30歲的最後一個月， 我成為了一個職業賭徒。: 第一章

 
這裏是一個離地的商場, 就像香港的 PP吧。
 
商場裏面就只有消費不起來的超級名牌。 一件男裝底衫也要七千蚊的那一種。
 
Katy帶我來到了一間cafe， 也是超級離地的那一種。 燈光以白色日光為色調， 整個店舖也是全白，白色的磚地板，仔細的白色咖啡桌和椅子， 一切就像barbie公仔裡的傢俬一樣。店員都看起來年輕和漂亮， 還穿著一點鐘像中古風歐洲僕人的制服。


我霎眼望了一望門口的餐牌， 一個high tea set 要 $500 以上,   她是故意約我在那位置等然後帶我這裏吧。
 






"呢間好唔好呀?  我想食好耐㗎喇 !!!!  "
 
我有得說不好嗎?

 
" 好啦, 你肯唔嬲嘅我又有咩所謂 。"
 
"真係既？？！!! "  她非常燦爛的笑。




 
我點了黑咖啡，我對甜品其實沒有興趣。

Katy 則點了綠茶和兩件 Éclair 。
 

"乜嘢係 Éclair ?"   這女孩竟然懂得說這個法文的名詞, 不得不令我好奇。
 
"閃電泡芙囉 !!"  她雙眼發光的說。
 




" 個名咁似比卡超啲friend 既 ? “
 
“咩比卡超呀 !!! 人哋有段故㗎 ! 係講緊因為太好食, 啲人好快就會食曬一件，好似閃電咁 !"
 
"你識法文? 你係 Mix ??”
 
“ 我唔識法文， 但係又超鍾意食嘢 ! 我既外公係葡國人嚟嘅，所以我有四分一葡國血統。你呢? 你係香港人?"
 
"係呀你又知嘅?"
 
"個feel囉 !  咁你黎做乜嘢 ?  公幹? "
 
" 我黎豪賭， 一係贏，一係死 ! “ 我笑著說。
 
"黐線 ! 鬼信你 !"





 
食物來了，Katy用手拿起其中一件Éclair 。
 
「你真係唔食? 試一啖丫 ! 」 她已經餵到我的咀邊。
 
我咬了一口，的確，這種甜味很有層次，有著各種心思的配襯，剛好中和了黑咖啡的苦，更特顯了香味。
 
她不介意我咬了一口，自己也咬了一小口， 然後一臉認真起來。
 
「究竟個涵係咩野黎？」
 
「朱古力同榛子掛。」
 
「呢個當然啦，但仲有d野既。」




她把剩下的半條再次再餵到我的咀邊，我吃了一口，然後她把剩下的也吃掉。
 
「係肉桂！ 一定係肉桂！」
 
不是吧，肉桂的味道這麼濃烈，我會吃不出來？
 
接著她再次很認真的研究menu。
 
「拿！真係肉桂呀！」她指著menu 說。
 
作為一個經常吃好東西的大叔，也經常品酒，味覺竟然輸給這女孩，當然叫人不服氣。
 
我從銀包拿出錢，交給她。
 
「頭先一路無機會比你，比左家用你先。」




 
「多謝。」
 
她沒有數錢，就直接把錢放了入手袋。 這女孩真的不簡單，恐怕不是一般的援交女，她旨在的，應該是一些更大的東西。
然而，我又沒有什麼可以輸，就只有那廿多萬和兩個腎。 我知道這種想法很危險。
 
「我可唔可以要求一d野？」她臉有難色的說。

「講黎聽下先？」

「我可唔可以再叫多d ？」她不好意思的說 。
 

我笑了笑。





 
「你咪叫lor !」
 
「真係架？你對我咁好？？」
 
接著她看著餐牌猶豫了很久，最後多叫了四種口味的Éclair，還有檸檬撻。
 
她真的對甜品充滿熱情，之後一說到這話題，說話的音調便高起來而變得急速。
 
最後埋單，當然比門口的tea set 貴得多。
 
也罷，有限錢，跟我要贏錢的目標差得遠了。
 
我問：「我地之後去邊？」
 
Katy 說：「差唔多晚餐啦！ 我帶你去食葡國餐！」
 
又食......?  這女孩究竟在攪什麼。