[少年監獄] 感受沙咀: 20. Recall

早上,慣例的強光
這是我萬念俱灰的一天
嗌完醒神對話
嗌完Yes sir thank you sir
進入早上既一小時摺毯趕命環節
我望左望床底既擺房和磚頭

毫不意外,又被阿勇揚Q曬

但我竟然不生氣,明明岩岩訓醒,但心和身,都好似無力了一般




我開始對乜都無所謂
摺咯,值日照做咯
你咪繼續蝦我咯
反正,我已經沒救了
所以今早的下場,

我被秋sir大屌了一餐, 然後找了十多板手掌.之後仲要罰埋揹毯.
捱痛受苦之餘,我既心都係覺得,無所謂
我望左望阿勇既竊竊偷笑,心諗,這應該就是你想見到的畫面吧
「傻仔,我咪同你講過唔摺得咯,你仲要摺出黎逼我揚曬佢, 呵呵」




「我知啊,我知道呢個牌頭,但我問過其他新人組,人地既培訓都比佢地留擺房同磚頭,係你,要渣正黎做咋嘛 」

我淡淡說出,撕破他的林林正義.
「咁我唔知啦, 鬼叫你乞人憎咩」
我不再說話,的確.我唔值得人喜歡我
「仲有啊,你唔好以為得呢啲濕碎野, 代價未完嫁 」

說罷,他留下一抹邪笑,然後回應阿sir的召喚,出了倉返回大棚
而我地新人組就先在B座大廳集合,
由於今早既陷害，我被秋sir罰了要揹毯,全日要雙手揹住自己既毯包袱.




所以無論步操又好, 去到邊又好,左班的今早,我都變得相當難堪
因為當其他人正正常常,而你卻要揹住個包袱時候, 果種感覺真係覺得自己柒得很突出
幸好的是,今天是星期日
我揹住包袱,跟著隊伍入了飯堂,然後聽從秋sir指示先放下毯在飯堂角落,再繼續飯堂的演練
到埋位既時候,我仲要被秋sir罰企起身食飯
今朝,係沙咀獨有既早餐
黑椒牛肉球
濃濃刺鼻的黑椒汁,和一個半個拳頭大細的牛肉球加幾條菜
另外當主菜係牛肉球的時候, 係開飯前,要先將牛肉球十字界開成四塊先的
不過,我無食慾
白飯落肚後,飲完茶麥的茶,已是我今早的極限
出了飯堂,籃球場旁邊的半邊有蓋空地,已經擺放了多張木製長凳
大衛Day的今日, 係休息日,所以唔會點操練的
於是今日既節目大部分都係坐係個長凳到磨鞋,然後下午去寫信
不過我今朝衰了摺毯,所以我要係長凳後面的空地比Recall教摺毯





過來教我摺毯的,是陳大文

我地一路摺,一路細細聲吹水
反正都無聊的,而且大棚的其他人都到了這個空地,所以沙咀全部學童,都聚集在這裡

「你試下呢到咁摺啊嘛, 對齊啲個位,大力按落去按條mark出黎再對折.」
佢好比心機教,我都好比心機學

然後,算是教完了吧.
「咁教完啦,等陣舉手報,就話同sir報我新人組學童完成摺毯訓練..不過等陣先啦,我地扮下野餅多陣先」
不愧為受過沙咀的Recall.果然有啲本事,清楚咩時機適合餅

「啊係啦,你都係S嫁嘛?」大文問道





「恩係.」
「算好啦,我都係S, 戈sir同君實sir好好人嫁,你唔做錯野基本唔會搞鳩人,唔似J乜鳩都要操.」
「最好係啦...」
「做咩啊? 好唔開心咩?」

「呃....」我既情緒真係寫左係塊面到,咁易比人睇穿?

「有啲...我既培訓咯...」我同大文,說出了阿勇同我之間既情況.

「條仆街咁撚閪既咩? 睇左你地幾日,你都算係乖醒目果類啦, 不過佢三年班..你好難同佢鬥既...忍下佢啦」
「但係佢宜家話,話落左山都要搞鳩我...」
我委屈說道

「恩.....咁同阿sir講咯,話我培訓蝦我,不過唔好同秋sir講,秋sir唔中意呢啲野發生.等陣右班,我記得係楚sir,楚sir都唔錯嫁,你話,同sir報,我新人組學童有事搵楚sir. 咁阿sir就會同你私底下傾嫁啦.」





「噢 ! ..多謝你.!」

我好似發現了一線生機般.

「哎,肉麻野唔好講,過到呢關既, 你仲要捱好耐嫁, 同埋屌你真係減下個肚腩啦, 無論係戴sir定紅sir都被你激到扎扎跳, 每次同你地新人組PE都要做到幾組既.哎~」

「Sorry...我會努力嫁啦..」

「哈哈, 你係先好講啊.」
「咁你呢? 點解會被Recall既? 其實Recall 係點Recall 法嫁?」

「你見過跟你既沙展主任未啊?」
我回想返第一日,同我係冷氣房見面，印象唔算深既果兩個唔著軍裝的阿sir
一個叫偉沙展, 一個叫張主任





「呃,見過,偉沙展同張主任」
「你既沙展主任,就係幫你處理入左沙咀既時候,出面你既野既,比如聯絡你屋企人呢啲,仲有係當你出冊後, 個監管令就係呢兩個人睇住你嫁啦, 有一條宵禁,要夜晚11點前返到屋企, 我就係衰呢條入返黎咯」

「下? 咁佢地點知你有無返屋企嫁?」
「佢地會打電話上去你屋企要你聽, 又或者會突擊檢查你屋企,上你屋企拍門叫你,睇你係唔係到咁.如果你唔係到,你就仆街啦」

「哇..咁賤既 ?!」我壓低聲線,道出埋怨
「係嫁,所以唔好以為出左冊就完啊, 仲要落豐力樓返工,然後再守完監管令先完嫁」

「唉...」

「唉.....」

我倆一起歎氣,真的不容易啊

「而且Recall既我地都唔好受, 岩岩Recall既頭一個月, 早上同夜晚只可以食半飯同走菜走肉.中午就只可以食包,所以我到宜家都仲肚餓緊..」
我聽完眉頭一皺,肚餓既滋味,一定好巴

「不過算啦. 講呢啲無用, 差唔多時候啦, 你報啦.」
隨後我地結束了早上的節目, 再次入飯堂.

我地邊吃著白粥和牛油方包,邊等待下一更的阿sir返工

然後楚sir入來了, 虎sir亦都入了來

秋sir OUT
易sir OUT


楚sir IN
虎sir IN

每次既接班，我地其實都有少少擔心，如果阿sir心情唔好，可能帶我地就會帶得好巴

但我地並不知道暴風雨幾時來臨,因為我地永遠都是被動

接完更後,那個新來的Recall黃偉建起了身舉手

這時，暴風雨要來臨了