亂數戰爭(39): 懲罰_2
「唔可以再參加遊戲……」
那算是什麼懲罰呢？本來這個遊戲就是強迫你一定要參加，然後可能斷送了生命。
要是一直不參加遊戲，任由分數下降，接著失去參加的資格的話，那對任何人都會是好事啊。
雷果摸摸在她手中的長刀。
「你可能會覺得呢件係好事，但其實，唔可以再參加遊戲呢一件事，會係一件壞事。至少係將來會係。」
「？」
「你覺得我而加行出去，由呢度一路用呢把刀向住路人胡亂斬殺，你覺得會到幾耐先至被人捉到啊拿？」
「而我大概思考，應該會係二十至到三十條大路嘅時候，會被特種部隊用迫擊砲之類嘅方式炸死。」
「姐係話，係特種部隊，或者警隊係發現到 武士之刄 可以格擋火槍之前，我可以事無忌但咁殺人……而且仲要係單方面屠殺。」
「就算敵人有機關槍又好，有上數百，數千人又好，只要佢地一近身就會被我砍死。一刀將所有進入我攻擊範圍嘅物體一分為二。」
我明白她想說什麼了。
我說：「姐係話，一旦果個人仲係遊戲之中，就可以擁有一把令自己無敵嘅武器？」
這樣說的話，擁有武器的人，就是特別的幸運兒，而不是被逼走上死刑台的可憐人。
而且，就算真的參加了遊戲，也可以用投降的方式去令自己的生命得以保住。
最重要的是，即使分數下降至零分也好，對於那個人而言，根本就沒有任何的壞處，只是生活回來本來面貌而且。
她無言。
我有點恐懼地問：「係……係唔係真嫁？但係我有咩理由相信你！」
「係真嘅，你唔相信我，可以相信你手上黑色嘅方塊。
「？」
「你試下進入番黑色方塊嘅視角先，你入到去依然可以聽到我講野。」
我半信半疑地摸了黑色方塊，眼前塵土滿臉的後巷迅速不見了，四肢也沒有了知覺，眼前是一堆又一堆的資訊。
「你係唔係已經入到去啦？」
我居然還聽到她說話了，為什麼？
「你個身體其實依然係現實，姐係話我嘅面前，不過你嘅意識已經入左黎呢個空間。」
「所有有能力進入空間嘅人，只要佢願意傳遞訊息，都可以無條件咁，無視地形單方面傳遞到另一個能入左空間嘅人果度。」
「姐係話，只要你願意，你都可以向我發言。」
「就算係對話嘅雙方係現實之中隔住一道好厚嘅牆，只要，佢地一進入呢個空間，就可以無視係物理上嘅法則。」
「不過，呢種所謂對話係有距離。如果雙方之間嘅距離超過五十米，對話就會傳遞唔到出去。」
法則。物理。現實。空間。
為什麼，為什麼她在說這些東西的時候都不曾感覺突兀，明明由剛才開始我已經不再感覺到真實感。
「你而加，係畫面清單度，搵一下你嘅分數。」
我望了望，根本就不用找了，分數的顯示大刺刺放在左上方的位置，生怕我看不到一樣。
「你用感覺，思考一下，「到底輸左遊戲會發生咩事」，呢件事。」
她說話愈來愈荒謬。
我真的在腦海中想了想這件事情，畫面再次改變了，變成了一句話。
「分數為０者，將永久失去參加資格。」
「咦……」
我突然由那個畫面退開了，回到現實的世界來，回到充滿塵土的後巷之中。
跟她說的一樣啊……
真的，輸了的話真的就跟以前一樣啊……
不行了。內心快要崩塌，本來激動不以的心情立即變成索然無味，變成頹廢又安心的喪家犬。
太好了。
真的太好了。
眼淚都流出來了，就這樣吧，這樣完結就好了。
雷果望著我一語不發，那個少年則是顯得不明所以。
「本黎，輸左遊戲唔會係一件壞事，但係……」
