30歲的最後一個月， 我成為了一個職業賭徒。: 第三章

 
 
雖然那樣根本不關我的事， 但我還是有一點緊張。
 
成功了，就這樣她翹著我的手 一邊說笑一邊走過保安了，這一招還真的行得通 。真是可惡 ! 我有看起來這麼老嗎，所以拉高了情侶的合理平均年齡，她就可以過了這關?
 
 
「Yeah !!! 」  她鬆開了我的手。
 
「喂 !!!!  打完齋唔要和尚 !!!! 」




 
她扮了一個鬼臉，然後說:
 
 「其實我都唔肯定得唔得㗎， 所以我而家要撳錢先 !!! 」
 
帶著小妹妹進來，不是唱代幣玩機動遊戲或攤位遊戲，卻是和她撳錢賭博，我覺得有一點好笑。
 
賭場入面最多最方便就是提款機，但剛好這一部就有人在使用中。 我們排著隊，她把提款卡拿出來。
 
「Yan Hoi Yu….. 」 我看到她的提款卡，然後讀出來。




 
「 你估下中文係乜嘢?」
 
「殷凱雨? 」
 
「唔啱 ! 」
 
「 甄海魚 ???」
 
「你就海魚 !!! 」




 
「 甄開乳??? 」
 
 
「...... 係殷凱茹呀。」  她在我的耳邊輕聲說。
 
輪到我們了，然後凱茹提了二千出來。 不過是個學生哥，隨隨便便拿二千出嚟玩， 果然是有錢的千金呢。
 
 
走過大細的枱面，我提議:
 
「 買大細啦 !  」  那是我暫時最有信心的遊戲，也陪我走到谷底再回到上來。
 
「都唔好玩嘅 !! 唔玩呢個 !!! 」
 




「咁你想玩咩丫? 」
 
「21 點 !!! 」
 
算了，這果然是我的宿命呢。 然後我們找到了Black Jack 的賭桌。
 
 
「 上網我玩得多 !!! 我真係第一次見到真嘅Black Jack 的賭檯呀 !!! 」  凱茹十分興奮的笑了，就像Katy 看見甜品一樣。
 
然後我們觀看了好幾盤， 莊家開了一鋪 Black Jack ，賭客全部散開了。
 
「我哋去啦 !!! 」 凱茹說。
 
「你咪去囉 !!! 」
 




「 你都一齊玩啦 !!! 」 她搖著我的手臂。
 
「 咁你等我一陣， 我就要去撳錢。」
 
今天要破戒了， 將兩天的行程當一天賭吧，連同今早贏了的，我有本金十九萬。
 
我唱了十五萬元的籌碼。回到那一張枱， 凱茹在觀看其他枱的賭局， 我們坐下去了。
 
凱茹買了二千。
 
第一盤就  All in ??????     她真的是我命中註定的妹妹啊 !
 
我望一望她，她望著我吐一吐舌頭。
 
我也不甘 示弱，買了兩萬。 有妹妹陪同一齊賭到極限， 還真的猜不到呢。




 
派牌了。
 
我得到了 9 , 2 ， 11 點。
 
 凱茹得到了 2, 8， 10  點。
 
 莊家牌面是5 。 我們牌面上看起來勝算佔優。
 
 凱茹要牌，得到了一隻7 。 
 
「 哎呀!   唔要丫 ! 」   她想變 20， 不過事與願違呢。
 
輪到我了.............
 




我有十一點， 檯面上未出現過十點的牌， 所以下一張我開廿一點的機會甚高。
 
反正一開始就已經破戒了， 繼續癲下去吧 !
 
「Double ! 」
 
Double 即是再下一次注變了雙倍，但只可以抽一隻牌。   這是一個勝算甚高的機會， 不能隨便放過。
 
我再放了兩萬上檯，要是輸了下一鋪我還真的 不知道該怎樣倍大才好 。 Black Jack 的注碼控制還真的難以操作。
 
發牌了 !!
 
是 3 !!!   14 點。   糟了......... 完了...........
 
 
果然不守紀律的時候就會輸掉。
 
 
 莊家開牌，是Q， 15 點， 要牌。
是9 !!!   爆煲了 !!!!!!!
 
 
我倒抽了一口涼氣。總算勝利了 ! 要不是我選了 Double ，14 點我應該會要牌， 然後那一隻9便會是屬於我了。
 
我贏了四萬，  凱茹贏了兩千。
 
「 你玩咁大嘅? 」
 
「 我黎澳門預咗玩十萬， 輸咗就冇㗎喇。 」   這一句証供我還說漏了很多事實。
 
「 我都係呀 !  諗住如果輸咗兩千，咁叫做了咗個心願，以後唔玩喇。」
 
「你死啦 ! 輸錢皆因贏錢起 !!  你啱啱享受咗 Beginner’s luck ! 你因住撞板呀 !」
 
「 我想玩多鋪 !!! 」
 
「 下? 贏咗仲唔收手 ? 」
 
「 咁我如果輸咗，都係頭先贏果啲錢咋嘛。」
 
唉 !  又係 「本來錢」  !!! 不過沒有時間和她解釋這麼多。
 
「 仲有呀， 你贏咗咁多，有咩 有你照住丫嘛 !!!」
 
「我會捉咗你， 然後賣咗你個腎。我有識得嘅拆家。」
 
 
凱茹向我吐了一吐舌頭，然後去揀賭枱了。