自從住咗hall先知，扑野原來可以咁簡單: 績續系列《二、三人遊》

《二、三人遊》
 
大學讀緊第三年，離離合合已過幾回，漸漸地對感情事都變得麻木。
 
面對分手都好，我都唔會傷心好耐。
 
當然唔係話無感覺，如果發生係自己身上面咪會唔開心囉，但係好快又可以處於泰然，因為我知道離別係人生必經階段。
 
無人可以陪你一世。
 


呢句說話係我一路以來對自己警剔，所以就算拍拖又好，分手又好；我都盡量以平淡嘅態度看待。
 
無期望先唔會有失望，呢個係永垂不朽嘅真理。
 
我咁樣諗，我嘅人生會好過啲。
 
 
Sophia: 21:33 屌我又同佢嗌交。
Sophia: 21:33 傳來一張圖片。
Sophia: 21:34 傳來一張圖片。




呢個係同我同科嘅Sophia，我year3，佢year4。
我地兩個今年一齊玩ocamp，part咗做組爸媽，所以同佢可以話係非常熟稔。
雖然我地熟都不過係短短呢兩三個月之間嘅事。
 
而我同佢之所以咁熟，除咗因為我地ocamp個排日對夜對之外，就係因為佢口中成日講個句：「點解你會咁明白我架屌！」
 
係囉，我都唔明點解。
 


我對Sophia一開始都無咩特別好嘅印象，純粹覺得呢條女癲癲得得，講嘢又粗魯大聲，成個佬咁；外表就不過不失，稱唔上好靚但帶出嚟都唔會失禮個種咁喇。
 
後來同佢搞ocamp所以成日要見 ，認真mode傾起計上嚟先發現原來佢同我想像中都幾唔一樣。

「屌，你溝仔咪又係睇靚唔靚仔高唔高有無錢咁樣，咁啲男人睇樣睇身材又有乜問題先。」雖然我自己本身就唔算好外貌協會嘅人，不過我當時以一般男人嘅角度同佢討論有關擇偶條件嘅話題。
 
「吓，唔係囉，我唔係咁樣架！」佢聽完之後即刻好激動咁反駁我。
 
「收皮喇，實係咁講架，到現實咪又係會睇樣，比個暗瘡毒撚溝你，你要唔要呀？我就唔撚信你會受呀。」我不屑咁回應。
 
「拿，我拍過三次拖，唔係話未同過靚仔一齊，係好彩姐！」話撚咗架喇，口裡說不，正當我想咁樣駁佢嘅時候，佢話：「我開我上個ex比你睇喇。」
 
之後我係到諗緊應該又係個啲好識著衫，然後ig有好多followers個啲仔，因為Sophia衣著方面真係唔錯，就算有個咁男朋友都絕對唔係咩出奇事。
 
然後佢開出嚟個張相我真係呆咗。



「喂，呢個係你ex？咪玩鳩我喎，你係咪開錯呀？」佢將成個電話隊係我眼前，我推返去佢面前，指住相入面果個男仔：「屌，呢個喎！你ex喎？唔好搞笑喇！」
 
我之所以咁激動，係因為相入面果個並唔係咩ig男神，更加唔好話咩靚仔。
 
係一個目測超過200磅嘅大肥仔。
 
「佢好搞笑架，同埋佢性格好好，同我好夾。」佢好認真咁同我講。
 
「吓，又估你唔到喎。你唔會覺得佢同你唔襯咩？」我對佢開始有啲改觀，因為好少見女仔唔睇樣到呢個程度，特別係Sophia呢type望落都叫「ok」嘅女仔。
 
「無架，咁我又唔係好靚女，無話咩襯唔襯嘅。」佢笑咗一下，之後話：「同埋我有性格潔癖架，如果對方有性格方面嘅嘢我接受唔到，就算佢勁靚仔都無用。最緊要係思路一致。」佢聳聳膊、不可置否咁講。
 
個一下真係徹底改變哂我對Sophia嘅觀感：除咗覺得佢同一般女仔好唔同之外，就係佢居然有同我一模一樣嘅諗法。
 


我好少同人透露自己內心嘅真正諗法，因為自身嘅保護意識比較強，所以都唔想表露太多真正嘅自己比人睇；另外唔多唔少都係因為我知啲人一定會話我戇鳩。
 
「屌，溝女睇咩呀，梗係睇樣睇波睇腳喇！」我roommate Jay就係好典型個啲只係用下體嚟諗嘢嘅男人：「又唔係同佢過世，好屌就得喇！」
 
唉，試問如果我同佢講我其實對性格嘅追求好執著，有精神潔癖咁，只係想搵個好明白我思路嘅女朋友，佢會點呀？
 
然後我又真係戇鳩鳩咁樣話咗佢知。
 
佢同我預知嘅答法一樣：「屌你神交咩，叫啲女幫你口交好過喇。你咁樣落去真係自己打飛機打成世架喇屌。」
 
係呀，所以我咪自已打緊囉，屌。

至於Sophia，你話我有無諗過溝佢，又真係無。

可能由一開始對佢就有個定形係到，即使我之後對佢改觀都好，都唔會話特別想追呢個女仔，純粹會覺得：佢都唔錯呀，咁大把囉。



係呢個情況下，我地嘅關係愈來愈緊密，我地成日一齊食飯、講經、飲酒，總之出雙入對咁喇，所以好多人都以為我同佢拍拖。

試過有次食飯撞到我地科嘅professor，佢一見我地就話：「嘩，原來你地一齊架。」

我地兩個即刻異口同聲咁話：「痴線！」

咁都唔怪得人嘅，俾著我係其他人都會誤會喇。

直到Sophia出咗pool。