《後備女友》(真人真事改編): Ch11

我心諗，唉，到左呢個地步，應該都無人幫到我㗎喇。

我隱約見倒佢同情既眼神，我都無乜點理佢，於是扒左幾啖飯，就番左上班房， 佢都無再跟黎。

班上面既氣氛非常熱鬧， 顯得我更加孤單。我獨自番埋座位。

突然同學A大聲咁話：「 喂！ 隻雞番黎喇， 扮晒高竇咁， 以為自己高級雞咩，KFC咋佢！」

咩料呀我唔係呀.......





跟住同學B就笑淫淫咁講：「其實呀詩個樣都唔錯呀， 下次可以考慮同我大戰300回合 哈哈哈哈」

講完之後成班即刻大笑， 完全無理會過我感受。好hurt...


我趴係檯面，開始哭泣。眼淚就係咁流係咁流。究竟仲有無人肯聽我解釋？？

說時遲 那時快，班房嘅門「 呯」 一聲咁比人推開左。

Louis 好嬲咁行入黎，一手攞起同學B開衣領，將佢個人抬起：「你好同我收聲啦喎！件事根本唔係咁，呀詩先唔會咁cheap去做雞，更加無做過個d野，佢只係為頭家，先做ptgf 咋嘛！ 佢比起你地任何一個都乖，邊個再亂講就唔好怪我唔客氣。」





同學仔都俾佢嘅舉動嚇親， 就連我都O晒嘴。心入面又嬲又感動。 唔通佢係我救星？

「呀...呢個...呢個新同學，學校唔俾打人㗎。放低嗰同學，我要記你缺點。返埋位坐啦。」 豬油膏入左黎， 指住Louis 係咁講。

Louis 啤一啤同學B，然後放低左佢，就番埋位座低。

我靜靜雞寫左張紙仔俾佢， 擺係佢櫃桶，就開始上堂lu。