中學生生活 剖白日記: 7月23日 陰 八號風球

我今天如常起來。
我打開收音機和電腦，港台第一台嘅新聞報導：天文台係早上九時二十風，改掛八號西北烈風或暴風信號。我望下出面，挑，雨都無滴。
今日八號風球又無乜雨
我話天文台真係好業餘
逢星期一都5會有風球嚟香港
因為我地有李氏力場將佢抵擋。（你自己rap）
一路rap一路諗下今日有咩做，本身重打算朝早去書展，總之就打亂呭我計劃。咁朝早就係到hea左成朝，又無野做，5想做功課，咁我就瞓下，又食下飽。去到差5多十二時，就自己入廚房，煮個肉醬意粉食，之後再打咗陣機。電台話書展下晏準備重開，哇開心到我，哇開心到lai。咁我就換件衫帶個袋準備去書展（第二次）。
又落雨，我擔住把橙色遮，一路行，去到地鐵站，就去vingo增值，準備去灣仔。一上車，就有個阿伯係我右邊，一煞車，大家撞到一下，佢睥住我，我不禁示弱，我又睥住佢，佢咳咳兩聲， 哼左一聲，就話
「撞到人啦，後生仔」
「你撞我定我撞你啊」




「無啲禮貌，而家啲人」
「阿伯，你撩交嗌啊，報警啊」我挑釁佢
「……」
「報警啊！搞大佢啊」我今日心情好差
跟住佢就落車
去到金鐘，出A5出口。屌出嚟，成條橋都係人。我心諗，兩個中都實入5到出，要怪就怪自己5早啲出發。
未行到麥當勞都用左廿分鐘。唉！我應承咗幫人，就唯有搭的士啦。我截咗㗎的士，就用普通話問司機
「請問可不可以到會展啊？」
「可以啊！好快的。」我上車後，一路都係講普通話
「今天很多人啊」




「對啊！打的最快的。你從大陸來嗎？」撩我講野
「是的。中山那邊的。本來坐船，不過停航了。」
「那你怎麼來的」
「直通車啊，深圳那邊」
「你不用上班嗎？」佢以為我返工，哈哈
「星期天放假，特意來的」
「很多人的星期天」
「是啊，我也第一次來書展」
「那你來過香港嗎？」
「常來的，自己駕車來，我有中港牌啊」




「呵都左軚的，習慣嗎」
「還好啊！我也不是常駕車來，計程車比較方便啊」
成程車廿分鐘，40元，又破費了。
一入到去，其實無乜人，因為警察人流管制，好彩我搭的士啫。走到C09，買咗本書，等作者6點嚟簽名。我再周圍行下，買咗啲書例如：巴金《家》，哲學書等
沿途，樂施會嘅人過嚟sell我，仲要兩次都係同一個人，收皮啦，我完全無興趣。我見佢楚楚可憐咁，廢事兜巴車爆佢，就話
「小姐啊，其實呢我5係咁樂善好施㗎」
「……」
去到六時正，我排簽名會，等到六時廿分，佢嚟到啦，咁我排第四，又簽名又影相，最弊係，簽名係幫人攞，唉，攰到我。

最後我搭咗往旺角嘅紅van 20蚊一個人，貴。