《後備女友》(真人真事改編): Ch9

翻到班房，我望下個鐘。唔遲唔早，時間啱啱好。周邊嘅人好似用緊鄙視嘅眼神咁望住我，又對其他同學交頭接耳咁，完全唔似平時全校最嘈個班咁。

就連我嘅best friend嘉琪都對我態度全非。我靜靜咁坐左佢隔離，細細聲問「 琪琪，你知唔知到底發生左咩事啊？點解今日d人好似咁奇怪咁嘅？」

「 唔好痴咁埋唔該，我同你唔係好熟架咋喎。我頭先係coffee shop打算買咖啡， 咩都聽倒曬喇。上次約你又唔得閒lorrrrr，但又見倒你同個男人一齊， 今日佢又話比張支票你，我都估到你做雞架啦，我對你真係極失望lorrrrrrr。」嘉琪佢拎拎頭，行開左。

成個班房突然靜曬， 而同學都一一望住我。呢一刻，我只係feel到尷尬，尷尬，同尷尬...

於是我好急咁解釋「其實我唔係...」





話口未完，課室道門突然打開。我班主任豬油膏（朱佑高），人如其名， 又肥又禿頭，做嘢慢半拍。慢慢咁行入課室，後面跟住左個男仔，佢剪住一個all back比比鳥頭，眼大大，唔算係特別靚仔嘅，不過都幾陽光下， 瘦瘦地，身高大約175左右...咦...點解好似咁熟咁嘅...

乜...乜原來係佢啊？佢做乜跟到我返學校？鍾意我都唔駛咁架...

「大家好，我係王晉豪，英文名Louis，你地可以叫我型男嘅，我係係英國番黎嘅插班生。大家有咩吩咐，有咩好嘢記得要益下小弟，最好都係靚女啦！小弟必定鞠躬盡瘁，死而後已」

我心諗，依家d人有無咁自戀啊。

班房突然變到笑聲連連，氣氛一d都唔似啱啱咁死氣沉沉。





我係嘴邊輕輕講左一句「 賤男」。

「Louis啊，你就坐係林允詩後面啦。」

Whattttttt！！我先唔想佢坐我後面囉。

佢用手摷一摷個比比鳥頭，然後自信咁行去我後面，坐低左。

我突然feel到背脊好似有舊野篤緊我咁，然後我即係拎轉頭。





心諗，《那些年》咩依家下，篤咩篤啊篤篤篤。

心情唔好嘅我，的確有d火「咩料吖你」

Louis慢慢從佢個褲袋度拎出張支票，係我面前揚黎揚去「無～你唔要啦？」

我一手搶過支票，然後好激動咁話：「點解會係你度嘅？」

突然，全班嘅視線好似集中晒係我身上咁。

我好激氣咁話：「我真係比你累死啦！我記得你當時都在場架，你最好同我解釋返發生咩事吖！唔係我實唔放過你架！」