全班同學參加咗一場死亡遊戲之後，結果就死剩我一個！？: 第11話：《謀反》

「喂，你哋有冇發覺？」我問，他們都一臉疑惑地看著我。「我係指，你哋隻錶啊！你哋冇發現有咩異樣嘅咩？」

「吓？隻錶？隻錶有咩問題啊？呢隻錶…係陳老師送畀我哋㗎！會有咩問題喎！」凱嵐第一時間反駁。

的確，陳老師一直都對我們很好，要說她出賣我們，換作是以前，我一定不會相信。

可是，現在發現了手錶的異樣後，我真的無法再平心而論。

或許，以前是我們對她偏心，心裡總覺得她不會出賣我們，因為她一直的一舉一動，也不像一個會這樣對待我們的人。





但是，也許她一直的善良，也是裝出來的。這刻我不得不相信，陳老師就是企圖傷害及把我們推進深淵的兇手。

「我估唔到…陳老師會咁對我哋…」凱嵐聽完我的解釋後，不知如何反應，死寂的環境中，每個人都接受不到這個真相。

也許吧，當別人對自己好，大家都會覺得理所當然；可是，要是別人對你有絲毫的不禮貌，你總會覺得是別人的錯，繼而把責任推向別人。

人性本善，這句是我聽過最垃圾的話。

人類，天生就種有「七宗罪」的惡果。





七宗罪，分別是指傲慢、嫉妒、憤怒、懶惰、貪婪、暴食及色慾。

人類，總會在不經意的時候演繹出這七宗罪。

不管是有意還是無意，每個人都肯定犯過七宗罪裡面的任何一種。

當人開始嫉妒，那麽七宗罪就會出來作惡。

人類總是會重複犯下錯誤。儘管是已經知道了什麼不能做，還是會被慾望衝昏頭腦、支配身體。





大家都在死寂中沈默了很久，沒有人願意面對這個真相，包括我自己。

「咁跟住落嚟，我哋點？我哋都唔可以喺到守株待兔，要主動出擊㗎！」海賢難得地發表起意見。

「既然，我哋都知道咗馬教練係點樣追蹤我哋嘅定位，咁反之，我哋都可以追蹤翻佢嘅所在地。」我提議。

「係就係可以嘅，只不過好似有啲難度。我哋都整唔到，咁點追蹤啊？」凱嵐回答。

我指向躺著的陳子朗，道：「我哋有佢啊嘛！而且我頭先見到呢到有電腦收銀系統，有陳子朗喺到，要hack入去個system到，真係濕濕碎啦！」

不知道陳子朗聽力是不是特別靈敏，在我說完這句話後，他居然醒來了。

我趕緊過去攙扶著他—畢竟他現在對我們來說很重要的啊！

「我頭先，好似聽到你哋叫我個名？」陳子朗問。





「你係咪真係昏迷緊㗎！咁你都聽到？」凱嵐驚訝地問。

「我哋而家好需要你！我哋要你幫手hack入去個組織嘅system到！」我激動地說。

「點樣hack入去啊？我哋咩資料都冇，講hack就hack，邊有咁易！」陳子朗道。

「係隻錶啊！我哋發現咗陳老師送畀我哋嗰隻錶有異樣，我哋可以根據個隻錶再hack入去佢個組織嘅電腦系統到㗎！」凱嵐激動地說。

「你講就易！要hack入個system又要電腦又要網路，仲要好耐時間！如果hack入嘅途中被發現，仲分分鐘會畀人滅口！」他說。

「但係唔試就咩都冇！」我反駁。「唔通你忍心見住我哋一個一個自相殘殺，最後死剩一個咩？」

「我都唔想！只不過你要明，咁樣嘅風險真係好大！」他仍然堅持立場。





「唔緊要！只要，其他人可以安全，我點都冇所謂。」我亦沒絲毫的鬆懈，繼續勸說他。

「好啦好啦！我只能講，後果自負！」他終於被我們打動。

此時的我，實在是太單純。

我，居然忘掉了，人自出娘胎，便擁有著「自私」的個性。

遊戲總人數：31
生存人數：10
死亡人數：21