《後備女友》(真人真事改編): Ch2

「喂，啊詩，今日放學得唔得閒啊？我想睇個套呢排好heat嘅《屎忽痕者》，一齊啦？」

講野嘅係我嘅best friend 嘉琪，貌似女神， 斯斯文文，極之好人。

「唔得啊，我約左人啊，下次啦。」我講完揮個手就跑走左。

今日係我人生第一次做人ptgf，作為第一次同男仔單獨出街，難免有d緊張。唔知佢係點嘅呢？

搭左幾個站，我慢慢行入coffee shop，左顧右盼。就係左邊坐住一個好毒嘅人， 成面暗瘡，頭髮長長，戴住個毒L眼鏡嘅男仔。





唔通佢就係傑仔？於是就深呼吸一啖，打算say 個hi。突然，係我毫無防備之下，有隻手細細力撫摸我個頭，令我反應唔切大嗌一聲，我即刻拎轉頭怒啤佢。

點知眼前嘅人，將我嘅怒氣都一一清光。

佢身高六尺，有彭于晏咁嘅身型同外貌，絕對稱得上男神級。

「啊詩， 你同相一樣咁靚喎，你好， 我係傑仔」佢溫柔咁望住我。

哦～ 嚇死～原來呢個先係傑仔～ 佢竟然要搵ptgf？！





「Hello 我係啊詩～係呢 點解你要搵ptgf嘅？你唔係應該大把人追架咩？」

突然，佢個頭哄到好埋：「唔係啊，乜我似大把人追咩？」

喂呀我好似唔係同你好熟咋喎。

咁當然啦 我無咁講。

我用左一個有禮貌嘅笑容回應返佢，然後怕怕醜醜咁低頭同佢繼續往電影院嘅路上行走。