屍殺大廈: Ch.9
「嘭…嘭…嘭…………嘭！」
門被撞破了！我便揮下鐵管，那人即時阻擋…
「啊命！係我啊！」我聽到後便慢慢放下鐵管
「你係？」我感到奇怪
「啊文呀！我哋係1020見過架！」他似乎嚇壞了
「哦……你點搵到我？」
「吓…啲線索唔係你留低架咩？」
「咩線索？」
「啲水線囉…好似啲狗喺到屙尿咁…」他面無表情
我看看地下，然後再看我的褲…原來剛才跑的時候……我驚到賴尿…
「依家返去啦！」我慢慢地把手遮住那位置
好運地，在回1020的時候，並沒有甚麼突發事。
「啊命！你冇事啊嘛？」一開門，啊坤便問。
「咦…你都幾命大架喎」肥雪說
喺呢廿幾年，我都聽過呢句話。唔係話讚自己，但係我覺得自己都幾命大，可能係個名嘅問題啦---命。
「啊迪呢？佢唔係同你一齊架咩？」達叔問
「啊迪仲未返咩？我哋分開咗行……我諗佢應該返緊嚟」啊文答
「飲杯定驚茶先啦」小纓遞給我
「唔該」我說「達叔……你知唔知邊個識得茅山術？同埋…你知唔知點解無端端有殭屍？」
「茅山術？唔知喎。我淨係知未有殭屍個日仲好地地，瞓咗個靚覺，然後想出去個陣，先知大廈鎖住咗，好多人都聚埋喺個到。」
「點解有殭屍……呢個依然係個迷…」小纓說
「唔好講呢啲啦！我哋瞓返個靚覺，聽日有排捱。」達叔勸道
「捱咩？聽日做咩？」我有不詳的感覺
「聽日你咪知囉」小纓對着我微笑
那笑容充滿了邪惡，詭秘。我不再去嘗試猜測聽日會做甚麼，但剛才的事卻令我大惑不解。
『點解佢仲未變殭屍？佢唔係畀殭屍咬咩？』『唔通…佢真係識法術？』『話唔話畀達叔聽好呢？』這些問題不斷在我的頭裏，令我難以入睡。
到了凌晨突然有人敲門。我就躺在梳化，我望望四周，他們都熟睡了，唯獨是我失眠。於是我行到門前，從那門的「貓眼」看到底是誰……
「啊迪？你去咗邊啊？」我開門
「無嘢」他氣息十分差
「你冇嘢呀嘛？面青口唇白咁嘅」我擔心
「啊文呢？」他已經奄奄一息
「啊迪！你返嚟喇？！」啊文突然從後行過來
「入房！」啊迪和啊文從房間的方向去
我便回到梳化上，然後不覺意聽到啊迪和啊文的對話……