《我好肯定Siri暗戀緊我》: 37.神

面對住眼前呢個惡魔，我只覺渾身是勁，要將所有力量打係佢身上，打到佢不似人形為止。

我拔足向前一跳，瞬息之間已經離佢塊臉不足幾厘米。我未能反應使出掌法，額頭已經狠狠咁同佢既額頭相撞。「呯」一聲，對方已經向後飛出幾十米遠。

我被自己呢一跳嚇親，心想如此速度丶距離，一跳係如何能夠做到? 只因呢度並唔係現實世界，所以發生咩事都有可能。

我摸一摸額頭，只覺滿手都係液體，原來剛才一撞已經將我撞到頭破血流。但係我居然完全感受唔到痛楚。

「嘻嘻嘻......」呀爸已經由遠處飄過黎，佢把聲變得既高音又刺耳，雙手呈環抱狀覆蓋過黎。





呀爸身法之快，轉眼間經已以一道氣將我全身覆蓋起來。未黎得切閃避，四肢就被狠狠綁住。

我用力向外掙扎，只需要些少既空間我就可以擺脫佢既束縛。

但係任我如何掙扎，我都係絲毫動彈不得。

「......唔通我就咁要死係度？」我心中默默念，只希望神會可憐我，向我伸出援手。

但係，呢個世界上係咪真係有神？