[少年監獄] 感受沙咀: 媽媽的母親節

中風 , 是一種看似距離你我都遙遠的疾病。
其實不論年齡，性別，只要你血管差，身體差，日常飲食重口味，肥胖等等， 都會有機會中風。
媽媽的中風，發生得突然，而且來得很早。
四十五歲的她，那一晚變得半身不遂。
我驚慌地擱置了一切，喊了成晚，才醒悟起有些東西真的在流逝著，倒數著。
有些東西就是不會等你。
人就是奇怪呢，總是在出事的時候，才會突然變成那方面的專家。
中風是什麼？
簡單啲講就是你的身體差，情緒波幅大，搞到腦部爆血管或者腦缺氧，整死了控制身體的腦細胞或者神經，於是出現半身不遂，口齒不清，控制唔到身體等等等等身體異常的問題。
而中風後的病人，最需要的就是盡快企返起身，做康復治療。




因為這樣才有助腦細胞再生，手腳回復。
理論上，中風後的半年，是黃金康復期，在這康復期內能康復幾多，就是幾多，甚至在中風後的第二日，若然情況許可，都可以立即進行康復運動了。
但係，這是一個打擊，亦是一場災難。
想咁快企起身？ 談何容易。
這種無力的折磨，真的會讓人不禁想放棄，更何況她只是一個四十五歲的母親。
開頭嗰幾日，看著媽媽佢萬念俱灰，口說尋死，活動不再自如，食的猶如狗飯。
我真的恨不得我去代替她受這些罪。
於是，我唯一能做的，就是在旁哄著，安慰著，忍著淚水說著那些我都不肯定的說話：
"你會好返的，只要你振作，沒有什麼是不可能的。你會好返的，媽。"
我開始有些體會到沙咀嗰陣, 媽媽坐係我對面時的心情了。




我好怕，我會失去她。
「仔。。。我活得夠耐了，不如就咁比阿媽走啦好嗎？ 我好辛苦，我乜都控制唔到，郁唔到。。。呢到啲飯又唔好食，我唔想以後都做個廢人。。。嗚。。。」
望著以往堅強的她，只能在床上哭紅眼睛，求著我和爸爸要我們放棄她。
我只覺得好難受，這些身同感受的挫折，這些突如其來的意外，總會讓人傷心欲絕。
加上面對難關，人就一定係下意識，想放棄的。
懦弱，害怕，無力。
不知怎的，看著崩潰，絕望的媽媽，我就好似望到沙咀時的自己般，都係咁無助，都係咁絕望，都係想就咁放棄自己，就咁死咗去算數。
人在低谷，要爬出困境，是多麼的困難。
除非你係個奇人，否則，要自己爬返上去的話，需要多少力量和勇氣？
自己一個，根本做唔到。




所以這次，到我扶你起身了。
畢竟只有堅持和面對，才能有機會看到未知的明天, 對吧？
「唔會嫁媽。。。唔會，我地唔會放棄你，我唔想咁快習慣無咗你嘅日子，我仲想食你煮嘅餸，我仲想。。。。。。 所以，堅強啲好嗎？ 就當為左我，為左老豆，再努力多啲，好嗎？ 今次，輪到我陪你了。」
就如沙咀的時候，互相撐著，扶著，這樣才是一家人應有的樣子。
之後，我倆母子大概消沉了二三日吧？
所以話呢, 不虧是我阿媽呢。
那幾天說了不知多少肉麻說話，佢終於下決心，要企返起身了。
佢開始勤加鍛煉，進行復健。
我亦周圍搵辦法，了解資訊，準備健康食物，安排針灸等等等等
就這樣，二個星期，佢企到了。
三個星期，行到了。
四個星期，可以自己去廁所了。
一個月，兩個月，三個月。。。。。。
那麼，今日適逢母親節，有啲咩嘢應景嘅事可以做呢？





好似無呢。

哈哈。

要滿足媽媽的快樂，我總覺得好易做到。
況且奇跡，就是會發生在默默努力的人身上啊。
現在阿媽佢已經可以行得走得，食得罵得。
雖然未跑得，但媽媽黎緊嘅願望係想返鄉下探公公一次。
回望過去，那幾個月中風的日子認真難過。
但宜家諗返又覺得，哎，撐撐下又撐過咗，我仲可以奢侈啲乜呢？

至於今日,
講真啊，我就唔係個特別孝順的孝順仔，今日都只係買買菜，同佢一齊煮返簡單一餐咁。

但難得母親節，唔做啲嘢表示下?





母親節禮物？
哈哈， 咁多餘，一早買左個血壓計俾佢啦。

講句母親節快樂呢?
使乜姐, 只要我開心地活著, 多啲陪佢, 佢就日日都咁快樂啦.

至於母親節願望呢。。。。。。

「食飯啦」
「嗯，黎啦。」

我嘅母親節願望，就係希望以後的母親節，都可以同你一齊過。

多些，陪她吧。





祝天下母親，

不只是母親節快樂。


























































「過黎未啊？ 再唔黎我倒曬佢啦。 」
「得啦得啦，宜家黎，哇媽，咁鹹嘅？」
「咦係咩，我又落重手咗啊？」
「又無壞嘅。。。食其他，我食其他。」

哈哈。