［校園鬼故 X 陳生回歸 X 角色崩壞］無能子鋒與無能鬼: （二十五）原委（二）

「頭先你話做咗幾樣準備，到底係做咗啲咩？又點解要叫埋阿奶幫手？」
 
「其實講嚟講去，如果你唔係咁衝動切斷咗你同小詠嘅連繫，本來係唔需要將你女朋友都拉埋入嚟。」
 
「我……我唔係佢女朋友。」坐在一旁的阿奶，聽到天命叔的話，忍不住開口，她就真的這麼討厭我嗎？
 
「係係係，你繼續休息唔好出聲啦，陣間再傷多次就麻煩。」
 
只見阿奶虛弱地閉上了眼睛，繼續休養生息。
天命叔則用眼神示意我離開房間，以免妨礙了三人復原。




 
來到大廳中，天命叔以指作劍，向地板揮舞了數下，便示意我坐下來。
「好啦，我哋繼續啦。總之，嗰次叫埋你女朋友去咗道壇，佢相信咗你嘅事之後，我哋就教佢面對靈體嘅時候，可以點樣保護自己。」
 
「吓？你……你哋教佢道術？」我實在想像不到阿奶會學習道術。
 
「道你個頭，你估真係話學就學呀，個個都學得嘅我一早教咗新抱仔啦？學道術除咗講資質，亦都要講心，雖然你女朋友信你嘅遭遇，但係佢信嘅始終係西方宗教，叫佢學咪盞浪費時間。」
 
「噉你又話教佢？」
 




「我只係教佢真係遇到嗰陣，佢應該點樣穩住自己心神，同埋畀咗個護身符佢啫。當然，淨係噉樣係唔夠嘅，好在我見多識廣，同一位神父好熟，佢以前喺外國都有份做驅魔，所以請咗佢嚟幫手教你女朋友。」
 
「驅魔人？」我腦海中立即浮現出電影驅魔人的形象，然後阿奶驅魔的造形在我腦海裡出現，好像還不錯啊。
 
「你放心，唔係教佢驅鬼，係教佢點樣可以增強信仰嘅心同埋點樣透過禱告保護自己啫。」天命叔解釋。
 
我還記得天命叔曾經教導我，他告訴我世上任何宗教，都有其方式接觸和對抗非人之物。
 
關鍵都是靠著堅定的信念，來跟那些非人之物對抗。
所謂靈力或信仰之力，其實都是把自身的精神力量化做成對抗他們的能量罷了。




 
所以，力量愈是強大的道士或神父，精神方面通常是十分堅韌的。
當然，這是一般所謂正道的修練方式，聽說還是有其他特殊的方法來獲取這些力量，但天命叔卻從沒有加以說明，可能是不希望我誤入歧途吧。
 
至於阿奶方面，她每天在道壇附近的教堂裡，學習聖經和禱告。
而神父每天的祝褔，亦為阿奶提供了某程度上的保護。
 
除了阿奶，其他人也沒有閒著。
小詠每天替我卜卦，看看我會不會遭遇到甚麼不測，但由於卦象一直沒有改變，天命叔只好吩咐炎冰主動出擊，來到我身邊調查。
 
而陰氣最重的地方，當然是我就讀的學校。
令人驚訝的是，陰氣偏佈的範圍十分廣闊，半徑的長度，大約由學校一直延伸至康寧道遊樂場，形成了一個狀大的圓形。
 
雖然他們鎖定了目標地方，但不知是甚麼因由，那股陰氣忽有忽無，每當以為追查到源頭之際，那股陰氣又消失無踪。
 




而我跟炎冰去了安老院時，那次的陰氣最為明顯，所以炎冰一直跟在我身旁，但直到我離開的一刻，那陰氣還是時有時無，最後更消失無踪。
 
炎冰知道追踪失敗後，便讓我自行離去，她亦立即回到道壇跟天命叔從詳計議。
萬料不到，我和她分別後，那靈體竟是找上了德叔。
 
而且，這靈體不僅對付德叔，還膽敢對阿詩出手。
幸好小詠的卦象卜到阿詩的情況，炎冰才能及時來到這裡拯救阿詩。
 
「可惡！隻嘢搞我就算啦，點解要搞我身邊嘅人！」我無法壓抑自己的怒火。
 
「今次呢隻嘢唔簡單，佢唔單止能夠消除自己的陰氣，避開炎冰嘅追踪，而且仲識得揀我閉關休養嘅時間嚟出手，證明佢應該觀察咗一段時間先出手。而且佢嘅目標，似乎係要令你自責，令你嘅力量變成負面，噉佢就可以輕易噉消化你嘅能量。」天命叔這翻說話，不外乎是要我保持冷靜，堅定自己的心靈，但面對這樣的情況，試問我又如何能做到呢？
 
「你放心啦，新抱仔同你女朋友避過咗呢一劫，應該唔會再有啲咩事㗎啦。之後我會叫炎冰整個結界保護呢度。隻嘢今次噉大動作，我相信要追踪到佢，並唔係一件難事，今次應該好快會解決㗎啦。」天命叔安慰我。
 
「係就好啦，我唔想再見到有人因為我受傷。」聽到天命叔這樣說，我才稍為安心。




 
「你放心啦。」
 
不知道是錯覺還是其他原因，總感到天命叔的說話裡好像隱暪了甚麼，像是不能暢所欲言似的。
 
正當我想問他是否還有甚麼隱情之時，我突然想起了一個重要的人物，由於剛剛發生的一切實在太危急，害我差點忘了原本的目的。
 
「天命叔，我大廈嘅看更德叔失咗踪，我驚佢失踪嘅原因，係因為我！你一定要救佢！」