遇上妳3次

「你是一個好人啊！」全故完。

吓！頂你啦又sad end！咁快又完故啦，咁又追完一個高登故啦，唉幾時先到我有女朋友啊唉。每日睇住呢啲高登故不斷ff自己有女朋友，但係日復日自J嘅生活令我明白到女友係遠在天邊近在眼前，只不過從來冇我份啫！！！

唉！ 唉算唔理啦聽日仲要起身返學，而家都就四點啦快啲去瞓覺同周公傾下偈好過，聽日聖誕聯歡會要盡情狂歡呀呀呀！順便問下班智障朋友聖誕出唔出去玩free hug先。

「怪那一位安徒生，故事編寫得太動人......」， 頂好似冇訓過咁添 ！算反正返埋今日終於放聖誕啦，今日就唔同你計住 。返到學校係tuck shop就見到我個智障嘅朋友，佢哋一見到我行緊過去就大聲嗌……

「 火車頭呢邊呀！」， 係喎我仲未介紹自己，其實呢我就叫林政華，係一個中五生。我呢樣就一般般而且身型就偏廋但係呢我就有人哋引以為傲嘅188身高， 所以話呢上帝做人就真係無人完美嘅，完美嗰啲呢通常都去過韓國旅行。 去韓國做咩？你懂的。 至於點解佢哋叫我火車頭呢，就係因為我細個太鐘意睇thomas，然後就都係你懂的啦，所以佢哋就乾脆叫我做火車頭喇！






希望大家可以多多支持我！我會一直keep住努力出文㗎💪