30歲的最後一個月， 我成為了一個職業賭徒。: 第四章

 
Darren………..
 
凱茹 …………….
 
原意是來澳門豁出性命，以搏取最大的利益。但是我現在多了的， 是我虧欠的人情，還有更沉重的感情包袱。
 
雖然我說過我需要我的痛，又或者說如果可以再選一次，我也無悔遇見了 Darren 或是凱茹。 但是，我此刻承受著的痛我覺得我負荷不來。







當我賭輸了第一盤四十萬的時候，那是一種欲哭無淚的哭。
 
而現在這剎那的，是淚如泉湧，眼淚一滴一滴的流出來但是卻沒有真正的哭泣。
 
這應該是我內心強要堅強，但是身體啟動了保護機制，強行把眼淚流出來吧。



花了數小時收拾了崩潰的情緒，Jacob 來了。我把整個故事如實的告訴他，他值得知道每一個細節。




 
Jacob 搖搖頭吐了一口煙 :  「我都覺得有啲怪㗎啦，仲以為佢只係發緊啲藝術家脾氣，都唔知道原來佢已經打算放棄........... 」
 
「 寧願盡地一鋪，唔想苟且偷生，我估佢嘅心情我係明嘅。」
 
「 咁你而家諗住點，你仲係咪會賭落去? 」
 
「 已經去到呢一步，我已經冇得返轉頭。」
 
「Darren 唔係已經幫你回咗本啦咩，有乜嘢冇得返轉頭 ?  佢已經犧牲咗黎救你，你條命已經背負左另外一條人命。你收手啦，我已經冇咗個friend，我唔想又有一個friend 賭輸咗又死埋。」




 
「已經唔係賭唔賭嘅問題， 去到呢度我有啲嘢我一定要做..........」
 
「咩嚟㗎? 」
 
「無聊嘅事.......... 」




Jacob 離開之前，問我要不要安排搬屋的事。我開玩笑的對他說，我怎樣也不會搬，我要在這裏住上十年八年，然後申請逆權侵佔。
 
不過說到房產的東西，沒有事情比這更高效率。
 
「叮噹 !   」  




 
第二天清晨，當我在用Darren 的French Press 手沖咖啡的時侯，門鐘響起了。
 
我打開門，有個中年女人二話不說昂首闊步的走進屋內。 這女人身穿黑色低胸短裙，高踭涼鞋，她始乎想打扮高貴，但怎麼看這些衫都應該是淘寶貨。
 
「你係邊個呀 ?」
 
「我先至要問你係邊個呀 ?   」
 
「 我係呢度嘅租客...」
 
「我係 Darren 既舅母 !!! 」
 
「哦........... 有咩幫到你? 」
 




「Darren 已經走左啦，我而家要收番層樓！你話你係呢度嘅租客，你有冇單據 ? 」
 
「我同 Darren 係朋友， 我有交租畀佢但佢冇開單比我。」
 
「咁即係冇單啦 !!  我比兩日限期你， 你聽晚之前搬走啦 !!」



於是我去了佛羅倫斯酒店，我要求租回我上次住的房，剛好這間房真的空置了，於是我用一萬元把它租了下來，明天入住， 距離我的生日，就只剩下三天，所以我住兩晚便夠了。



烏鴉說:  萬事俱備了，去找凱茹吧。










凱茹，你記得嗎 ?




I will look for you, I will find you, and I will kill you.