《我好肯定Siri暗戀緊我》: 39.脫離?

眨眼之間，我已經拖住家姐脫離黑洞。返到去小渝屋企既廁所入面。

雖說頭先經歷過既，用科幻丶玄幻黎形容亦不為過，但係件件怪事啱啱先係眼前發生，歷歷在目，實在唔能夠唔信。

而怪事亦無因為我地脫離左「夢界」而消失。

我用力一聞，發現剛才令人作嘔既惡臭味已經消失得無影無蹤。推開廁所門，睇到既只係一堆又一堆既頹垣敗瓦。

「有冇人啊?」我身旁既家姐大聲問。





鴉雀無聲。

怪事發生得多，我同家姐都習以為常。打個眼色，我地就一齊步出小渝屋企去尋找真相。

一步出去，我同家姐都異口同聲地「哇」左聲：四周既環境已經面目全非，都變得殘破不堪，就好似世界大戰完黎咁樣。

「究竟點解會咁?」我同家姐一路行，情況都係咁，而且我地亦都搵唔到人問。

如是者我地沒精打釆咁走左一大段路，腦海入面充滿著無數個問號。突然家姐將我拉停，手勢示意我唔好出聲。





原來我地不知不覺咁行左返去中學，而學校正門左右兩邊各有一個守衛守住。佢地都穿著住盔甲同頭盔，手執一把長槍，睇落好笨重。

「有兩個人守住門口，睇黎入面有既野係事關重大。」我輕聲道。
「我試下引開佢地既注意力，再潛入去睇下入面發生咩事。」家姐係草叢邊執左一塊石頭，向佢地兩個擲去。

「碰!」一聲，其中一個守衛既頭盔爆裂，石頭直穿腦部應聲倒地。

家姐露出驚訝神情，似乎冇諗過自己隨手一擲既石頭將人置之死地。而另一個守衛見狀發現左我地，向我地跑過黎。

眼見行蹤敗露，我只好拖住家姐跑去另一方向，點知一拔足，我地已經跑出幾十米外。





「唔通我地仲未返到現實世界，所以發生緊既一切先咁不可理喻?」

我當自己仲係夢中，衝到守衛面前一拳就收左佢皮。

「睇黎我仲未脫離老豆所創造既世界。」我心想。