《逃學》校園遊戲逃生日記: 第四章 進攻
《逃學》by雨天霹靂
第四章 「進攻」
上章選擇結果
B-同佢地商討下我應該點算，搵埋佢地幫手，始終我地係一個team
Day2 時間：07:30
我好早起左身
或者應該話根本訓唔著
不斷諗緊琴日發生嘅事
我相信好多人都好似我咁，希望一覺訓醒
發現其實一切都只係一個噩夢
我都係唔好諗咁多啦
行咗出班房，攞咗條屍嘅學生證
咁我距離目標仲有3張
我返咗去會客室搵佢地三個
佢地仲訓緊，我輕輕拍醒阿威
佢攞一副未訓醒嘅樣望著我
「咦返黎啦？下次唔好再單獨行動啦！」
「驚咩呀，我依家咪又係冇事。」
我即刻將語氣變得好嚴肅
「不過，我地係時候認真開工啦」
我將手機入面嘅短信俾咗阿威睇
「吓，咁咪即係要殺4個人？」
阿威嘅反應有D大
隔離嘅兩個女仔都慢慢起身
「可以咁講，連埋我自己，我已經有兩張係手。」
佢冇追問我另一張邊度黎嘅
「咁你有冇咩計劃？」
「琴日我都有周圍去睇下，醫療室被3個高form佔據咗做基地，佢地周圍去搶D低form嘅學生證。」
「我明啦，咁我地依家點」
「直到夜晚之前
我會去周圍睇下有冇屍體可以執學生證
如果冇嘅話
我諗我地嘅目標就係佢地三個
我地一定打唔過佢地
所以必須夜晚出動
記住，今次嘅行動唔好同女仔講
費時佢地擔心
你依家跟我過黎啦」
實驗室
「你黎呢度做咩」
我攞咗一樽酒精，同埋一盒火柴
「呢D嘢係攞黎對付昆蟲嘅
我唔想死得面目全非」
「但係既然我地唔夠佢地打，
咁就算偷到學生證，都係俾佢地搶返」
「岩，所以我特登揀夜晚行動
不過機會只得一次
失敗嘅話就一齊死」
「一場兄弟
唉今次死就死啦」
20:30
已經就黎九點
D昆蟲差唔多出黎
我地同兩個女仔講咗今日唔會返基地訓
詳細原因冇講
我地潛伏咗係距離醫療室最近嘅1E課室
已經預先將酒精淋曬係附近嘅地板同牆壁
時機一到，我地就即刻出動
23:55
我同阿威依家即刻出咗1E門口
不出所料，後面真係有堆昆蟲追緊我地
我將火柴點燃，扔去倒咗酒精嘅地方
D火即刻向四周蔓延開去
不過我真係失策
過左咁耐時間，D酒精都干咗好多
火勢最多可以幫我地堅持20秒
不夠都足夠我地偷偷咁樣入去醫療室
距離12點仲有2分鐘
醫療室入面熄曬燈，有1個人訓係床上面
2個人訓係沙發上面
我負責沙發果兩條友，阿威負責床
我摸到佢褲袋入面有嘢，應該係銀包
入面應該有學生證，所以我即刻搶咗
用同樣手段搶埋第二個銀包
不過佢地都察覺都我呢個舉動
「大佬，有賊仔！」其中一個醒咗後大叫
不過阿威與此同時都搶咗最後一張學生證
比左我
「打佢！竟然夠膽係我地頭偷嘢！」
我同阿威都被人毆打
我個鼻更加俾人打到流血
我冇因為咁樣而退縮
反而緊緊抓住佢地嘅銀包，死都唔放手
心入面默數
「10、9.......
「大佬呢度有刀！」
個學生向我揮刀，斬落我隻手度
3...2...1」
最尾個「1」字我大叫咗出黎
我細細聲咁樣自言自語：
「我得咗！
遊戲規則第三條：
每日12點，學生證不在身上者死」
阿威鬆咗一口氣：
「呼！終於完啦！」
「未！仲未得，你睇下出面」
出面嘅火勢持續蔓延緊
我即刻沖咗出去
用條消防水喉D高壓水滅火
不過呢個時候成間學校都響火警
過咗幾分鐘，火終於熄滅
火警鐘都停咗，隨後嘅係廣播聲
「叮咚叮咚」
「你地兩組被我選中嘅人都表現得好精彩，唔錯唔錯。
回校學生：671人
存活：613人
死亡：58人
逃出：0人
你地仲有5日，挽得開心D啦，哈哈哈...」
除咗我地之外，仲有另一個人俾人揀中
我嘅手機亦都傳來信息
「鄭俊峰，恭喜你完成任務！
以下係作為完成任務嘅獎勵
提示：F.L.I.T 密碼：3·1·5·2
注意：此密碼只能被使用一次」
我地打開咗醫療室嘅燈
入面竟然...得我地兩個
一條屍都冇
不過佢地D嘢仲係度
我地仲意外搵到佢地搶返黎嘅學生證
一共31張
「好攰，咦阿峰，你隻手」
雖然頭先佢冇斬落我隻手度
但係把刀跌落黎果下都割損咗我
「冇事啦，少少傷」
「我幫你包紮啦，之前Red Cross學過」
「你鍾意啦」
點解佢地會消失，
呢個就係冇學生證嘅死法？
但係頭先俾嘅密碼同提示究竟係咩，
解開又會有咩發生？
我經過今晚，已經冇力再思考
阿威體諒我隻手有傷
我就係張床上面訓咗
未完待續...
P.S 本身諗住同第五章同時出，但係我驚會太長。
敬請期待第五章-「防守」
btw，今次冇選擇，不過有另一樣嘢要大家依家。
本系列你期望嘅章節數量
A- 7-10
B- 11-13
C- >13