［校園鬼故 X 陳生回歸 X 角色崩壞］無能子鋒與無能鬼: （四十一）德叔的情況（四）
「你又想做啲咩？」我警戒著說。
「唔係我想做啲咩，而係『佢』，會做啲咩。」黑氣指了指螢幕上的德叔，示意我繼續觀看。
只見炎冰平躺在地上，而地上則有一個紅色的奇怪圖案，看上去像是一個魔法陣。
除了那魔法陣，炎冰四周都被一些爉燭圍繞著，而德叔則站在魔法陣範圍外，口中念念有詞，在默念著一種我聽不懂的語言。
隨著德叔的語速愈來愈快，炎冰的樣子開始變得扭曲，只見她全身顫抖，不斷冒出汗水，好像十分痛苦似的。
突然，螢幕上發上巨大的聲響，好像有甚麼東西互相撞擊似的。
隨後，炎冰身上發出了微弱的光芒，感覺像是在對抗甚麼似的，而德叔則在炎冰發出光芒的同時，像受到了撞擊一樣，向後退了數步。
隔了一會後，德叔又做了同樣的動作，但這次亦被那光芒逼退。
這樣的影像重覆了三四次後，不知道是否錯覺，炎冰身上的光芒好像變得黯淡起來。
「佢......佢究竟做緊咩？」
「你應該知㗎！」黑氣對著我微微一笑。
「哼！你唔駛嚇我，話唔定呢個影像都係假嘅！」我當然知道螢幕中的德叔正在嘗試奪取炎冰身體的控制權，只是，這亦可能是一個假象，一個用來要脅使我就範的假象。
「你信又好唔信又好，我都無所謂，我只係做下好心提醒你，佢哋依家嘅處境啫。」
「我唔會上當㗎，你死心啦！」
「係咩？你睇埋先講啦。」在德叔和炎冰的畫面旁邊，又出現了另一個影像，只見那影像裡有一個人，在街上緩慢移動著。
「點......點會噉㗎？佢係邊個？」我驚訝地問。
「做咩呀？唔係連自己都認唔出呀？」黑氣語帶恥笑地說。
沒有錯，另一個畫面上的，正正是我。
可是，我明明應該正躺在家裡的大床上才對，這個斷不可能是我！
「痴線，無可能，我明明仲喺屋企！」
「你肯定？不過唔緊要，陣間你就會知咩事㗎啦。」
「你......一定係你做咗啲咩手腳！你想點？」
「冷靜啲先。首先，我被你師傅封印咗，邊控制到你，我喺你意識入面出現，已經係我嘅極限。第二，依家唔係我想點，係『佢』想對你，同埋你嘅朋友點呀。」黑氣指了指德叔，像是提醒我現在最大的敵人是他才對。
「而第三，我想點呢，就一早講咗你知㗎啦！解開封印，等我嚟幫你啦。」
「無......無可能，你唔駛旨意！同埋，天命叔佢一定知道咩事，佢會嚟......」我的話還沒有說完，黑氣便打斷了我的說話。
「你師傅依家閉緊關，你想佢幫你？得，聽日日出時份，佢應該會養好傷。不過，你估下你捱唔捱到去日出？」
「我......我唔信！」對於他的說話，雖然不敢完全相信，但也想像不到他需要說這種謊話，畢竟只要我清醒過來，便會知道是真是假。
「我都講過，你信唔信唔重要。重要嘅係，我係有誠意嚟提醒你，只要你願意，我會幫你！」魔鬼的誘惑再次在我耳邊響起。
「唔......唔得！我......我......」
「我知道係難決定嘅，不過唔緊要，你好快就會醒，醒返之後你再決定都未遲。」黑氣說話時，只見我的肉身已經來到一座大廈前面。
「我唔會放你出嚟，你死啦！」
「係咩？做人唔好將說話講到咁死，話唔定你醒返就會改變主意呢。呀，爭啲唔記得！」
黑氣突然向我左臂襲來，我還沒有反應過來，左手手掌便感到一陣灼熱，然後更感到一陣痛楚！
「你......你做咩呀？」我用力的掙脫了黑氣的纏繞，然後看了看手掌心，只見一個圓形的魔法陣在我掌心中顯現出來。
「咪話我唔幫你，如果到時你覺得有危險，又想我幫手嘅，你就將你嘅血抹落你手掌心嘅位置。當魔法陣被你嘅血液填滿之後，你只需要諗住解開封印，我就會出嚟幫你手！」
「我唔會噉做，你死心啦！」雖然我嘴上是這樣說，但眼睛還是忍不住看了看手掌的魔法陣。
不過，怎麼感覺這魔法陣這麼眼熟？
「呢樣嘢，你陣間再慢慢決定啦，到時，你就會明白，點解我話你哋對付唔到佢。同埋，你一定會需要我幫手嘅！」
一語既畢，我便感到自己開始脫離這個黑暗的空間。
我睜開雙眼，發現自己正在升降機內，而升降機正一步一步向上攀升。
最終，升降機在頂層停止了。
升降機門開啟後，我感到門外異常寒冷，和升降機內形成強烈的對比。
我不知道自己在升降機內停留了多久，但那不願關上的升降機門，就像在要求我離開升降機。
無計可施下，我只能慢慢踏出升降機。
就在我離開了升降機後，升降機的大門以異常的速度快速關上，我能肯定，這不是機械正常的運作模式。
我知道，升降機不會再次運作起來。
我只好走到逃生通道那邊，利用樓梯來離開這個地方。
但更加奇怪的，便是逃生通道裡，本應向下的樓梯，此刻充斥著白色的霧氣。
我鼓起勇氣踏進霧氣之內，卻發現不論我朝哪個方向走動，最終仍是會回到原來的樓層。
這意味著，我只能朝著天台進發。
而我知道，天台上會有甚麼樣的東西在等待著我！
德叔，我......我來救你了！