新手作家的共鳴: 幻想藍調

    （建議聽住blues in velvet room然後進行閱讀，風味更佳）

    藍調作為一個音樂流派，可以話系集大成之作。

    由黑人怨曲，民歌同埋工作歌曲集為一體既藍調純音樂，既有活潑開朗既表面，但係不乏充滿內涵而且憂傷一面。

    藍調，blues一詞既應用來自blue devlis，有悲傷既意思，散拍，jass等等都系由藍調衍生出黎。甚至流行曲都會出現佢地既身影。

    有時候，唔知點解，總係覺得藍調真係幾似我地，作為作文世界既一份子。





    大家都曾經或者宜家作為一個新手作家，大家都會明白，當自己已經確認攞左入場券既時候，就要開始面對面前依個世界，AKA，煉獄。

    當你踏進依個世界既時候，總會有啲人同你講何為公平，何為成功大路。

    煉獄，系黎自天主教既教義裡面講到過，人類軀殼死後，靈魂到達既地方。響裡面有洗淨罪惡先可以進入天堂，AKA，試煉。但係大家記得嗎？當初如果你真係英文堂又好數學堂都好，無無聊聊攞本聖經出黎睇，裡面提到洗淨罪惡既方法系比火燒。

    但係！但係！比火燒完都可能上唔到天堂！

    在此之時我諗起一個笑話：一個老闆死左上天堂，但係因為冇一啲咁既先例，所以比佢參觀天堂地獄。





    天堂24小時既恬靜，同埋地獄24小時既狂歡，令到個老闆有一啲猶豫。始終，個老闆都係選擇落地獄。

    但係到達之後，先發覺原來系受苦居多，果啲狂歡，只系‘迎新派對’。

    冇錯啊，但係從頭到尾，點解一向宣揚愛同和平，仲有神面前人人平等既天堂，會覺得一個老闆出現系唔正常？

    好簡單，因為佢地只系掛羊頭賣狗肉lor。

    請問邊個領導者唔想自己既手下系一個強力既傀儡？又邊個唔想將垃圾換成強者，或者系切合自己條路既人？





    但係，都係有一種賤人，你就係點趕都趕唔走。對付依種人，以前好多人認為既解決方法都係想一刀捅死佢就算。

    小朋友，時代變，人物風景都改變。宜家唔系再響背後默默咁詛咒你，而系直截了當咁，一開始就將龍門搬走。一開始就打沉你。構造一個睇落好似好公平既環境，但係實際上其實只系一個陷阱，比我地一啲本來真心既人踩。

    曾經，我地都曾經夢想過，一個完美既世界。

    可以話，我地曾經系一首nightcore，快速，調皮，帶住希望。

    但係，世界強行既歪曲，將我地變成一首藍調，僅此而已。