港女的校園生活: 和好？
Elaine媽咪就打電話翻學校同老師講，搞到好大件事，差啲連校長都知。
班主任要求佢哋兩個和好，但係咁樣係冇可能嘅事，因為Elaine啲脾氣無人頂得順。 結果佢哋兩個係啲老師面前就扮晒和好咁，實質上呢係水火不容。
佢哋嘅關係去到中四分班嘅時候先好返，佢哋各自分去F班同A班，但係因為佢哋兩個都修讀Bio同ICT，所以佢哋兩個又要對住大家。
由於Kitty係學霸，ICT大部份嘅功課啲同學都係問Kitty *參考*，所以Elaine永遠都係自己做功課，連真正嘅參考都冇。
中五嘅時候，佢哋嘅Bio老師要轉去其他學校教書，所以佢哋就同Bio老師搞咗個farewell party。呢個時候Elaine啲港女脾氣就出晒嚟啦！
大家諗住去燒嘢食，點知Elaine就話好熱呀咁鬼死熱仲燒嘢食。
大家之後諗住佢哋打邊爐，點知Elaine話人哋冬天先打邊爐架。
之後大家又話去唱K ,點知Elaine話咁多人迫係一間房度好焗姐。
結果Elaine提出去party room， 但係明明都係咁多人迫係一間房度，大家唔明唱K同party玩有咩分別囉！