[少年監獄] 感受沙咀: 38.落night
靜坐完後, 我一邊磨鞋,一邊考慮這個大事
等陣先, 其實其他人有無試過係沙咀落night呢?
我回想返一些關於"落night"二字的記憶, 印象中係一年班既時候, 我的確有聽過培傑同阿代有傾過一啲咩關於"落night"既話題, 佢地笑笑口咁講過話咩"今晚去培訓, 順便落埋night先"之類之類
我頓時心中一驚, 這麼說, 係沙咀落night並不是沒有可能的啦?
於是, 我整理了一下思緒,開始一步步計劃如何落個靚night
首先, 落night行動時間, 一定係夜晚在倉內的時間
其次要考慮的, 係阿sir, 夜更當更的那個阿sir
如果係戈sir,或者係一啲其他麻煩既阿sir返夜更, 那麼我一定要避免在那晚行動
但係我點先可以知道呢?
啊係啦 !
阿大負責keep住既果張更表呢? !
有左果張嘢, 我咪可以知道呢方面既情報咯 !
這麼一來, 最困難的那部分似乎都迎刃而解了, 嘿嘿嘿嘿嘿....
我得意地自己默默淫笑起來, 嚇怕了在附近既其他人
「哇...肥衡你笑到咁撚戇鳩做乜? 諗咁衰野?」
武傑在旁笑道
「你就ON9啊屌你」
我立馬回擊
「屌我都見到wor, 肥衡你頭先發呆都算啦, 仲要笑到咁既柒款, 發緊春夢啊?」
哇屌, 諸仔呢句直接道中了我既內心,讓我暗吃一驚
於是我立即掩飾,先講出荒誕既真相,再加一個合理既謊言
「係啊, 我叫埋春想落night添啊...太攰發下呆都唔得咩,屌你地..」
「哦, 太攰咋..日日燙下衫, 企一企都覺得攰 ? 咁返大棚步操咯, 日日係太陽下面left right left , left right left ..」
諸仔邊講邊模仿埋戈sir帶步操既號令,古靈精怪
「哈哈哈..你又扮得幾似wor..哈哈」
我地四人噗嗤一下笑左出黎, 個beat又真係模仿的維俏維妙
「喂喂喂諸仔, 試下扮左班YA個周sir.把聲好鬼乸型果個呢」
武傑提議道
「哇你呢個受訓生啊, 居然笑阿sir乸型 ?」
不過諸仔都立即周sir上身咁款,拍左拍武傑既頭, 然後繼續搞怪道
「S~」
「S~ ~ ~」
「S~ ~ ~ ~ ~」
「哈哈哈哈哈......」
我地立即哄堂大笑
因為周sir嗌我地S既時候, 的確會將S呢個音拉長, 並且用佢乸型般既聲線加以轉音返幾個層次
於是周sir嗌出既"S", 充滿魔性
而頭先諸仔又的確扮得好鬼似.所以我地都笑曬出黎因為真係好撚好笑
比著我一年班既時候, 我根本想象唔到會有大膽在倉內恥笑阿sir既一日,
那麼鬧劇便隨著磨鞋既時間而結束了..
頭頂燈光一熄,
但我心中的性慾仍未熄滅
我繼續考慮我既落night作戰
時間雖然一定係夜晚, 但幾時呢?
恩呵..首先一定要同倉既其他四人訓曬先啦...其次一定要計啱夜更阿sir上黎督鐘既時間間隔
(返夜更的阿sir, 其實係需要每隔一段時間,就要行去倉內既一個鐘位到督鐘, 如果唔係既話就會響警鐘, 好麻煩)
所以今晚我就要知道, 夜更阿sir督鐘既間隔時間,因為果段時間就係我既行動時間
場景佈置呢?
啊 ! 其實我唔使太擔心, 因為C2樓梯既關係, 我應該都有充足時間收拾現場
但係為免自己會聽漏樓梯聲, 一於行動既時候, 訓落地下, 然後頭向樓梯方向吧
又決定了一個重要細節, 接下來應該準備物資吧 !
但其實......男人打J, 真正需要既物品, 只是一張可以攞黎接住精液,同清理乾淨既紙巾姐..
我望了望自己廁紙筒內尚餘大半卷的廁紙
嗯嗯..非常好, 物資準備就緒 !
咁仲有啲咩係我需要考慮在內既呢....
啊係啦....我應該黎啲咩黎J呢?
出面就話有AV陪伴姐, 但呢到...
哎算...唯有依靠以前累積下來的美好回憶黎FF
但真係....哈哈,真荒唐呢...
那大概係我一生人之中, 最認真思考如何打飛機既一次
隨後我一邊摺毯, 一邊靠在鐵閘門口, 開始等待
撻撻撻撻...
夜更的阿sir上了來督鐘, 然後我係佢督鐘的那一刻,開始在心中計時
一秒..二秒...五秒....
一分鐘...二分鐘....五分鐘....
十分鐘....十五分鐘.......
噠噠噠....
