睇...」我興奮地對宏說。
「係啊，我好鐘意佢寫既人性，真係好現實、好真同深刻...我啱啱睇完你手上果本，好正。」他的聲線總是那樣柔和。
「咁正？借黎丫咁。」
「好丫，無問題啊。」
接著我把【滿願】放入袋裡。
「你記唔記得啊，Year 1果陣比你發現我都好鐘意睇推理小說，之後我地上親Lecture都係度討論邊本d佈局正，邊個作者d書好睇~」我跟宏說。
「嘿，梗係記得啦，上經濟課個呀Sir係度講經濟學之父亞當史密斯，我地就係度討論福爾摩斯！」宏笑道。
「係啊，係啊~」我跟著笑了起來。現在回想起那時的大學生活，其實跟宏也相處得很開心，主要是我們的興趣相近，話題也是說之不完。
我有想過，倘若當時不是已跟子文一起，跟宏發展的機會也是頗大。
宏接著說：「諗返起果時，都真係幾開心......係呢，真係唔該晒你，特登送返本日記比我，我仲以為就咁唔見左！」
「傻啦，講呢d。」我說。
宏聽後笑而不語。其實宏不算是說話滔滔不絕那種人，但卻有種魅力吸引我繼續與他談話。
於是我繼續說：「講真，其實我應該向你道歉，起初我並無打算會攞返本日記比你架。最後決定咁做，係因為...我睇左某d內容之後。」
「算啦，我都話唔介意喇。咁你睇左d咩內容突然回心轉意呢？」
「Em......你打算向女友求婚，但反被女朋友要求分手果度...」
「喔...原來係咁。係因為突然覺得我好慘？」宏此時面帶半點悲傷。
「錯。係因為你既遭遇...同我好相似。」我說。
「下？乜你.......」宏聽後有點驚詫。
「無錯，有一晚我以為我男友係同我求婚，點知最後係同我講分手，仲求我唔好再煩住佢。」我說這句話時充滿傷感。
「你講果個男朋友係咪子文？」
「係，同佢都行左7年喇。」
「果時佢對你好好，你地好Sweet架喎...唉，點解會咁架。」
「果晚之後我無再見過佢，有關佢d野我全部寄返晒比佢，包括我內心果一丁點同佢復合既希望。」我以決絕的語氣回應。
宏此時輕輕把他的手輕輕放在我的肩膊上，似乎他十分明白我的感受，又或者他是最應該明白的那位。
「你唔好唔開心啦，你呢刻既心情我好明白，因為我正正經歷過，明白有幾痛。係呢，咁佢因乜事要同你分手？」他安慰著我。
「佢無講，我都無再深究；只係覺得同佢已經行到要劃上句號果個位，咩原因其實都已經唔重要。」
「啱既......唉，既然你都接受左個結果，深究原因都只會令自己越黎越唔開心。就讓死因跟隨呢段關係逝去吧。」
「我而家好好多喇，叫做習慣左失戀，但有時都會諗起同佢d野。希望時間可以沖淡呢d回憶。唉，唔好講我喇，你點啊？點解會同呀凌分手既？」我試圖轉換話題。
「唉，說來話長。你又知係呀凌？。」宏好奇地反問我。
「嘿...想當年同組既仲有邊個丫！你日記裡面話架嘛，第一次同組就已經睇中人。真係估唔到。」似乎我已不把偷看當作一回事，還拿裡面的情節出來說，我會否過份了？不過以我認識的宏來說，他不會真的介意。
「突然覺得係你面前無晒私隱，哈哈。」宏有點臉紅。
「你話唔介意架~ 真係估唔到。你地果時又唔似咁有火花喎，收收埋埋啊。」我接著說。
「Em......感情呢d野，就係咁估唔到架啦，我同你夠估唔到以為就快跑到終點啦，點知諗住沖線果陣先知比人取消資格。」宏淡淡的說。
我們靜了數秒。
宏意識到他這句話弄得氣氛十分尷尬，便說「啊，唔好意思搞到個氣氛咁疆。」
然後他看一看錶接著說：「哎吔，差d唔記得約左呀媽飲茶，而家要出門口喇我。」
我微笑回應：「唔緊要啦，下次再傾啦。」
「真係唔好意思！」
之後我們動身一同走到門口，宏幫我開門。此時我期待著...
幸好...
「係呢，雪瑩，你話下次再傾，我無你電話又點會有下次呢？」
「咁你攞部電話比我啦。」我笑著說。然後宏把他的Iphone遞給我，我把自己的手提號碼打在他的Iphone上。
「咁我再Whatsapp你。」宏對我說。
就這樣，我竟遇到多年不見的宏，想不到日記主人就是他。
未知是否彼此的遭遇很像的關係，這趟見到宏，心裡有種親切的感覺。
與宏重遇，是緣份的引領、命運的安排？又或者，跟子文緣盡，就是與宏緣份的開始？
哎吔，我想太多了。
(第六回完)