30歲的最後一個月， 我成為了一個職業賭徒。: 第一章

 
我戴了那外表可疑的核突黑眼鏡進入店鋪， 門口有印巴籍的健碩保安開門，為了不讓他們緊張和懷疑，我趕緊單手除掉眼鏡放入衫袋，動作故意誇了一點扮一個自戀的大叔。然而，就只有這一瞬間可以偵察 !
 
 
真的有偷拍鏡頭，就在 C7-3, 中間偏左兩個iphone的身位。
 
糟了， 第一間就找到有偷拍鏡頭。如果他們這麼緊張的話，會不會特別留意市面紅外線眼鏡的款式 ?
 

「先生 ，請問想睇啲咩錶? 」店員是一個中年的四眼佬，他沒有斜視我掛在衫袋的眼鏡 ，我先當過關好了。




 
「我想要一隻計時錶。」 我不可以直接講出目標惹人懷疑。

「 有冇話想要咩錶帶 ? 鋼帶定皮帶? 」

「我冇咩所謂，靚就好啦 !」

「先生你除咗.............. G Shock ， 平日帶開咩錶? 」
 






糟了， 我忘記了除錶 。 這隻 G Shock 是秀之送給我的。


「平時返工襯西裝我會戴伯爵手錶， 放假就唔戴, 怕撞花。我想揀一隻鋼帶潛水錶， umm....但我老婆話唔好喎，佢叫我揀一款斯文啲嚟緊Daddy嘅酒會用。」 
 

我預先設計了情節 , 我是一個食軟飯的會計師，老婆嘅daddy 係醬油大王。

 




「哦~ 想要啲斯文啲嘅款係咪 ? 你等一等， 我揀幾隻比你睇。」


 
肉眼可見的閉路電視,  D1-7,   G6-7,   B5-6,  A5-7………….. 四部。
 
糟了，我又唔可以寫低，點記到 ??????!!!!
 
D1-7,  G6-7,  B5-6, A5-7…
D1-7,  G6-7,  B5-6, A5-7…
 
「先生呢款係白錶面藍指針嘅計時錶...................」
 
D1-7,  G6-7,  B5-6, A5-7…
D1-7,  G6-7,  B5-6, A5-7…




 
「係用我哋瑞士自家機芯，精準度達到符合天文台認證。」
 
D1-7,  G6-7,  B5-6, A5-7…
D1-7,  G6-7,  B5-6, A5-7 , 紅外線係C7-3
 
「自動動力儲存大約有48小時,總共用了500粒零件製造, 全部人手做, 螺絲係藍寶石珠寶。」
 
D1-7,  G6-7,  B5-6, A5-7 C7-3………..


「價值係24萬8千。」

 
我想講「先生你好唔好唔好嘈呀，尤其是唔好講數字得唔得?」






 
「先生你戴上手試下 ! 呢度有鏡! 」

 
「Errr……….. 呢款我都幾鍾意, 不過有冇啲特別啲? 因為我酒會帶， 唔可以失禮老婆。」

 
「啊! 呀特別啲 ! 得!! 你等我一陣! 」 他行開了。


 
試下group 埋一齊背：A5 D1 G6 同高度都係 7
B5 係 6





偷拍既係 C7-3
 
err…………..
 
乜嘢七話?  頂 ! 記唔到 !!!! 這樣更難記。
 

或者我可以send message 比老友, 但無啦啦鬼鬼鼠鼠send message, 應該會畀人懷疑。 不鬼鬼鼠鼠的話有可能畀人睇到內容，或者被拍入閉路電視，可能會成為證供。
 
其實不是真的這樣難記，但越緊張越記不到, 錯了會冇糧出或者畀人追究的。
 
 







任務難度敗給了大叔的記憶力？