屍殺大廈: Ch.12
「就呢度喇！記住呢度新嘅避難所……12樓05室」達叔說
當全部人進入時，肥雪便大力地關門
「究竟頭先發生乜撚嘢事！條友點解變撚咗殭屍！講啊！」他衝向啊文面前，扯着他的衣服
「雪！」達叔嘗試喝止，但不能
「嗚…嗚…嗚…嗚」啊文開始哭「我……我唔知呀……個日……個日佢夜晚返嚟已經……已經死死下……嗚…嗚…你唔信……就問啊命喇！」
「你講！」肥雪指着我
「我……我都係開門畀佢，佢嗰陣已經奄奄一息……跟住佢哋兩個入咗間房……」我並不想說下去，因為始終是他們倆的私隱。
「你入咗間房做乜撚嘢啊！」肥雪拿起小刀
「哈哈哈哈哈哈哈哈……」啊文突然傻笑「冇啦…冇啦…佢變咗殭屍……我繼續生存都冇意義」
肥雪被啊文的反應嚇呆了，他慢慢放下小刀，向後退步。
「嗚嗚……」他又哭「你哋殺咗我喇！」
「達叔……想問下口水同口水接觸會唔會傳染病毒？」我在達叔後面細聲地問
「呢曾……」達叔猶疑起來
「係啊！我同啊迪係同性戀者……我哋 gay 架……哈哈哈哈哈！」啊文就像精神分裂一樣
「我講個秘密畀你聽啊！」啊文走到肥雪耳邊。這也是我第一次見肥雪怯。
「喺啊迪就嚟變殭屍嗰晚，我哋……我哋打茄輪！」他望了望小纓「知唔知咩係打茄輪啊！哈哈哈哈…」他走到小纓面前，小櫻退後。
我便想『如果依家佢突然屍變…咁我哋咪一鑊熟…』突然啊文站在我後面……我吞一吞口水……
「做咩啊？驚我變殭屍啊！哈哈哈哈哈哈……快架啦」他面對着我
此時，達叔向我打眼色，隨即在啊文後面使勁地把刀柄揮落啊文的頭上，啊文隨即暈低了。
「你做乜撚嘢啊？殺咗佢啦！你扑鳩佢托柒咩？」肥雪扮十分客氣的語氣問。
「我哋都唔知口水會唔會傳染…」坤仔對着肥雪說
「啊四眼雞丁！如果佢屍變係咪你畀佢咬啊……」肥雪繼續以“客氣”的語氣問
「咁如果冇呢？頭先如果唔係佢幫我哋……我哋早就畀殭屍襲擊啦！」那師奶說
「啊姨姨……你答乜撚嘢嗲啊！返屋企瞓啦」肥雪說
「得！你哋唔好嘈！」達叔又在主持大局「四眼仔，啊命！攞麻繩綁住佢！其他人休息下先……啊文單嘢一陣先搞！」
就是這樣，啊文被捆綁著，並把他鎖在房間裏。眾人也沉默了，環境十分寧靜。