其實人唔會真係忘記任何嘢！

其實就係好耐之前，我就已經聽過人嘅記憶係會經過時間而淡忘直到我哋真係忘記所有嘢，但係你哋又知唔知我哋係唔會真係忘記⋯⋯

有時我哋會唔記得咗重要嘅嘢，但係我哋經過一啲地方，就會諗起好多嘅回憶

所以其實我哋嘅記憶只係俾自己埋藏於深處

其實任何嘅事我哋都唔會忘記，一啲我哋都想記得嘅嘢會時刻浮現係我哋腦海中

有啲我哋唔想記得嘅嘢，潛意識都會幫我哋隱藏於深處，直到某一日我哋先發現原來我哋冇忘記到





其實我認為記憶係非常重要，因為記憶係我哋嘅一部份⋯⋯

如果我哋冇咗記憶嘅時候我哋仲會唔會係自己呢？

有人講過生命同時間係第一位，咁我認為記憶一定係第二位

因為我哋冇咗記憶根本就唔係自己，所以我哋要好好珍惜自己嘅記憶，經常回想自己嘅回憶

可能有時我哋會有唔開心嘅回憶，我哋會好想自己忘記，但我哋諗深一層





如果冇咗唔開心嘅回憶我哋就唔會懂得珍惜現在所擁有

或者你哋依家就係處於低潮期，你哋會覺得好辛苦啊！

其實我都係咁覺得㗎，相信每個人都會試過有放棄嘅念頭⋯⋯

但係我相信你之後回想當初自己冇放棄，都會有一種回心微笑嘅感覺

其實總結我覺得記憶真係好重要，有我哋嘅童年回憶啦，有我哋失敗後努力變成功嘅經歷啦，亦有我哋唔開心嘅回憶啦⋯⋯





雖然你可能應為我嘅回憶係幸福嘅，所以先好似講得咁輕鬆，但絕對唔會係

因為每個人經歷痛苦都唔同，我哋係冇資格去批評其他人嘅人生，你認為非常簡單嘅嘢可能對於其他人係非常困難

可能你哋唔認同我講嘅嘢，但係呢個確實係我嘅諗法

同時我希望你哋亦可以最辛苦嘅時候，去諗下自己曾經最開心嘅日子，因為世界係會公平㗎！

最後呢編係我第二次作嘅文章，多謝大家可能係再次睇我嘅文章，冇睇到一陣就放棄，可能我嘅文筆唔係好好，所以希望大家可以比個評語我！可以令我有進步！