[科幻．穿越．愛情]失戀第20次的平行世界: 1.失戀的晚上

我叫文軒,啲朋友嗰個都叫我煙仔

我今年19歲，中四輟學走去學人做洗頭仔。 成日幻想自己1米8，金城武咁嘅樣，而事實係我1米67，好彩個樣勉勉強強都拉得上靚仔兩個字。
讀書唔掂，運動唔得，唯一令我感興趣嘅嘢就係打機，同埋溝女，但我只享受溝女嘅過程，即係嗰種就溝到手，曖曖昧昧嘅感覺

我輟學嘅原因絕對唔係因為有啲咩夢想，而係因為想日日出街玩，日日瞓到黃朝八晏起身打機，所以實際上我係一個廢青。

「喂，呀明 我又失戀啦，我計過今次係第20次！」

「哇，咁你咪應該好撚自豪囉衰仔！」呀明諷刺咁講

「老地方見，唔見唔散」我用以往懶係無事嘅語氣話

呀明係我小一同班一路升上中學嘅朋友，當然佢中六畢業，仲好成功入埋大學。

「點呀你，我都未到你就飲到關公咁嘅面口」呀明搭住我講

「無事，失戀失到麻目曬啦！約你出嚟係慶祝」

其實又點會麻目到，我每次失戀都係俾人飛嗰個，好彩嘅就話性格不合，唔好彩就成頂帽笠到落腳。

佢好無奈咁話「唉，識你咁多年，你有邊次唔係咁講呀？」

「唔好講啦，飲啦！」

我邊講邊拎出褲袋中嘅紅萬

邊點火就邊講「食埋哩包煙，我就忘記咗佢！」

「唉，唔好食咁多啦」

「你唔明..你地唔會明....第20次啦」我吐出一口煙說

「係啦，我唔明...飲啦」

「今次我真係好愛佢，我對佢做嘅嘢係未對以前嘅女朋友做過架，」

然後成個夜晚我就對住呀明續個女朋友數佢地嘅缺點，煙駁煙，酒駁酒咁講咗一晚。

「好啦，食埋哩一支孤獨嘅煙,我就會忘記咗佢」

而食完最後嗰一啖煙，我就隨住酒精嘅催眠，慢慢瞓咗。