《我好肯定Siri暗戀緊我》: 27.喊出黎

「你今日做乜......」

「唔好問。」家姐神情變得冷靜沉重:「做我一日男朋友。」

就係咁，我就真係做左家姐一日男朋友。

陪佢睇戲丶食飯丶行街...... 而親密既行為，最極限都只係拖手。

畢竟果個係我家姐。





雖然答應左佢既要求，但係，佢成日都冇開心過。

平時家姐都已經好少表露佢既情感，好似咩都唔介意咁。

但係佢今日多左一份傷感。

「家姐，你係咪有野唔開心?」我地終於返到屋企，開大個冷氣。

家姐冇理到我，反而自己行左入房。





女人會咁，其實都應該因為情傷。

我問既問題，自己心中一早有答案。

「仔死仔還在，下個更可愛呀。」

「你睇下，我中左六合彩。」家姐又係房入面走出黎，將張紙遞俾我。

「係投胎卷?」





「係。」

「咁點解你唔開心成日?」

「因為我中左八千萬頭獎，但係冇去拎。」