我地係Twins: 我地係Twins 03

#我地係Twins·03

“救命啊博士！”
“阿Gill？咩事啊？我好忙啊依家。”
“我唔係阿Gill呀！我係阿Sa呀！”
“咪玩啦阿Gill，我真係唔得閒啊！”
“唔係啊博士！我真係阿Sa呀！”
“我……我都唔知點講啦！總之幫幫忙，過黎接我地啦。一場朋友，唔該啊！得你先幫到咋！”
“好啦。你位置係邊啊？”“係欣澳……”
另一邊廂，Gill已經通知了警方，等待救護車。





。。。。。。
。。。。
。。

“Bi....Bu....Bi....Bu....Bi........”
“弊喇！救護車黎緊，博士仲未到既？”Gill憂心如焚“陣間警車同救護車黎到同我地錄口供，應該點講丫？”
Sa則冷靜安撫Gill“嗱！陣間照同警方講，因為司機要避開冧樹撞到燈柱，我地醒左之後就報警就得啦。唔駛擔心，我地都係大家身邊。”Sa伸手握住本是自己身體的手，亦即是Gill，給Gill安心。
Gill聽到Sa的說話後，亦開始冷靜下來。





隨後救護車及警車都來到車禍現場，發現他們三人，救走司機前往急症室，而博士在Sa ，Gill錄完口供後到達。

看見博士後，‘Gill’問警方“阿sir走得未啊？我地仲要開工。佢係黎接我地架。”
阿sir看了一眼博士“橫風橫雨仲開工，做你地藝人真辛苦。”
“都係要有你地支持先行到落去”‘Sa’微笑回應。
“就得架啦！”“俾番張身份證你地先，仲有，我地係你地fans，可唔可同我影番張相啊？”
Twins有點愕然，係車禍現場合照？但很快便反應過來“梗係可以啦！”

。。。。。。
。。。。




。。

在阿博的車上

“博士你知唔知岩幾恐怖，一個閃電就係我地面前劈落黎，好彩避到咋！”
“仲有，岩岩錄口供，我幾驚講錯野，標哂冷汗，背脊濕哂啦！”
阿博剛開車不久，Sa，Gill就你一言我一語向阿博講述剛才的事情，可惜雙重奏下，阿博根本聽不到重點。
“停！我聽唔到你地講咩，你地可以慢慢講，其實唔急。”
Twins對望了一眼，轉頭繼續七嘴八舌向阿博描述所發生的超自然現象。
阿博嘆了一口氣，在Twins的音波功下無奈地駛著車前往他的研究所。