我只能傷害妳，對不起: 後記

　　呢個陪伴左我快半年既故，終於都完左啦。
 
　　故事既頭8000字，係0係異國酒店打出黎既。當時我一個人去旅行，自己一個人四周遊覽既時候，腦裡面一邊run緊成個故事。自細我就好鐘意腦裡面run好多唔同既幻想，自自然然演變成拎起支筆寫底一個又一個既靈感，希望自己總有一日能夠完成所有靈感既延伸，完成一篇又一篇既故事。細個想以筆維生，成長路上不斷被灌輸我冇才能，搵份好工好過，不知不覺，有段　時間放棄左呢個夢想，更加時常麻醉自己寫野只係為左自我滿足，比唔比人睇都冇所謂。
　
　　鼓起勇氣post故，對我來講有好大的意義。原來只要有一個讀者支持，已經同寫比自己睇係好大分別。從今以後我會繼續努力，搵錢同夢想係可以同步進行的。
 
　　講番個故。呢個係我第一篇完成左既愛情故，本來只有正傳，係寫到差不多結局既時候突然冒出左想寫下女主角角度既想法。而家睇番，發現打外傳係正確既。有埋呂詩瑋角度，呢個故先係完整。李書賢角度既呂詩瑋太完美，呂詩瑋角度既李書賢都美化左好多，只有從兩個角度睇，先至令整個故事更完整更真實。佢地兩個對我來講好似有血有肉既朋友咁，講真要同呢個故講byebye都有d唔捨得……
 
　　最後都係老土d，要多謝咁多位巴絲一直以來既支持，你地一個正皮一個留言一個公仔，都已經係我好大既動力，知道有人睇緊有人欣賞，令我更加迫到自己寫完成個故（以前我經常半途而廢），多謝大家黎緊我可能會改名出故，改咩名到出故果時我可能翻出呢個post講一下，因為我唔捨得大家，希望大家繼續支持我！
 


　　多謝你地，多謝李書賢同呂詩瑋。
 
　　下篇再見！