最後一單大茶飯-修訂版: 第十三回-逃脫

店員開始嘗試驅趕人群。
好快，搞屎雄又落下指示。
 
店裡面，傳出一陣陣既槍聲。
 
我地已經戴好晒面具，匆忙咁入左去。
 
店裡面，並無任何一件光輝閃耀既金器，反而每一樣既物件都有個比人咬左啖既蘋果係身上，唔通依家一個比人咬咗啖既蘋果比果D價值高昂既金器更加值錢咩？
 
內心開始出現一絲絲既疑問，但唔洗一陣我就打消依d疑問，搞屎雄始終寶刀未老，畢竟佢當年係葉繼歡既幫手，葉繼歡背後既男人。




 
我又點可以唔信佢啦。
 
「J神已經將閉路電視打爛晒。」
「你地快D去樓上果櫃檯後面道門果度裝貨。」
「記得拎職員證先入到去。」
耳邊傳黎搞屎雄淡定既聲線。
 
岩岩好不熱鬧既光景，只淨番慘泣既喊聲，
都屈服於係J神既淫威之下。




 
係依個時候，佢都不忘擺出一個好形既「泡屎」。
 
「點呀，我形唔形呀？」
 
我都唔輸蝕將地上其中一個員工既衣領揸起，一手將槍口頂住佢果額頭。
 
「你張職員證係邊？快D攞出黎！哇做咩你果褲襠濕晒？」
 
「大佬，我…今…今…日岩…岩做intern就遇到d咁既事，好難唔瀨尿，我比張證你，你唔好話比人知呀。」




佢遞住張職員證比我。
 
「見你咁乖，我就唔話比人知你今日瀨尿啦。」
 
「多謝大佬。」講完依句佢就暈咗過去。
 
好快，我同小張就衝咗上去，J神就留係下面控制情況。
 
樓上係一片荒亂，
我同小張好快就控制好局面。
 
我用職員卡拍一拍門隔離果個裝置，好順利就入到去。
 
發現裡面有好多白色既包裝，當然都係充滿住果個被咬蘋果既標誌。
 




「咁多野，點知邊d樣值錢呀？」
我透過耳機向搞屎雄發問。
 
「有個8字既就係啦。」
 
「搵到啦。」小張唔洗一陣就搵到。
 
果然d貨既白色包裝上面刻咗「iPhone8」既字眼。
 
我地將依D貨裝入帶黎果六個大袋入面。
 
空空既袋，唔洗半刻已經裝到滿晒。
 
「D貸裝好就快D走啦，D死差佬就到啦。」
 




 
我同小張即刻將袋拎落去。
 
跟住將我身上果四袋其中兩袋比埋J神。
 
我地即刻狗衝走去。
 
「古明華佢地出門口啦。」
「收到。」
 
果然不出搞屎雄所料，係不遠既地方已經傳黎警車既聲音。
 
話咁快，古明華既車亦係此時到達，我地一個躍身，已經入晒車廂入面。
 
只見古明華將油門踩到底，高速離開現場。




 
警車並無追上黎，睇黎我地已經成功逃脫。
 
「雄哥話保險D，我去換車先，跟住你地分頭到安全屋碰面。」古明華講。
 
依個時候，我地臉上已經除晒面具。
 
係一個無咩人既地方，古明華將車停咗。
 
隔離係一d咪錶車位，泊咗幾部私家車，我地落住車。
 
古明華將其中一部賓士車啟動，我地將d貨放入車尾箱，佢就開車走咗。
 
「我地今次仲唔係做咗單勁野出黎。」我好自豪咁講。
「我都終於幫我老竇完咗心願啦。」小張臉帶喜悅。




 
只見J神都係悶悶不樂咁樣。

----------------------------------------------------------------------------------------------------------------



植入式作者的話:
小弟平生無咩叻，最叻係道FFd故仔，
如果鍾意我既作品，歡迎黎我既專頁 ​
https://www.facebook.com/graylittledog/ 
比我一個Like，比我知道你既支持，比我有更大既動力去創作。

想睇我其他作品，或者想追故仔最新既動向可以去依道
https://www.shikoto.com/author/11830/%E7%81%B0%E8%89%B2%E5%B0%8F%E7%8B%97.html