30歲的最後一個月， 我成為了一個職業賭徒。: 第二章

 
 
「  喂 !!!  Jacob 成朝打電話黎問你有無黎，我哋又冇你電話！」 Sam 說。

「 Jacob呢　？？？」

「 我而家即刻打電話叫佢黎 !!」

Sam 打電話後, 我問他:





「你有冇入到 ? 」

「 冇啊冇啊，我上一隻瞓咗身，未放......」

過了一會, Jacob 氣急敗壞的跑來，見了我二話不說:

「你放左未 ???? 」

「 未啊，等緊你嘅解釋」





「 唔好講咁多！嗱嗱聲即刻斬左倉先！」

Jacob 從 Sam 那裏借來電腦，我立刻上網放了。

那時已經蔓延到下跌52%

「 究竟發生咩事 ?」

「 我個客收到風，隻野出咗問題，個老細o係大陸俾人反貪腐拉咗。我已經想即刻搵你， 但係又冇你電話..... 」





他們到底在騙我嗎，也不太像 ..........

我可以動用多少資金入貨？ 我的錢在股票世界微不足道，連一毫的價格不能左右得到，他們犯不着做這麼大場戲去騙我，更何況他都不知道我會投入多少。

「你輸咗幾多 ? 」

「十六萬左右啦 … 」

「 咁樣啦，我之前隻股票都贏到啲，我比番一半你啦  」

阿Sam聽到了，立刻插口 :

「洗咩咁姐 !!!!  都唔關你事!!!!!!!!!!!  佢自己唔使負責咩 ?? 」

「 唔係啊 !! 咁我原本係諗住報答黎架嘛 ,   唔係諗住靠害 ....」





「 咁鬼叫佢上一隻股票又唔聽你講咩 ??!!   你都講咗呢隻唔肯定架啦 !!!  好似我咁應該會揸住上一隻股票未放，而家應該執緊幾倍先至啱 !!!  」
 

我嘆了一口氣.....

我把自殺藥從褲袋裏拿出來，放了在枱面。

我將成個原本賭命的計劃都說了出來。 竟然這兩亳不相干的疊馬仔，會是這個世界上第一個聽到我坦白懺悔的人。

「 所以呢，我輸咗嘅錢唔係多餘錢黎架，係我條命嚟架，係我博左好耐追返嚟架 !! 」

阿Sam搖頭嘆了一口氣，閉嘴了。

「咁樣啦，阿楓哥。 你就唔好賭住先啦!!!! 就好似我之前咁講，我比番一半你啦。 最多呢排有咩路數，我全部益左你先，同你拍住做 !  ok ?你聽朝嚟呢度我帶你做兼職啦 !!!   我而家畀返八皮你，都係爭八皮啫 !!! 唔難搵嘅........唔使死嘅..........」





Jacob不像騙人............他還了我8萬，真的沒有必要。 如果說由始至終也是一個騙局，那有未免太牽強。 我又何德何能和擁有什麼價值需要做這大龍鳳?   更何況執行這劇本需要有兩隻股票大起大落的操控能力。
究竟我真的是一個投資的白痴，還是這世界最倒霉的人?
 
炒電池， 電池爆炸。 炒細股， 老細被肅貪。 炒歐洲基金，遭遇恐襲...............

「今晚有空嗎? 我們在老地方見面? 」 Katy 短訊給我。
 





我想起，我那樣回秀之:






「對不起， 投資失利了............今年我們去不到巴黎。」