麥當勞 吃不到的快樂

講起麥當勞 唔使唸嗰腦即刻彈出 平 快 垃圾食物 兼職呢啲字眼 的確無可否認 但又有幾多人會唸起麥當勞曾經帶比我哋既快樂回憶
唸返細個嗰陣 我哋會因為經過麥當勞而扯住屋企人吵鬧咁手指指話要食 唔比我哋會詐嬌 可以就開心笑 嗰陣既快樂好簡單 單純咁因為麥當勞而期待
大個少少中學時期 當之無愧咁麥當勞成為咗我哋既首選 會因為少錢而選擇 亦因為唔限時任坐 可以同朋友一邊食野一邊高談闊論咁講夢想 嬉戲打鬧 亦因為想買野 拍拖去做兼職 為微薄既薪水而嘗試各自各種既第一次 嗰陣既快樂好簡單 我哋因為身邊既人而期待著以後
往前一步踏進大學 我哋開始接觸好多新事物 但有時仍不忘同啲損友去麥當勞坐低講將來 嗰時我哋不知天高地厚咁以為各自可以喺呢個世界闖出一片天 嗰時我哋有時會一個人去麥當勞 喺好頹但唔會覺得孤單 我哋會享受一個人既時間 嗰陣我哋仍可以於麥當勞吃得到快樂既滋味 因為我哋仲可以沉醉喺夢想入邊
終於進入社會呢個圈子 我哋要學識遷就 遷就其他人既喜好 遷就其他人既缺點以討好他人 要將自己包裝到成為呢個社會認同既人 喺呢個過程入面我哋開始迷失咗自己 然而偶爾心血來潮 想去麥當勞食返啲垃圾食物 入去點餐取餐坐低 忽然發覺曾經20蚊唔使既餐宜家加咗2成價 你會同自己講喺因為通脹 打開咬咗幾啖覺得好似有啲唔同 唔喺好味咗亦無難食咗 只喺覺得少咗啲野 少咗咩 唔知 因為好耐無幫襯過 食完坐陣走人 繼續戴面具返去開工 夜晚收工返屋企食飯 沖涼吹頭上陣網玩下手機 有啲悶 望下嗰鐘 算今日早啲訓喇 反正無野搞
然後返房望住上床塊木板 訓唔著 好自然咁唸下野 唸下今日食個餐麥當勞 先至發覺原來一直都喺一個人 好耐好耐無同啲舊朋友見面 拎起個電話 唸住約出嚟食飯傾下計 但個個都唔得閒 唔喺要開夜 就喺老婆唔比 再唔喺就空號 算喇出到嚟又有咩傾姐 hi 呢排做咩 月薪幾多 然後來來回回都喺講大家份工做咩 無人再講以前 以前 過咗去喇 嗰時大家各有各夢想 但喺真喺做到既就無 算喇 真喺過咗去喇 朋友亦是 夢想亦是 快樂亦是 
聽住出面既電視聲 好似聽到老豆同媽媽喺到講以前 傾啲咩 電視有啲大聲 我聽唔清楚 但喺 原來呢幾年我都無咩同屋企人傾下計無一起出街 返到屋企無咩話題講 聽住電視新聞既聲食完飯 咁就一日 我覺得好陌生 我變得好陌生 朝頭早照鏡個樣無變 但喺好陌生 點解會咁 以前屋企唔喺好多野講 唸乜講乜既咩 我唸返起以前拖住媽媽只手出街 我好怕醜覺得好瘀 喺街到同媽媽鬥氣 我唸返起以前好難得先可以食一次麥當勞 每次我都好開心 好多動作好多野講 我唸返起以前放學返屋企成日問媽媽有咩餸食 我中意食媽媽整既梅菜肉餅 蒸排骨 我唸返起以前問老豆同啊爺點解咁中意睇新聞 老豆同啊爺既說話 我唸返起以前好多野 但喺點解宜家會變成咁 唔重要 真喺唔重要 最重要既喺 我唔要再咁 我想屋企好似以前咁 原來人大咗真喺會變 變到成熟 成熟到自己都覺得陌生 我想遲啲同屋企人再去食麥當勞 希望可以再食返嗰種快樂 對眼有啲朦 望住上床塊木板開始變色 我唸我可以訓得入喇