30歲的最後一個月， 我成為了一個職業賭徒。: 第二章
掛在頸上的證件膠套，從來都只是一個權力的象徵。有什麼人可曾認真看過證件套裡的證件是否屬實，甚至還打電話去機構確認了一次?
Jacob給了我證件套，但裏面是空的，他叫我隨便放一些卡片入去就行。我說我沒有，他就隨便找來了一張邪留丸的公仔卡。
「 唔撚係下話.......................」
「得啦你陣間睇住我做啦 !!! 」
在這個佛羅斯賭場的門口，有一架旅遊巴來了。 導遊下車行，引領著一班團友排隊。導遊說:
「呢度就係澳門最著名嘅佛羅倫斯賭場 !!! 呢度呢就係自費節目嚟嘅 !!!! 但係呢我哋個團如果買飛就會有團體價優惠 !! 參觀嘅呢，每人就畀300蚊呢個哥仔 !! .....小童有冇優惠 ??? 小童梗係冇優惠啦 !! 賭場唔會專登做優惠吸引小童㗎嘛 !!!! 不過呢裏面就好宏偉嘅 , 小朋友都應該睇下開下眼界啦............... 你哋呢就跟住嗰哥仔入去啦 ! 呢度唔泊得車，我會跟埋司機一齊走 !!! 你哋聽住哥仔嘅安排集合，然後佢會帶你哋出返嚟我同你哋會再去第二個行程㗎啦。 我就算你哋陣間唔好賭， 因為我會帶你哋去第二個娛樂場，嗰度會有優惠，陣間再講啦 !!!! 唔入去都得嘅，你哋可以喺周圍影下相，嗰度有條運河同埋大橋 !! 陣間四點巴士站集合啦 !! 」
就是這樣， Jacob 向每一位團友收了300元， 然後帶他們走入賭場了。
我低頭望一望我的邪留丸證件，我感到我在流賭博一樣的冷汗.............
天!!!! 我到底在幹什麼 !!!!
我會事敗被捕嗎 ? 今天要入賭場 ，不能大帶電擊槍啊...................
另一架旅遊巴來了，導遊下車後跟我打了一個眼色， 然後引領他們排隊。 他們喧鬧不堪，導遊的說話有時聽有時不聽，他們應該只會聽關鍵字。
簡單的排隊動作，擾攘了五分鐘總選排好了，導遊說出了和剛才差不多的說話。
「成300蚊咁多 !!! 我都係唔睇啦 !!! 」一位阿伯說。
「 一場嚟都咪日入去睇下啦 !!! 你睇下間嘢幾靚 !!!!!!!! 」側邊的阿嬸勸諫。
「睇咩呀睇 !!!! 咪又係咁 !!! 」
「咁遠嚟到唔睇呀 ???!!! 你估成日黎澳門呀 !!! 我唔同你嚟第二次呀 !!!!!! 」
結果整個團也選擇去， 我逐個去收錢，每一個300元人民幣，全部也放在公文袋裏面。 我數過， 這一團有42人 ， 總共是一萬二千六百元。
接著我帶領這團進入賭場， 我原本是來到賭一鋪的， 千算萬算也不會想像得到我竟然來了這裏做導遊。
來到入口了，有兩位穿制服的職員打開了門， 我和團友進入去了。 入口裏面站了很多黑西裝的保安，還有穿酒店制服的職員。 他們原本各自各忙自己的事，但看見這麼多人來了，目光都轉了過來。
我只好充滿自信的向職員點一點頭，然後繼續前進.......
完全沒有問題，我順利帶領了他們走入賭場。 看見金碧輝煌的裝修，他們驚嘆不已，已經開始拿著手提電話拍照和自拍。
帶了他們上電梯去了二樓，這裏是最經典的佛羅倫斯運河，還有那個假的天空和假的街道。
我用古天樂「撚太撚」 的國語叫他們一小時候門口集合，然後解散了人群。
我總算鬆了一口氣。
小丑和女小丑在遠遠的看著，烏鴉沒有搭嘴。
Jacob 看到我就過來了。
「喂 !! 楓哥 !! 順利嗎? 」
林振強說過， 小心那些哥前哥後的人， 因為終有一天他會把你當成契弟 。 說到底我只認識了他數天，仍然有一點戒心。
「Deee !!! 都唔知係唔係你專登用股票跣我既!!! 我而家就要同你做埋呢啲罪犯勾當 !!! 」
我笑著說，然後把公文袋交給他。
「嘩!!! 你講呢啲 ??? 呢份筍工係人都做到啦 !!! 使乜唗我八萬蚊氹你做呀 !!! 導遊分6成 , 你每個團都執5千啦!!!! 」
「 講笑啫..............我都知好筍 !!! 」
「 好難得做開嗰條友要去旅行一個月，我先至用皮幾野加埋人情投到黎做咋 !! 呢條友靠呢門生意發咗達買咗樓啦.............」
我把工作室貼滿了告示貼的方法，也沒有想到辦法可以解決困局，偏偏這世上有人做導遊無啦啦可以上樓。時也命也。
「 唔驚會拆穿㗎咩? 」
「驚咩丫! 佢哋農村黎， 咩都未見過 !! 咪係嗰啲等咗幾十年，覺得終於回歸咗死之前要黎睇下嘅老人家囉!!! 」
「下? 會唔會o係論壇討論，講起畀咗300蚊先發覺俾人搵笨? 」
「上鬼上馬咩 !!! 隨時智能電話都唔識用 !!! 就算係都返咗農村啦 !! 到時旅行社咪話唔知咩事囉!! 又唔係佢哋同埋導遊收咗錢 !! 係你 ~ 收咗佢哋錢咋嘛 ? 佢去邊度搵番你?? ? 」
就在這時 , Jacob 給我帶一個眼色，是剛才嫌300蚊貴的那個阿伯找我。
「喂 !!! 哥仔呀哥仔 !!!!!!!!!!!!!! 」