[少年監獄] 感受沙咀: 1. 一切的開端

有人話，我地呢啲監躉係罪有應得，後生仔衰左係應該嚴啲，淨係拎走我地既自由並不足以令我地吸收到教訓。
 但其實，除左無左自由，多出黎既懲戒同待遇，又係唔係真係我地應得應受?我唔知，亦覺得無必要去追了，因為事情已過 但果陣時係法庭，比個官判入去沙咀果陣，真係覺得幾震驚，幾不安 先講我衰啲咩先啦，我衰，藏有兒童色情物品
 事後查左查相關既野，呢個亦都係網絡上俗稱既“hard candy”其實若非我衰on9. 我都唔會入到去. 事發既時候，我仲讀緊form5，青春少男我就當然精蟲上腦嫁啦，果時好中意又或者係一種衝動吧，好想去認識 性 呢回事(加上係男校)，上各大鹹網已經係不在話下，追下追下緊，越上越多討論區，就越download越多A片，但問題係，有陣時download落黎既係zip左既檔，解壓縮後既file中，就正正有一個file裝住hard candy.

係唔知道有呢條法例下加上無乜點留意，我就on99比個file keep住左係部機到 之後既某日，差佬拎住個搜查令上門，第一次坐警車，第一次入警處，
環境既陌生，加上佢地好聲好氣緊勸我快啲認罪，

"早認罪會判輕啲"，

"宜家唔認你就會死得更慘"

佢地講既呢啲說話，讓我信以為真

所以我又真係on99認撚左先，唉。(就18歲既我其實未知道自己對住差佬有啲咩權利加上真係好驚) 之後阿爸黎左保釋，件事就緊開始拖左成年。(期間要不斷返去警處報到) 然後終於

到左上庭果日。觀塘法院。高高在上既法官，企係被告位到既我。 而我既皇家狀企左係我前面左邊果排既位置，同右邊檢控我既對台成了一行。 之後就好似流水既劇情般，檢控果邊讀出了我既罪行同show出差佬搜到既file，而我既皇家狀便開始為我求情(因為我之前口供認左，而且我都覺得我果時雖然係無害人，但都有d墮落感同自責，搞到老豆老母傷心) 最後，個官問左我一句:衡仔，你認唔認罪?(啊係,我叫衡仔)
 我靠近被告席上豎立的黑咪,說出了我已決定的台詞 :

我認罪
 講完后我發覺我把聲係顫抖著 之後個官好快，係好快同好無情地宣佈左 :




 鑒於我既罪狀好鬼嚴重，現在還押壁屋7日兼且等候教導所報告，勞教中心報告同心理報告 ! 位於法庭右邊木門既2個庭警立即向我行埋黎，我好似一個手無搏雞之力既細路緊，被他們挾著腋下帶著走，
但我仍然顧住回頭望，因為我想望返係旁聽席上既我既老豆老母，他們的眼中充滿不安和恐懼，我阿媽更是滿眼通紅
我眼眶泛淚，黎唔切講埋句“我會照顧自己”

就已經被帶入木門，咔嚓鎖上。 那種好似被人任人魚肉完，又要接受分離既感覺，真係唔好受。

不過，又能怎樣? 之後庭警帶住我入了一個電梯，直往地底更深既樓層下潛，係部lift下降既途中,我真係覺得呢個係一條通往地獄既通道. 到了後，眼前出現既係一條左右2邊都有監倉的走廊.一棟棟豎立，間隔整齊既鐵通更加明確地話我知，我就黎要去到唔同既世界 係入倉前,庭警收左我既隨身物品擺入左一個盆.話有咩隨身野要我交低比屋企人就宜家比,但身份證就要留低..而我阿爸亦都落左黎呢層.只不過黎到後..閘門隔絕左我同老豆. 我老豆一向係個沉默寡言,不懂表達愛既舊式爸爸佢收拾完我既細軟,便對我說 : 「睇住你自己啦」「恩...你都要睇住阿媽啊」 很少見的,我從我阿爸眼中看出了一股不捨.然後佢向旁邊的庭警問完路便搭返lift走了. 接著庭警帶我黎到走廊盡頭既白色倉，開鎖，領左我入去。我仲記得個倉係一個清涼的房間，2邊的墻係有歷史痕跡的白，
但地面和靠墻而凸出的2排石磚則是偏向黑色的，
而這個倉最盡頭有一個孤單既洗手盤，同一個起高左既石墻間隔，間隔中自然係個馬桶，唔係坐式果種，係要蹲的.這點和我所知的監獄片段無異. 庭警拋低一句: 係到等到有車為止先啦. 就走左出去,將個閘關上,鎖上,然後留下不安既我 期間到車黎到為止,我等左差唔多5-6個鐘.
 所以各位團友，不如等我介紹下個房間先啦




 首先留意到既,係2邊白墻上,無數,真係無數既留言字跡.有原子筆和鉛筆,又有凹入去的刻痕,
而內容大致上都係一些就要入去受靶既人既留言.
 比如:2012年,樂富飛馬在此留字 2011, 荃灣喪標入沙咀受靶留字,我無撚後悔打柒XXX(黑社會名)既傻龍. 2008-7-25 我就黎要入去受啦,出返黎又係一條好漢, 我會捱到既!  ----葵芳翼龍哥 搞我女朋友打左個撚樣一禍,早知要坐,我就打得再甘D啦  等等等等...... 仲有好多好多數不清既留言未能一一盡錄.
 但無疑的是,有不少留言都提及左沙咀同RC呢2個字. 而其中,我對一個留言仲有少少印象.內容大致上係: 如果我有命係沙咀出返黎, 條路我唔會再咁選. 類似緊既說話 但縱使係內容精彩萬分既2幅"香港青少年黑暗史留言板" 都唔會令你頂到6個鐘既沉悶同冰冷. 而終於,有一個人入來了.