最後一單大茶飯-修訂版: 第九回-老賊

「我終於可以休息啦！！！」
J神講完依句野，就失去意識躺係地下度。
 
「好啦，底褲佬你既職責就係睇住個場。唔好比d人係度亂咁郁，人地一郁，就兇佢。」
 
「依家比你試下。」
 
「好呀。」我跨過j神。
 
我拎把槍大叫︰「依加老笠，你要底褲，定係要比晒d錢我。」




 
「Hi，錯晒。」搞屎雄好激動咁樣。
「唔係咁樣咩？」

「唔怪得你做左十四年賊，都仲未比人捉啦。」
「唔係因為我勁咩？」
 
「根本就無人當你係賊。」
「點會呀！」
 




「佢地當你係只要底褲既痴漢。」
 
「唔講咁多啦，等我示範下先。」
 
搞屎雄搶咗我手上把槍。
 
佢首先收埋起把槍。
「哎呀。」一腳踢開左偽毒j神。
 
老賊老笠既台詞究竟係咩呢？




「舉高雙手，洗咩怕羞。」
 
原來依個就係搞屎雄既老笠專有台詞。
 
係裡面有些少含蓄，含蓄得黎，又唔會離題，既表達左自己想老笠既意圖，又唔會失禮。
 
果然係賊界老屎忽。
 
「hi，你依家係到開show定老笠呀。」
偽毒Jason又充滿生氣。
 
「緊係直接舉高枝槍未得囉。」
「係喎，咁簡單我都諗唔起。」
我講。
 




「考下你地姐。」
搞屎雄面不改容咁講依句野。
佢果然係一個江湖老手，不但經驗老到，仲會考驗d後輩，比後輩學下野。
 
「搞屎雄，我好感動呀。原來你係咁識為我地依d後輩著想。」
「哼，你知就好啦。」
 
跟著，我地又繼續我地既訓練。
 
漸漸，我既槍法越來越精準。
800米既地方，我都可以射得中。
 
發現連射既時候，係另一種境界。
強勁既後座力，不斷衝撞我既膊頭。
每次練習完之後，我果膊頭，都會有隱隱約約既痛楚。




 
但慢慢我已經習慣依d小痛楚，如果係射擊既時候，連依d小小既痛楚都無法忍受，好容易會影響到射擊既狀態。
 
其他人係依方面既練習都唔錯。
除左，
偽毒J神之外。
「砰！」槍嗚叫一聲。人又倒下黎。
「hi，你地點解可以射得咁好既。」
「hi，我個膊頭好痛呀。」

小張走過黎關心佢。
 
「J神，你無事？」
「我無事呀，小張。」
J神岩岩既一口爛嘴，同佢既臭到無法可形容既牌氣，頓時收起晒。




「不如，你試練下其他槍先啦。」
「唔晒啦，我練依枝未得囉。」
 
「唔得，如果你到時候，仲係未能夠控好枝槍既話，不但危及到自己，更係可能會危及到同伴。」
 
小張原來都係一個俠義子女。
 
「咁，好啦。」
「j神，你等我一陣，我先去同雄哥講一下。」
小張離開左一陣。
一下子，又番左黎。
 
拎咗把黑色手槍。
我feel到偽毒J神既自尊心，係到發出悲哀既聲音，塊面變得越黎越黑。
 




「雄哥話佢之前咁岩買槍有優惠，送多咗枝手槍。」
「依把叫glock18，佢可以揀全自動同埋單發既模式，雖然佢只係一把手槍，但係佢脆弱既外表下，威力係不容小看既。配上大彈庫，係自動模式下佢既威力可以比與一把衝鋒槍。」
 
聽到小張既描述，j神既自信又好似番晒黎啦。
 
「小張，你放心啦。」
「我一定會盡我全力練好依把槍咁，唔會比自己傷害到自己，最重要係唔會傷害到其他人。」
 
「一言為定啦。」
自此，偽毒J神好似變咗另外一個人咁。
 
可能係比小張既激言語，將佢內心既小宇宙爆咗出黎。
 
----------------------------------------------------------------------------------------------------------------
植入式作者的話:
小弟平生無咩叻，最叻係道FFd故仔，
如果鍾意我既作品，歡迎黎我既專頁 ​
https://www.facebook.com/graylittledog/ 
比我一個Like，比我知道你既支持，比我有更大既動力去創作。

想睇我其他作品，或者想追故仔最新既動向可以去依道
https://www.shikoto.com/author/11830/%E7%81%B0%E8%89%B2%E5%B0%8F%E7%8B%97.html