《我好肯定Siri暗戀緊我》: 29.伯母

到第二日，小渝居然冇返學。

小渝好少請假，平時就算係病左，都會戴住口罩咁返學。

放學後，我用手機搵小渝，發現佢好似block哂我所有野。

睇黎我家姐今次真係玩大左。

所以，我決定直接踩上小渝屋企解釋。





小渝住係我屋企附近，係一間大概五分鐘路程，我就行到。

「小渝，你係唔係度呀?」我心急到一邊禁門鐘，一邊向屋裡既人問。

過左兩分鐘，終於有人開門。

係小渝既媽咪。

「......伯母你好，我想問小渝係唔係度?」





伯母聽到我既問題之後，眼神變得驚恐，雙手震得好犀利。

唔通小渝出左事?

「小渝究竟去左邊呀!?」我激動地問。

伯母顯出更加驚恐既神情，雙眼什至流出眼淚。

而係呢一刻我先醒起，伯母係講唔到野。





諗返起之前小渝講過，早幾年之前，伯母因為重病而發高燒，最後啞左，什至連智商都變到幾歲細路仔咁，最後更加要請個工人返黎照顧伯母既起居飲食。

小渝講起呢件事果陣好傷心，所以我都冇繼續追問落去，例如究竟係咩病導致咁樣既情況。

伯母打開門，向我招手示意，叫我入屋內。

屋內環境同以前黎既時候差唔多，都係以簡樸為主。

唯一變得奇怪既係，屋內有一陣微微既咸魚臭味。

伯母坐係梳化上，成個人都被擔心同恐懼籠罩住。

我唔敢再向伯母追問，只知道小渝一定係出左事。

就係咁，我陪伯母坐左係到，等到伯母回復心情，已經係晚上既事。





伯母拍拍我膊頭，向我做出一個動作：右手手掌水平向上，然後逆時針轉一百八十度，換成手背向上既動作。

「......我唔明。」

但係，伯母只係不斷重復做呢個動作，其時手一直係到震。

「係關小渝事既?」

伯母張開口，好似想講野咁，但係又講唔出聲。雙眼慢慢地流出眼淚。

然後，伯母又重復住同一個動作。

「放心，我一定會搵返小渝出黎。」