我強忍著內心的喜悅，抹了抹淚水，細聽下她還想說什麼鬼。
「以前黎講，每一次遊戲開始，都會首先強制傳送玩家，將所有玩家傳送到一個地方，再開始遊戲。以場地而言，我地會稱果種戰鬥場地為「異空間賽場」。」
「你上一次，同胡骨係同一隊比賽嘅時候，就係係呢一種賽場比賽。一個異於現實嘅空間，打唔破嘅戰鬥場地。」
「但係，唔知由幾時開始，戰鬥賽地慢慢咁發生改變。」
「由每一次，直接將所有人傳送到異空間地方比賽，開始加入另外一種戰鬥場地。另一種場地……其實就係現實，係現實度直接呼叫玩家開始殺戮比賽。呢一種場地，我地稱為「現實賽場」。」
「現實？」
她面無表情地點點頭：「比賽開始會傳送玩家去現實中某個地方，再用黑色方塊進行通知同埋傳送比賽資訊。然後用我地唔知嘅方法，令到玩家無法離開比賽區域。」
「雖然，呢一種所謂新型比賽場地只係發生過幾次，但係每一次果個地方都會產生接近天崩地裂等級嘅破壞。」
「好彩嘅係，之前現實場賽發生嘅地點都係無咩人經過嘅地區，死亡人數仲係可控制嘅數字。」
「之不過，我地同樣觀察另到一件事。現實場賽場地嘅大細，慢慢由一場一場開始變大。上一次發生嘅比賽嘅地方相信係澳大利亞東山面嘅一尐島仔，個範圍差唔多有半個大嶼山咁大。」
「而且，只要比賽場地愈黎愈大，係果場比賽度武器可以提升嘅等級就會愈高。我相信係考慮到比賽場地之大，武器可以發揮嘅空間亦會愈多。」
她遞了一相照片給我看。
是一張大海照片，照片的邊緣可以看到綠草如茵的岸邊。
她把照片收回來，給我看了另外一張。是一張青綠小島的照片，細看的話，這張照片的邊緣也有跟剛才那張一樣的海岸。
「上一次嘅戰鬥，令到成個島唔見左。」
「係往後嘅戰鬥入面，當戰鬥場地大到唔可以控制嘅時候，邊個有武器，邊個人先可以保護到自己同保護到心愛嘅人。」
她是很認真的說著的。
「唔……」我在懊惱，我不想聽她這一段說話，只想知道自己能夠退出這個遊戲，只想聽一句「已經足夠了」。
她又說話了：「但係就算你認輸都好，都唔緊要，因為始終你都係一個普通嘅中學生，無必要承受咁沉重嘅事情。」
「你只要咩都唔好做，乖乖地等待到分數歸零就可以啦。」
腦袋一片空白。
雷果她後退了一步，靜靜地等待我回應。
她有點不解再說：「你慢慢咁考慮啦，而且，我希望你係往後嘅日子，唔好比其他人知道在遊戲嘅存在。我地實在唔想由因為武器嘅存在，又整多幾個好似胡骨咁嘅反社會人仕。」
在她說完後，在後面那個穿唐山裝的老人動起身子並說：「我要去參加遊戲了，晚上的視察就拜托你們了。」
雷果還有她弟弟點頭示意。
不到半刻，那個老頭就被傳送走了。
「你……呢個老伯唔通唔係你地嘅親人黎嘅？點解你地會比個咁年老嘅伯伯去參戰？」看到一個年邁的老人在眼前消失，下意識就說出這件事來。
「我爺爺？我地驚佢收唔切力打死人就真。」雷果的弟弟悠閒自得地說。
雷果沒完全沒有緊張以及擔心。
「總之，你考慮清楚，我地會盡量保護你嘅安全。不過，如果你係無可奈何之下會講出遊戲呢件事，我地亦只能夠將你滅口。」
她面無表情，像殺人這件事，稀疏平常。
這種感覺是什麼，有一點，只是一點點，奇怪的感覺在我的身體，它在問我：「到底在這個地方本來是幹什麼的？」自己問著自己。
算了，不要想了，只要做著自己，一切都會回歸以前一樣。