夜更sir再次上來C2督鐘.我亦停止心中計時
差不多二十來分鐘
夜更sir的督鐘時間間隔係二十分鐘
非常好...時間尚算充裕..
宜家連行動時間都清楚曬
萬事俱備, 只欠東風
訓吧 !
一覺醒來, 來到第二日
回到洗衣後, 我偷偷摸摸地趁其他人唔留意, 拎起了更表board檢閱,阿sir們的編更
原來今日夜晚, 係豐sir夜更
太好了 ! 因為豐sir都算右更入面既好人之一, 而且佢返工對我地好隨意, 步操摺毯什麼的,試過比佢帶過一次, 反常地佢居然仲check得 hea 過左班. 所以我一直都對佢有好印象, 佢係果種"我都知你地平時巴嫁啦, 所以今日我帶, 你地就輕鬆啲啦" 的那種阿sir
擇日不如撞日, 就今晚啦
於是我興奮地令時間立即跳轉到夜晚
夜更sir宣佈靜坐,
不出我所料, 果然係豐sir當更
磨鞋,
熄燈.
我故意放慢了自己的摺毯動作, 等其他人全部整完睡去後, 我才施施然摺好最後那件外套
為求萬無一失, 我仲偷偷地去了他們床頭,確認他們有沒有失眠
呼呼~~~zZ
嗯嗯..太好了, 全部訓到好似豬一般打著呼嚕
我深呼吸了一口氣..然後抽出一把廁紙, 收埋係床上的毯下
行動即將開始
我在心中預練了一次等陣的行動內容
噠噠噠.......
豐sir上來了 !
我立即趴在地上開始做sit up..扮到我真係好似一個加強緊體能訓練既乖仔般
豐sir上來後望了望倉內的我
「哇, 咁努力既? 操還操, 唔好操太夜啦」
豐sir鼓勵說
「Yes sir」
我亦笑著回應,我又的確係努力既..
然後豐sir督完鐘,落樓
噠噠噠.......確定落樓梯的聲音結束後
我立即褪下睡褲和底褲褲頭, 然後坐在地上
「哇屌..好撚冰 ! 」
由於係冬天的關係, 腳下的石泥地冰冷得讓接觸的屁股起曬雞皮. 差啲冰到我鳩都縮埋
仆街，行動出現意外添
但坐床既話, 又好易俾其他人一醒就見到wor…
啊不如
我靈機一動
立即將一張毛毯對折了幾下, 然後鋪在我床邊的地上
啊哈 ! 掂啊 !
我右手拎出頭先事先折好同收埋既廁紙
一副左青龍, 右廁紙既悲壯模樣
這一刻, 我不禁在心中感慨...
點解我打個J都要打得咁隆重呢...
事前準備好的東西, 在這刻完美搭上了時機
於是我開始順從慾望既驅動,
左手不停抽動.心裡拼命幻想出種種色情...
不停地刺激著自己, 不停地觀察著周圍
其實, 那晚我並不享受
時間既壓力, 令我邊打邊留意住門邊既動靜, 而且我仲不時回望倉內其他人的動靜
過程, 並不輕鬆.
但點都好,最後我雙腿一緊,終於射出了久違的白色液體...
我用紙巾接住, 一望,量的確係十分之多.
隨後我享受著本能的快感背靠墻上, 進入了賢者時間
我乜都無曬興致, 乜都唔想做, 只有一種純粹的身體快感,充斥住全身
舒服...身體上, 的確係十分舒服..
因為打J本來就係一件舒壓的事
但我心中卻有股懊悔開始放大..
我只是在不斷反問自己...
我到底係到做乜鳩 ?
點解我入到黎, 都仲會做呢啲嘢?
望住自己宜家咁既衰樣, 一股無解的後悔, 湧現出來
屌...
我到底係到做乜鳩 ?
但時間差不多了..我用紙巾收拾了現場, 然後丟入了廁所入面
噠噠噠.......
豐sir亦準時地上了來C2
我在門口舉起手
「去廁所? 去啦.」
「Yes sir thank you sir」
等豐sir走後, 我行入廁格內拉了拉水制
噢隆隆隆....
強勁的水流, 沖走了證據和無數的生命
這樣一來, 我就不會夢遺了吧......
我安慰著自己, 趴回床上.睡吧
.
.
.
.
.
.
不知不覺,二年班的生活已經過了二個星期, 下個星期就係農曆新年了
但想不到在新年前夕的幾天, 我地竟然又被人搏衰.
仲要係不停地, 瘋狂地搏衰
是誰呢?
猜得無錯...又係莊逆天
「全部人, 六聲, 袋鼠跳, 四聲, 掌上壓, 六聲 前弓後箭, 各二十組 , 屌你地老母今朝如果做唔完既, 咪撚食妹啦 ! 你地閪冧啊嘛 ! 一年班又係咁, 二年班又係咁, 三年班都係咁 ! 你地閪多啲啊! 做 ! 」
「Sorry sir !」
雖然我們大聲回應戈sir的責罵
但我們心中都同樣充斥怒火, 餘光狠毒地射向某個姓莊既仆街
因為佢又搏衰左我地S一鑊了